Just In
- 1 hr ago 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- 3 hrs ago தளர்ந்து போன சருமத்தை இறுக்கமாக்கி ஜொலிக்கிற மாதிரி மாத்த ஆசைப்படுறீங்களா? இந்த இயற்கை பொருட்களை யூஸ் பண்ணுங்க
- 3 hrs ago திருமணம் ஆக இருக்கும் இளம்பெண்கள் இந்த ஜூஸை குடியுங்கள்.. முகம் பொலிவுறும்..!
- 4 hrs ago சப்பாத்திக்கு ஒருடைம் உருளைக்கிழங்கு வெச்சு இப்படி கிரேவி செஞ்சு பாருங்க.. டேஸ்ட் சும்மா அள்ளும்...
Don't Miss
- News மாஸ் காட்டிய சென்னைவாசிகள்! 40 ஆண்டுகள் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
ரெஸ்டாரண்ட் ஸ்டைல் சில்லி முட்டை
நிறைய பேருக்கு முட்டைகளை வேக வைத்து சாப்பிட பிடிக்காது. உங்களுக்கு அப்படி பிடிக்காதெனில், வேக வைத்த முட்டைகளைக் கொண்டு சில்லி முட்டை தயாரித்து சாப்பிடுங்கள்.
தினமும் முட்டை சாப்பிட்டால், உடலுக்கு வேண்டிய அத்தியாவசிய சத்துக்கள் கிடைத்து உடல் ஆரோக்கியமாக இருக்கும். அதுவும் முட்டைகளை வேக வைத்து சாப்பிட்டால் தான் அதன் சத்துக்கள் கிடைக்கும் என்பார்கள். ஆனால் நிறைய பேருக்கு முட்டைகளை வேக வைத்து சாப்பிட பிடிக்காது. உங்களுக்கு அப்படி பிடிக்காதெனில், வேக வைத்த முட்டைகளைக் கொண்டு சில்லி முட்டை தயாரித்து சாப்பிடுங்கள். இந்த சைனீஸ் ரெசிபி நிச்சயம் அனைவரும் விரும்பி சாப்பிடும் வகையில் இருக்கும். குறிப்பாக குழந்தைகள் விரும்பி சாப்பிடுமாறு இருக்கும்.
உங்களுக்கு சில்லி முட்டை எப்படி செய்வதென்று தெரிந்து கொள்ள வேண்டுமா? கீழே சில்லி முட்டை ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* வேக வைத்த முட்டை - 4
* எண்ணெய் - 1 டீஸ்பூன் + பொரிப்பதற்கு தேவையான அளவு
* பூண்டு - 1 டேபிள் ஸ்பூன் (பொடியாக நறுக்கியது)
* இஞ்சி - 1 டேபிள் ஸ்பூன் (பொடியாக நறுக்கியது)
* வெங்காயம் - 1 (பொடியாக நறுக்கியது)
* குடைமிளகாய் - 1 (பொடியாக நறுக்கியது)
* உப்பு - சுவைக்கேற்ப
* சர்க்கரை - 1 டீஸ்பூன்
* மிளகாய் தூள் - 2 டீஸ்பூன்
* மிளகுத் தூள் - 1 டீஸ்பூன்
* ஸ்பிரிங் ஆனியன் - சிறிது (பொடியாக நறுக்கியது)
மாவிற்கு...
* மைதா - 1/2 கப்
* சோள மாவு - 1/2 கப்
* பேக்கிங் பவுடர் - 1 டீஸ்பூன்
* உப்பு - சுவைக்கேற்ப
* தண்ணீர் - தேவையான அளவு
* எண்ணெய் - பொரிப்பதற்கு தேவையான அளவு
சாஸ் செய்வதற்கு...
* தக்காளி கெட்சப் - 3 டேபிள் ஸ்பூன்
* சோயா சாஸ் - 1 1/2 டீஸ்பூன்
* வினிகர் - 1 1/2 டீஸ்பூன்
* சில்லி கார்லிக் சாஸ் - 2 டேபிள் ஸ்பூன்
* க்ரீன் சில்லி சாஸ் - 2 டேபிள் ஸ்பூன்
செய்முறை:
* முதலில் ஒரு பௌலில் சாஸ் செய்வதற்கு கொடுத்துள்ள பொருட்களை ஒன்றாக எடுத்துக் கொள்ள வேண்டும். பின் வேக வைத்த முட்டைகளை இரண்டு துண்டுகளாக வெட்டிக் கொள்ள வேண்டும்.
* பின் ஒரு பாத்திரத்தில் மைதா, சோள மாவு, பேக்கிங் பவுடர், சுவைக்கேற்ப உப்பு மற்றும் நீர் சேர்த்து சற்று கெட்டியாக கலந்து கொள்ள வேண்டும்.
* பின் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்றிக் கொள்ள வேண்டும்.
* எண்ணெய் சூடானதும், முட்டை துண்டுகளை எடுத்து மாவில் பிரட்டி, எண்ணெயில் போட்டு பொரித்து, தனியாக வைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பூண்டு, இஞ்சி சேர்த்து ஒரு நிமிடம் வதக்க வேண்டும்.
* பின் அதில் வெங்காயத்தைப் போட்டு பொன்னிறமாக வதக்க வேண்டும்.
* அடுத்து அதில் குடைமிளகாய் சேர்த்து 2 நிமிடம் வதக்கி, தயாரித்து வைத்துள்ள சாஸ், மிளகாய் தூள், மிளகுத் தூள், உப்பு, சர்க்கரை சேர்த்து நன்கு கிளறி விட வேண்டும்.
* பிறகு அதில் பொரித்து வைத்துள்ள முட்டைகளை சேர்த்து, ஸ்பிரிங் ஆனியன் சேர்த்து நன்கு கிளறி இறக்கினால், சுவையான ரெஸ்டாரண்ட் ஸ்டைல் சில்லி முட்டை தயார்.
Image Courtesy: yummytummyaarthi