காரசாரமான.. தக்காளி ஆம்லெட் - எப்படி செய்றது-ன்னு பாத்து செஞ்சு பாருங்க.. அள்ளும்..

Spicy Tomato Omelette Recipe In Tamil: உங்கள் வீட்டில் அடிக்கடி முட்டை ஆம்லெட் செய்வீர்களா? அதுவும் எப்போதும் ஒரே மாதிரி தான் முட்டை ஆம்லெட்டை செய்வீர்களா? அப்படியானால் ஒருமுறை தக்காளி ஆம்லெட்டை செய்யுங்கள்.

இந்த ஆம்லெட்டை சூடான சாதத்துடனும் சாப்பிடலாம் அல்லது வெறுமனே கூட சாப்பிடலாம். இந்த ஆம்லெட்டை ஒன்று சாப்பிட்டாலே வயிறு நிரம்பிவிடும். பேச்சுலர்கள் இப்படியான ஆம்லெட்டை தெரிந்து வைத்துக் கொண்டால், அவசரத்திற்கு கைக்கொடுக்கும்.

உங்களுக்கு இந்த காரசாரமான தக்காளி ஆம்லெட்டை எப்படி செய்வதென்று தெரிந்து கொள்ள வேண்டுமா? கீழே தக்காளி ஆம்லெட் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* எண்ணெய் - 2 ஸ்பூன்
* வெங்காயம் - 1 (பொடியாக நறுக்கியது)
* தக்காளி - 2 (பொடியாக நறுக்கியது)
* கறிவேப்பிலை - 1 கொத்து (பொடியாக நறுக்கியது)
* கொத்தமல்லி - சிறிது (பொடியாக நறுக்கியது)
* பச்சை மிளகாய் - 1 (பொடியாக நறுக்கியது)
* உப்பு - சுவைக்கேற்ப
* மிளகுத் தூள் - 1 டேபிள் ஸ்பூன்
* மிளகாய் தூள் - 1 ஸ்பூன்
* கரம் மசாலா - 1 டீஸ்பூன்
* முட்டை - 3

செய்முறை:

* முதலில் ஒரு பேனை அடுப்பில் வைத்து, அதில் எண்ணெய் ஊற்றி சூடானதும், பொடியாக நறுக்கிய வெங்காயத்தை சேர்த்து நன்கு வதக்க வேண்டும்.
* பின்னர் அதில் பொடியாக நறுக்கிய பச்சை மிளகாய், கறிவேப்பிலை, கொத்தமல்லியை சேர்த்து வதக்க வேண்டும்.
* பின்பு அதில் பொடியாக நறுக்கிய தக்காளியை சேர்த்து மென்மையாகும் வரை வதக்க வேண்டும்.
* அடுத்து அதில் சுவைக்கேற்ப உப்பு, மிளகாய் தூள், மிளகுத் தூள் மற்றும் மஞ்சள் தூள் சேர்த்து நன்கு பச்சை வாசனை போக வதக்க வேண்டும்.
* பின் அதில் சிறிது நீரை ஊற்றி நன்கு கொதிக்க வைக்க வேண்டும்.
* பிறகு ஒரு பௌலில் 3 முட்டைகளை உடைத்து ஊற்றி நன்கு அடித்துக் கொள்ள வேண்டும்.
* பின் அடித்து வைத்துள்ள முட்டையை மசாலாவில் ஊற்றி, முன்னும் பின்னும் திருப்பி போட்டு வேக வைத்து எடுத்தால், சுவையான மற்றும் காரசாரமான தக்காளி ஆம்லெட் தயார்.