எப்பவும் ஒரே மாதிரி உருளைக்கிழங்கு வறுவல் செய்யாம.. ஒரு டைம் இப்படி ட்ரை பண்ணுங்க.. செம டேஸ்டியா இருக்கும்..

Spicy Potato Roast Recipe In Tamil: உங்கள் வீட்டில் உள்ளோர் உருளைக்கிழங்கை விரும்பி சாப்பிடுவார்களா? அதனாலேயே அடிக்கடி வீட்டில் உருளைக்கிழங்கை செய்வீர்களா? அதுவும் மதிய வேளையில் உருளைக்கிழங்கு வறுவலை எப்போதும் ஒரே மாதிரி செய்வீர்களா?

அப்படியானால், அடுத்தமுறை உருளைக்கிழங்கு வறுவலை செய்யும் போது கீழே கொடுக்கப்பட்டுள்ள செய்யுங்கள். இந்த ஸ்டைலில் மசாலா அரைத்து சேர்க்கப்படும். மேலும் இது செய்வதற்கு மிகவும் ஈஸியாகவும், அனைவரும் விரும்பி சாப்பிடக்கூடியவாறும் இருக்கும்.

உங்களுக்கு வித்தியாசமான சுவையில் உருளைக்கிழங்கு வறுவலை எப்படி செய்வதென்று தெரிந்து கொள்ள வேண்டுமா? கீழே அந்த உருளைக்கிழங்கு வறுவல் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* உருளைக்கிழங்கு - 1/2 கிலோ
* சோம்பு தூள் - 1 1/2 டீஸ்பூன்
* மிளகாய் தூள் - 2 டீஸ்பூன்
* உப்பு - சுவைக்கேற்ப
* மிளகுத் தூள் - 1 டீஸ்பூன்
* தேங்காய் எண்ணெய் - 2 டேபிள் ஸ்பூன்

அரைப்பதற்கு...

* இஞ்சி - 1 இன்ச் (நறுக்கியது)
* பூண்டு - 6-8 பல்
* பச்சை மிளகாய் - 2
* கறிவேப்பிலை - 1 கொத்து

செய்முறை:

* முதலில் உருளைக்கிழங்கின் தோலை நீக்கிவிட்டு, துண்டுகளாக்கி நீரில் போட்டு கொள்ள வேண்டும்.
* பின்னர் மிக்சர் ஜாரில் இஞ்சி, பூண்டு பச்சை மிளகாய், கறிவேப்பிலை சேர்த்து அரைத்துக் கொள்ள வேண்டும்.
* பின்பு ஒரு நாண்ஸ்டிக் பேனை எடுத்து, அதில் துண்டுகளாக்கப்பட்ட உருளைக்கிழங்கை போட்டு, அத்துடன் அரைத்து வைத்துள்ளதை சேர்க்க வேண்டும்.
* அதன் பின் அதில் சோம்புத் தூள், மிளகாய் தூள், சுவைக்கேற்ப உப்பு, மிளகுத் தூள் மற்றும் தேங்காய் எண்ணெய் சேர்த்து, கைகளால் நன்கு பிரட்டி விட வேண்டும்.
* பிறகு அந்த பேனை அப்படியே அடுப்பில் வைத்து கிளறி, மூடி வைத்து உருளைக்கிழங்கை வேக வைக்க வேண்டும்.
* உருளைக்கிழங்கு நன்கு வெந்ததும், மூடியைத் திறந்து 2 நிமிடம் நன்கு ப்ரை செய்து இறக்கினால், சுவையான உருளைக்கிழங்கு வறுவல் தயார்.

Image Courtesy: Madras Samayal