Just In
- 3 hrs ago Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- 8 hrs ago வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- 11 hrs ago மணமணக்கும்.. ருசியான... கையேந்தி பவன் பரோட்டா சால்னாவை எப்படி செய்யணும் தெரியுமா?
- 11 hrs ago இந்த படத்துல உங்களுக்கு எது முதல்ல தெரியுதுன்னு சொல்லுங்க.. உங்கள பத்தின ரகசியத்தை சொல்றோம்..
Don't Miss
- Movies டாடா பட நடிகை அபர்ணா தாஸின் ஹல்தி கொண்டாட்டம்..களைகட்டிய திருமணம்!
- Finance என்னப்பா டிரம்ப்.. பேசுறது ஒன்னு செய்யுறது ஒன்னா.. ட்ரூத் சோசியல் நிறுவனம் செய்த வேலைய பாருங்க..!
- Automobiles ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- Sports சுற்றி சிஎஸ்கே ரசிகர்கள்.. நடுவில் ஒற்றை ஆளாய் போட்ட ஆட்டம்.. சேப்பாக்கத்தில் லக்னோ ரசிகர் சம்பவம்!
- News விவிபேட் ஒப்புகை சீட்டுகளை எண்ணக்கோரிய வழக்கு: இன்று இடைக்கால உத்தரவு பிறப்பிக்கிறது உச்ச நீதிமன்றம்
- Technology வெளுக்குது ஆர்டர்.. ரூ.15249 பட்ஜெட்ல AMOLED டிஸ்பிளே.. 45W சூப்பர்வூக்.. 5000mAh பேட்டரி.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ரெஸ்டாரண்ட் ஸ்டைல் பாலக் பன்னீர்
வட இந்தியாவில் மிகவும் பிரபலமானது தான் பாலக் பன்னீர். இது பன்னீர் மற்றும் பாலக் கீரை கொண்டு தயாரிக்கப்படும் ஒரு சுவையான சைடு டிஷ். இது சப்பாத்தி, நாண் போன்றவற்றுடன் சேர்த்து சாப்பிட அட்டகாசமாக இருக்கும்.
வட இந்தியாவில் மிகவும் பிரபலமானது தான் பாலக் பன்னீர். இது பன்னீர் மற்றும் பாலக் கீரை கொண்டு தயாரிக்கப்படும் ஒரு சுவையான சைடு டிஷ். இது சப்பாத்தி, நாண் போன்றவற்றுடன் சேர்த்து சாப்பிட அட்டகாசமாக இருக்கும். உங்களுக்கு இன்று இரவு சப்பாத்திக்கு என்ன சைடு டிஷ் செய்வது என்று யோசனை இருந்தால், இந்த பாலக் பன்னீர் செய்யுங்கள். அதுவும் ரெஸ்டாரண்ட் ஸ்டைலில் பாலக் பன்னீர் செய்து சாப்பிடுங்கள். இது நிச்சயம் உங்களுக்கு ஹோட்டலில் சாப்பிட்ட ஒரு அனுபவத்தைக் கொடுக்கும். மேலும் குழந்தைகளும் விரும்பி சாப்பிடுவார்கள்.
இப்போது ரெஸ்டாரண்ட் ஸ்டைல் பாலக் பன்னீர் ரெசிபியின் எளிய செய்முறைக் காண்போம். அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* பாலக் - 4 கப்
* வெண்ணெய் - 4 டேபிள் ஸ்பூன்
* சீரகம் - 1 டீஸ்பூன்
* பட்டை - 1 துண்டு
* ஏலக்காய் - 4
* பெரிய வெங்காயம் - 2 (பொடியாக நறுக்கியது)
* பெரிய தக்காளி - 2 (அரைத்துக் கொள்ளவும்)
* பச்சை மிளகாய் - 2 (பொடியாக நறுக்கியது)
* இஞ்சி பூண்டு விழுது - 1 டேபிள் ஸ்பூன்
* மிளகாய் தூள் - 1 டீஸ்பூன்
* சீரகப் பொடி - 2 டீஸ்பூன்
* கரம் மசாலா - 1 டீஸ்பூன்
* மல்லித் தூள் - 1 டேபிள் ஸ்பூன்
* பன்னீர் - 200 கிராம்
* பிரஷ் க்ரீம் - 1/2 கப்
* உலர்ந்த வெந்தயக் கீரை - 1 டேபிள் ஸ்பூன்
* உப்பு - சுவைக்கேற்ப
செய்முறை:
* முதலில் ஒரு பாத்திரத்தில் நீரை ஊற்றி கொதிக்க வைக்கவும். பின் அதில் பாலக் கீரையைப் போட்டு 2 நிமிடங்கள் வேக வைத்து இறக்கி, நீரை வடிகட்டிவிட்டு, கீரையை பிளெண்டரில் போட்டு நன்கு மென்மையாக அரைத்துக் கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் வெண்ணெயைப் போட்டு உருகியதும், சீரகம், பட்டை, ஏலக்காய் சேர்த்து தாளிக்க வேண்டும்.
* பிறகு அதில் நறுக்கிய வெங்காயம், பச்சை மிளகாய் சேர்த்து பொன்னிறமாக வதக்க வேண்டும்.
* பின் இஞ்சி பூண்டு விழுது சேர்த்து 2 நிமிடம் வதக்க வேண்டும்.
* அடுத்து அதில் அரைத்த தக்காளியை சேர்த்து கிளறி, 5 நிமிடம் நன்கு வேக வைக்க வேண்டும்.
* அதன் பின் மிளகாய் தூள், சீரகப் பொடி, கரம் மசாலா, மல்லித் தூள் சேர்த்து சில நிமிடங்கள் வதக்க வேண்டும்.
* அடுத்து, அரைத்து வைத்துள்ள பாலக் கீரையை சேர்த்து நன்கு கிளறி விட்டு, தேவையான அளவு உப்பு சேர்த்து, 10 நிமிடம் குறைவான தீயில் கொதிக்க வைக்க வேண்டும்.
* பின் அதில் பன்னீர் துண்டுகளை சேர்த்து கிளறி 1-2 நிமிடம் பன்னீரை வேக வைத்து வெந்ததும், காய்ந்த வெந்தய கீரை மற்றும் க்ரீம் சேர்த்து கிளறி இறக்கினால், சுவையான ரெஸ்டாரண்ட் ஸ்டைல் பாலக் பன்னீர் தயார்.
குறிப்பு:
* பாலக் கீரையை அதிகமாக வேக வைத்துவிடாதீர்கள். இல்லாவிட்டால், அதன் பச்சை நிறம் போய்விடும்.
* கடைகளில் விற்கப்படும் பன்னீரைப் பயன்படுத்துபவராக இருந்தால், அதை சிறு துண்டுகளாக வெட்டி, வெதுவெதுப்பான நீரில் போட்டு பத்து நிமிடம் ஊற வைத்து, பின் பயன்படுத்துங்கள்.
* ஒருவேளை உங்களிடம் க்ரீம் இல்லையென்றால், பாலில் சிறிது சோளமாவு சேர்த்து கலந்து சேர்த்துக் கொள்ளுங்கள்.
* பாலக் கீரையை சேர்த்த பின், மூடி வைக்காதீர்கள். இல்லாவிட்டால், அதன் நிறம் மாறிவிடும்.
Image Courtesy: yummytummyaarthi