இந்த 5 பொருள் இருந்தா போதும்.. இட்லி தோசைக்கு 5 நிமிஷத்துல சட்னி செய்யலாம்.. எப்படின்னு பாருங்க..

Raw Onion Chutney Recipe In Tamil: இன்று காலை உங்கள் வீட்டில் இட்லி அல்லது தோசை சுட திட்டம் போட்டுருக்கீங்களா? இட்லி, தோசை என்றாலே எப்போதும், தேங்காய் சட்னி, தக்காளி சட்னி, கார சட்னியைத் தான் செய்வீர்களா? எப்போதும் ஒரே மாதிரியான சட்னி செய்து போரடித்துவிட்டதா? சற்று வித்தியாசமான சட்னியை செய்ய நினைக்கிறீர்களா?

உங்கள் வீட்டில் தேங்காய், சின்ன வெங்காயம், புளி, வெல்லம், வரமிளகாய் போன்ற பொருட்கள் உள்ளதா? அப்படியானால் இவற்றைக் கொண்டே 5 நிமிடத்தில் சுவையான சட்னியை செய்யலாம். இந்த சட்னி வேலைக்கு செய்வோர் செய்வதற்கு ஏற்ற வகையில் சுபலமாக இருக்கும். மேலும் இது குழந்தைகள் முதல் பெரியவர்கள் வரை அனைவரும் விரும்பி சாப்பிடக்கூடியவாறும் இருக்கும்.

உங்களுக்கு பச்சை வெங்காய சட்னியை எப்படி செய்வதென்று தெரிந்து கொள்ள வேண்டுமா? கீழே பச்சை வெங்காய சட்னி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* தேங்காய் - 5 நீளத் துண்டுகள்
* பெரிய வெங்காயம் - 4
* காஷ்மீரி மிளகாய் - 4
* புளி - சிறு எலுமிச்சை அளவு
* வெல்லம் - 1 டேபிள் ஸ்பூன்

தாளிப்பதற்கு...

* தேங்காய் எண்ணெய் - 2 டீஸ்பூன்
* வரமிளகாய் - 1
* கடுகு - 1/4 டீஸ்பூன்
* உளுத்தம் பருப்பு - 1/2 டீஸ்பூன்
* கறிவேப்பிலை - சிறிது

செய்முறை:

* முதலில் தேங்காயை சிறு துண்டுகளாக வெட்டிக் கொள்ள வேண்டும்.
* பின் சின்ன வெங்காயத்தையும் பொடியாக நறுக்கிக் கொள்ள வேண்டும்.
* அதன் பின் மிக்சர் ஜாரில் தேங்காய், வெங்காயம், காஷ்மீரி மிளகாய், புளி மற்றும் வெல்லத்தை சேர்த்து, சிறிது நீரை ஊற்றி நன்கு மென்மையாக அரைத்துக் கொள்ள வேண்டும்.
* அரைத்த சட்னியை ஒரு கிண்ணத்தில் எடுத்துக் கொள்ள வேண்டும்.
* இறுதியாக ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, கறிவேப்பிலை சேர்த்து தாளித்து, சட்னியுடன் சேர்த்து கிளறினால், சுவையான பச்சை வெங்காய சட்னி தயார்.

Image Courtesy: aartimadan