கசகசாவுடன் இந்த 4 பொருள் இருந்தா போதும்.. 10 நிமிஷத்துல சுவையான அல்வாவை செஞ்சிடலாம்.. எப்படின்னு பாருங்க...

Khus Khus Halwa Recipe in Tamil: உங்கள் வீட்டில் உள்ளோர், குறிப்பாக உங்கள் குழந்தைகள் மாலை வேளையில் சாப்பிட ஸ்வீட் ஏதாவது கேட்கிறார்களா? உங்கள் குழந்தைகளுக்கு அல்வா பிடிக்குமா? அப்படியானால் அல்வா செய்யுங்கள்.

அதுவும் உங்கள் வீட்டில் கசகசா அதிகம் இருந்தால், கசகசா அல்வாவை செய்யுங்கள். இந்த கசகசா அல்வா மிகவும் வித்தியாசமான சுவையுடன் இருப்பதோடு, செய்வதற்கு மிகவும் ஈஸியாகவும் இருக்கும். முக்கியமாக இந்த அல்வா செய்வதற்கு 4-5 பொருட்கள் இருந்தாலே போதும்.

உங்களுக்கு கசகசா அல்வாவை எப்படி செய்வதென்று தெரிந்து கொள்ள வேண்டுமா? கீழே கசகசா அல்வா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* கசகசா - 1/2 கப்
* சர்க்கரை - 3/4 கப்
* நெய் - 1/4 கப்
* முந்திரி - 2 டேபிள் ஸ்பூன்
* உலர் திராட்சை - 2 டேபிள் ஸ்பூன்
* ஏலக்காய் தூள் - 1/2 டீஸ்பூன்

செய்முறை:

* முதலில் கசகசாவை நீரில் 2 மணிநேரம் ஊற வைக்க வேண்டும். பின் நீரை வடிகட்டிவிட்டு, கசகசாவை மிக்சர் ஜாரில் போட்டு, சிறிது நீரை ஊற்றி நன்கு மென்மையாக அரைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் நெய் ஊற்றி சூடானதும், முந்திரி, உலர் திராட்சையைப் போட்டு பொன்னிறமாக வறுத்து, ஒரு தட்டில் எடுத்து வைத்துக் கொள்ள வேண்டும்.
* பின்பு ஒரு நாண்ஸ்டிக் பேனில் அரைத்த கசகசாலை எடுத்து, அடுப்பில் வைத்து, 5-6 நிமிடம் மிதமான தீயில் வைத்து, கெட்டியாகும் வரை நன்கு கிளறி விட வேண்டும்.
* பின் அதில் சர்க்கரையை சேர்த்து கிளறி, 4 நிமிடம் நன்கு வேக வைக்க வேண்டும்.
* பின்னர் அதில் நெய்யை சிறிது சிறிதாக ஊற்றி தொடர்ந்து கிளறி விட வேண்டும்.
* நன்கு அல்வா பதத்திற்கு வந்ததும், முந்திரி, உலர் திராட்சை மற்றும் ஏலக்காய் பொடியை சேர்த்து நன்கு கிளறி இறக்கினால், சுவையான கசகசா அல்வா தயார்.

Image Courtesy: