For Quick Alerts
ALLOW NOTIFICATIONS  
For Daily Alerts

Pacha Vengaya Chutney Recipe: வெங்காய சட்னி

வீட்டில் தக்காளி இல்லாத சமயத்தில் இட்லி தோசைக்கு ஒரு சுவையான மற்றும் ஈஸியான ஒரு சைடு டிஷ் செய்ய நினைத்தால், வெங்காய சட்னி செய்யுங்கள்.

Posted By:
|

தற்போது தக்காளியின் விலை அதிகம் இருப்பதால், பலரும் தக்காளியை அளவாக தங்கள் சமையலில் சேர்க்கிறார்கள். ஆனால் வீட்டில் தக்காளி இல்லாத சமயத்தில் இட்லி தோசைக்கு ஒரு சுவையான மற்றும் ஈஸியான ஒரு சைடு டிஷ் செய்ய நினைத்தால், வெங்காய சட்னி செய்யுங்கள். இந்த சட்னி செய்வதற்கு 4-5 பொருட்களே போதும். முக்கியமாக இந்த சட்னியை வதக்கி அரைக்க வேண்டிய அவசியமில்லை; அப்படியே அரைத்து தாளித்து சாப்பிடலாம்.

Raw Onion Chutney Recipe In Tamil

உங்களுக்கு வெங்காய சட்னியை எப்படி செய்வதென்று தெரிந்து கொள்ள வேண்டுமா? கீழே வெங்காய சட்னியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* வெங்காயம் - 2 (பெரியது மற்றும் நறுக்கியது)

* வரமிளகாய் - 2

* பூண்டு - 4 பல்

* புளி பேஸ்ட் - 2 டீஸ்பூன்/ புளி - ஒரு சிறிய துண்டு

* உப்பு - சுவைக்கேற்ப

தாளிப்பதற்கு...

* எண்ணெய் - 2 டேபிள் ஸ்பூன்

* கடுகு - 1 டீஸ்பூன்

* கறிவேப்பிலை - சிறிது

செய்முறை:

* முதலில் மிக்சர் ஜாரில் வெங்காயம், வரமிளகாய், பூண்டு, புளி மற்றும் சிறிது உப்பு ஆகியவற்றை எடுத்துக் கொண்டு நன்கு அரைத்துக் கொள்ள வேண்டும்.

* பின்னர் அரைத்த சட்னியை ஒரு பௌலில் போட்டுக் கொள்ள வேண்டும்.

* பின்பு ஒரு சிறு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, கறிவேப்பிலை சேர்த்து தாளிக்க வேண்டும்.

* தாளித்ததை சட்னியில் சேர்த்து கிளறினால், வெங்காய சட்னி தயார்.

Image Courtesy: yummytummyaarthi

[ of 5 - Users]
English summary

Raw Onion Chutney Recipe In Tamil | Pacha Vengaya Chutney

Want to know how to make a raw onion chutney recipe at home easily? Take a look and give it a try...
Desktop Bottom Promotion