Just In
- 43 min ago சுக்கிரனின் நட்சத்திர பெயர்ச்சி: ஏப்ரல் 25 முதல் அடுத்த 10 நாட்கள் இந்த 3 ராசிக்கு அதிர்ஷ்டமா இருக்கப் போகுது.
- 1 hr ago வீட்டில் பல்லி இருப்பது நல்லதா? கெட்டதா? ஜோதிடம் சொல்வது என்ன?
- 1 hr ago இந்த 4 ராசிக்காரங்க சிறந்த பாலியல் துணையாக இருப்பார்களாம்... இவங்க வாழ்க்கைத்துணையா கிடைக்க அதிர்ஷ்டம் வேணும்!
- 2 hrs ago எப்பவும் ஒரே மாதிரி சட்னி செய்யாம.. ஒருமுறை தீயில் சுட்ட தக்காளி சட்னியை செய்யுங்க.. டேஸ்ட் சும்மா அள்ளும்..
Don't Miss
- Finance தங்கம் விலை இன்று வரலாற்று உச்சம் தொட்டது.. மீண்டும் மீண்டுமா.. எப்போதுதான் தங்கம் வாங்க முடியும்?
- Movies தமிழக வெற்றிக் கழகத்தின் தலைவராச்சே.. ஓட்டுப் போடாமல் விட்டுடுவாரா.. சென்னைக்கு விரைந்த விஜய்!
- News தமிழக போக்குவரத்து ஆணையர் சண்முக சுந்தரம் ஐஏஎஸ் சென்னை போலீசில் பரபரப்பு புகார்
- Technology பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது!
- Sports PBKS vs MI : பும்ரா பந்தில் அடித்த அந்த சிக்ஸ்.. எனது ரொம்ப நாள் ஆசை.. ஓபனாக சொன்ன அஷுதோஷ் சர்மா!
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ரமலான் ஸ்பெஷல்: கிளாசிக் இந்தியன் பட்டர் சிக்கன்
சிக்கன் அனைவரும் சாப்பிடக்கூடிய ஓர் உணவுப் பொருள் என்பதால், மாலை வேளையில் நோன்பை முடித்த பின் ஒரு சுவையான உணவை சமைத்து சாப்பிட நினைத்தால், அதற்கு கிளாசிக் இந்தியன் பட்டன் சிக்கன் பொருத்தமாக இருக்கும்.
சிக்கன் புரோட்டீன் அதிகம் நிறைந்த ஒரு சுவையான உணவுப் பொருள். இந்த சிக்கனைக் கொண்டு பல்வேறு ருசியான உணவுகளைத் தயாரிக்கலாம். அதுவும் தற்போது ரமலான் நோன்பை பலர் மேற்கொள்வதுண்டு. சிக்கன் அனைவரும் சாப்பிடக்கூடிய ஓர் உணவுப் பொருள் என்பதால், மாலை வேளையில் நோன்பை முடித்த பின் ஒரு சுவையான உணவை சமைத்து சாப்பிட நினைத்தால், அதற்கு கிளாசிக் இந்தியன் பட்டன் சிக்கன் பொருத்தமாக இருக்கும். குறிப்பாக இது சப்பாத்தி, நாண் போன்றவற்றுடன் சேர்த்து சாப்பிட அட்டகாசமாக இருக்கும்.
கீழே கிளாசிக் இந்தியன் பட்டர் சிக்கன் எப்படி செய்வதென்று கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* எலும்பில்லாத சிக்கன் - 300 கிராம்
* தயிர் - 1/2 கப்
* இஞ்சி பூண்டு விழுது - 2 டீஸ்பூன்
* மஞ்சள் தூள் - 1/2 டீஸ்பூன்
* கரம் மசாலா - 1/2 டீஸ்பூன்
* காஷ்மீரி மிளகாய் தூள் - 1 டீஸ்பூன்
* உப்பு - 1 டீஸ்பூன்
பட்டர் சிக்கன் மசாலாவிற்கு...
* பட்டர் - 1 டேபிள் ஸ்பூன்
* மிளகாய் தூள் - 1 டீஸ்பூன்
* மல்லித் தூள் - 1 டீஸ்பூன்
* கரம் மசாலா - 1/2 டீஸ்பூன்
* அரைத்த தக்காளி விழுது - 1 கப்
* தேன் - 1 டீஸ்பூன்
* பிரஷ் க்ரீம் - 1/4 கப்
* உலர்ந்த வெந்தயக் கீரை - 1 டேபிள் ஸ்பூன்
* உப்பு - சுவைக்கேற்ப
செய்முறை:
* முதலில் சிக்கனை நீரில் நன்கு கழுவிக் கொள்ள வேண்டும்.
* பின்னர் பௌலில் சிக்கனைப் போட்டு, அத்துடன் தயிர், கரம் மசாலா, இஞ்சி பூண்டு விழுது, உப்பு, மிளகாய் தூள், மஞ்சள் தூள் சேர்த்து நன்கு பிசைந்து குறைந்தது ஒரு மணிநேரம் ஊற வைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் வெண்ணெய் சேர்த்து உருகியதும், ஊற வைத்துள்ள சிக்கன் துண்டுகளைப் போட்டு, சிக்கனை 4 நிமிடம் நன்கு வேக வைக்க வேண்டும்.
* பின் அதே வாணலியில் அரைத்த தக்காளி விழுது, உப்பு, மல்லித் தூள், மிளகாய் தூள், கரம் மசாலா சேர்த்து பிரட்டி, மூடி வைத்து, சிக்கனை 5 நிமிடம் வேக வைக்க வேண்டும்.
* இறுதியாக அதன் மேல் பிரஷ் க்ரீம், தேன் மற்றும் உங்களுக்கு தேவையான அளவு நீரை ஊற்றி, குறைவான தீயில் சிக்கன் முற்றிலும் வேகும் வரை வேக வைக்க வேண்டும்.
* சிக்கன் நன்கு வெந்ததும், அதில் உலர்ந்த வெந்தய கீரை சேர்த்து கிளறி இறக்கினால், சுவையான கிளாசிக் இந்தியன் பட்டர் சிக்கன் தயார்.
Image Courtesy: archanaskitchen