For Quick Alerts
ALLOW NOTIFICATIONS  
For Daily Alerts

பீர்க்கங்காய் பஜ்ஜி

By Maha
|

காய்கறிகள் சாப்பிட மறுக்கும் குழந்தைகளுக்கு, காய்கறிகளை சாப்பிட வைக்க ஒரு அருமையான வழி தான் பஜ்ஜியாக செய்து கொடுப்பது. அதிலும் குழந்தைகள் பீர்க்கங்காய் சாப்பிடவே மாட்டார்கள். எனவே அந்த பீர்க்கங்காயை பஜ்ஜியாக செய்து கொடுத்தால், அவர்கள் அதனை விரும்பி சாப்பிடுவார்கள்.

அதுவும் மாலை வேளையில் டீ/காபி குடிக்க கொடுக்கும் வேளையில் செய்து கொடுத்தால், அவர்களின் பசி நீங்கும். சரி, இப்போது அந்த பீர்க்கங்காய் பஜ்ஜியை எப்படி செய்வதென்று பார்ப்போமா!!!

Ridge Gourd Bajji

தேவையான பொருட்கள்:

பீர்க்கங்காய் - 1

கடலை மாவு - 1/2 கப்

அரிசி மாவு/சோள மாவு - 1/2 கப்

சீரகப் பொடி - 1/2 டீஸ்பூன்

மல்லி தூள் - 1/2 டீஸ்பூன்

மிளகாய் தூள் - 1 டீஸ்பூன்

பேக்கிங் சோடா - 1 சிட்டிகை

உப்பு - தேவையான அளவு

எண்ணெய் - தேவையான அளவு (பொரிப்பதற்கு)

செய்முறை:

முதலில் பீர்க்கங்காயின் தோலை நீக்கிவிட்டு, பின் அதனை வட்டமாக நறுக்கிக் கொள்ள வேண்டும்.

பின்னர் ஒரு பாத்திரத்தில் கடலை மாவு, அரிசி மாவு/சோள மாவு, சீரகப் பொடி, மல்லி தூள், மிளகாய் தூள், பேக்கிங் சோடா மற்றும் உப்பு சேர்த்துக் கொள்ள வேண்டும்.

பின்பு அதில் தண்ணீர் ஊற்றி பஜ்ஜி மாவு பதத்திற்கு சற்று கெட்டியாக கலந்து கொள்ள வேண்டும்.

பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், வட்டமாக நறுக்கி வைத்துள்ள பீர்க்கங்காயை பஜ்ஜி மாவில் பிரட்டி, எண்ணெயில் போட்டு பொன்னிறமாக பொரித்து எடுத்தால், பீர்க்கங்காய் பஜ்ஜி ரெடி!!!

Image Courtesy: sudhastrials

English summary

Ridge Gourd Bajji

Want to know how to prepare ridge gourd bajji in easy way? Here is the simple way. Check out and give it a try...
Story first published: Friday, August 1, 2014, 16:15 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more