தேங்காயோட இந்த பொருளை சேர்த்து சட்னி அரைச்சா டேஸ்ட் தாறுமாறா இருக்குமாம்... ட்ரை பண்ணி பாருங்க...!

Sesame Chutney Recipe in Tamil: காலையும், மாலையும் வந்தாலே பெண்களுக்கு என்ன சமையல் செய்வதென்று யோசித்து முடிவெடுப்பதே ஒரு பெரிய வேலையாக உள்ளது. அதுவும் எத்தனை சட்னிகள் தெரிந்தாலும், இட்லி, தோசைக்கு என்ன சட்னியை இன்று செய்வது என்று முடிவெடுப்பது கடினமாக இருக்கும்.

நீங்கள் இன்று வீட்டில் இட்லி தோசை செய்யப்போகிறீர்கள் என்றால், அதற்கு வழக்கமாக செய்யும் சட்னியை செய்யாமல், எள் மற்றும் தேங்காய் வைத்து கொண்டு சட்னி செய்யுங்கள். இந்த எள் சட்னி இட்லி, தோசைக்கு மிகவும் வித்தியாசமாக மற்றும் சூப்பராக இருக்கும். இந்த சூப்பரான எள்ளு தேங்காய் சட்னியை எப்படி செய்யலாம் என்று இந்த பதிவில் தெரிந்து கொள்ளலாம்.

தேவையானப் பொருட்கள்:

- 1 கப் துருவிய தேங்காய் அல்லது உப்பு நீக்கிய தேங்காய்
- 3 ஸ்பூன் வெள்ளை எள்
- 2 ஸ்பூன் வேர்க்கடலை
- 1 ஸ்பூன் புளிச்சாறு
- 3 காஷ்மீர் மிளகாய்
- 2 வர மிளகாய்
- 3 பூண்டு பற்கள்
- உப்பு தேவைக்கேற்ப
- தண்ணீர் தேவைக்கேற்ப

செய்முறை:

- ஒரு கடாயை அடுப்பில் வைத்து சூடானதும், வேர்க்கடலையைச் சேர்த்து, அவை மொறுமொறுப்பாக மாறும் வரை அடிக்கடி கிளறி வறுக்கவும். பின்னர் ஒரு பாத்திரத்தில் மாற்றி வைக்கவும்.

- பின்னர் அதே கடாயில், எள்ளைச் சேர்த்து, அவை லேசான பொன்னிறமாக மாறி வெடிக்கும் வரை அடிக்கடி கிளறி வறுக்கவும். இதையும் தனியாக எடுத்து ஓரமாக வைத்துக் கொள்ளவும். வேர்க்கடலை மற்றும் எள்ளை குளிர வைக்கவும்.

- ஒரு மிக்ஸி ஜாரில், வறுத்த வேர்க்கடலை, வறுத்த எள் மற்றும் துருவிய தேங்காய் சேர்க்கவும்.

- பின்னர் புளிச்சாறு, பூண்டு பல், காஷ்மீர் மிளகாய் சேர்க்கவும். தேவைக்கேற்ப உப்பு சேர்க்கவும்.

- கடைசியாக, உங்கள் சட்னி எந்த பதத்தில் வேண்டுமோ அவ்வளவு தண்ணீர் சேர்த்து அரைக்கவும்.

- அனைத்து பொருட்களையும் மென்மையாகும் வரை நன்றாக அரைக்கவும்.

- இந்த சுவையான எள் சட்னியை இட்லி, தோசை, ஊத்தப்பம் மற்றும் மெது வடை போன்றவற்றுடன் சேர்த்து சாப்பிட்டால் அட்டகாசமாக இருக்கும்.

- இந்த சட்னிக்கு கருப்பு எள், வெள்ளை எள் இரண்டையுமே பயன்படுத்தலாம். அதேபோல வர மிளகாய்க்கு பதிலாக பச்சை மிளகாயையும் பயன்படுத்தலாம்.