ருசியான... சோயா பீன்ஸ் கிரேவி செய்வது எப்படி?

பெரும்பாலானோர் இரவு நேரத்தில் சப்பாத்தி சாப்பிட விரும்புவார்கள். இன்று இரவு உங்கள் வீட்டில் சப்பாத்தி செய்ய திட்டமிட்டிருக்கிறீர்களா? அந்த சப்பாத்திக்கு என்ன சைடு டிஷ் செய்வதென்று யோசித்துக் கொண்டிருக்கிறீர்களா? உங்கள் வீட்டில் சோயாபீன்ஸ் உள்ளதா? அப்படியானால் அதை இப்போதே நீரில் ஊற வையுங்கள். ஏனெனில் சோயா பீன்ஸை இப்போது ஊற வைத்தான் தான் இரவு உங்களால் அதைக் கொண்டு கிரேவி செய்ய முடியும். இந்த சோயா பீன்ஸ் கிரேவி சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும். முக்கியமாக இந்த சோயா பீன்ஸ் கிரேவி செய்வது மிகவும் சுலபம். பத்தே நிமிடத்தில் இதை செய்துவிடலாம்.

உங்களுக்கு சோயா பீன்ஸ் கிரேவி எப்படி செய்வதென்று தெரிந்து கொள்ள வேண்டுமா? கீழே சோயா பீன்ஸ் கிரேவி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* காய்ந்த சோயா பீன்ஸ் - 1 கப்

* எண்ணெய் - 3 டேபிள் ஸ்பூன்

* சீரகம் - 1 1/2 டீஸ்பூன்

* பூண்டு - 4 பல்

* மிளகாய் தூள் - 2 டீஸ்பூன்

* மஞ்சள் தூள் - 1 டீஸ்பூன்

* கரம் மசாலா - 1 டீஸ்பூன்

* உப்பு - சுவைக்கேற்ப

* கொத்தமல்லி - சிறிது

செய்முறை:

* முதலில் சோயா பீன்ஸை நீரில் 7-8 மணிநேரம் ஊற வைக்க வேண்டும். பின் அந்நீரை வடிகட்டிவிட்டு, சோயா பீன்ஸை குக்கரில் போட்டு, போதுமான அளவு நீரை ஊற்றி, அடுப்பில் வைத்து, குக்கரை மூடி 4 விசில் விட்டு இறக்கிக் கொள்ள வேண்டும். விசில் போனதும், குக்கரைத் திறக்க வேண்டும்.

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சீரகத்தை சேர்த்து தாளிக்க வேண்டும்.

* பின் அதில் பூண்டு பற்களைத் தட்டிப் போட்டு 1 நிமிடம் வதக்க வேண்டும்.

* பின்பு அதில் மிளகாய் தூள், மஞ்சள் தூள் மற்றும் கரம் மசாலா சேர்த்து சிறிது நேரம் கிளறி விட வேண்டும்.

* பிறகு அதில் வேக வைத்துள்ள சோயா பீன்ஸை நீருடன் சேர்த்து, சோயா பீன்ஸை லேசாக மசித்து விட்டு கிளறி, சிறிது உப்பு சேர்த்து மிதமான தீயில் வைத்து சற்று கெட்டியாகும் வரை கொதிக்க வைத்து இறக்க வேண்டும்.

* இறுதியாக அதில் கொத்தமல்லியைத் தூவினால், சுவையான சோயா பீன்ஸ் கிரேவி தயார்.

Image Courtesy: yummytummyaarthi