சர்க்கரை, எண்ணெய் எதுவும் சேர்க்காமல் ஈவ்னிங் டைம்-ல சூப்பர் ஸ்வீட் செய்யலாம் தெரியுமா?

Peanut Sweet Recipe In Tamil: மாலை வேளையில் உங்கள் வீட்டில் உள்ளோர் ஸ்நாக்ஸ் ஏதாவது சாப்பிட கேட்கிறார்களா? எப்போதும் எண்ணெயில் பொரித்த ஸ்நாக்ஸை செய்து கொடுக்காமல், சற்று சத்தான மற்றும் ஆவியில் வேக வைத்து செய்யக்கூடிய ஒரு ஸ்வீட் செய்து கொடுங்கள். இந்த ஸ்வீட் வேர்க்கடலை, பொட்டுக்கடலை சேர்த்து செய்வதால், இதன் சுவை மிகவும் அற்புதமாக இருக்கும். மேலும் இந்த ஸ்வீட் செய்வதற்கு ஈஸியாகவும் இருக்கும்.

உங்களுக்கு வேர்க்கடலை ஸ்வீட்டை எப்படி செய்வதென்று தெரிந்து கொள்ள வேண்டுமா? கீழே வேர்க்கடலை ஸ்வீட் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* நெய் - 2 டீஸ்பூன்
* ரவை - 1 கப்
* துருவிய தேங்காய் - 1/2 கப்

அரைப்பதற்கு...

* வேர்க்கடலை - 1/4 கப்
* பொட்டுக்கடலை - 1/4 கப்
* ஏலக்காய் - 3

வெல்ல கரைசலுக்கு...

* வெல்லம் - 1 கப்
* தண்ணீர் - 2 கப்

செய்முறை:

* முதலில் மிக்சர் ஜாரில் வறுத்த வேர்க்கடலை, பொட்டுக்கடலை மற்றும் ஏலக்காய் சேர்த்து, சற்று கொரகொரவென்று அரைத்துக் கொள்ள வேண்டும்.
* பின்னர் ஒரு பாத்திரத்தில் 1 கப் பொடித்த வெல்லத்தைப் போட்டு, அத்துடன் 2 கப் நீரை ஊற்றி, வெல்லத்தை கரைய விட வேண்டும். வெல்லம் கரைந்ததும், அதை இறக்கி வடிகட்டி தனியாக வைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் 2 டீஸ்பூன் நெய் சேர்த்து சூடானதும், ரவை சேர்த்து பொன்னிறமாக வறுக்க வேண்டும்.
* பின் அதில் துருவிய தேங்காயை சேர்த்து நல்ல மணம் வரும் வரை வறுக்க வேண்டும்.
* பிறகு அதில் தயாரித்து வைத்துள்ள வெல்ல நீரை சேர்த்து, 2 நிமிடம் மிதமான தீயில் வைத்து நீர் வற்றும் வரை நன்கு கிளறி விட வேண்டும்.
* நீர் வற்றியதும் அடுப்பை அணைத்துவிட்டு இறக்கி, கை பொறுக்கும் சூட்டிற்கு ஆற வைக்க வேண்டும்.
* பின் கையில் நெய் தடவி, ஆற வைத்த கலவையை சிறிது சிறிதாக எடுத்து உருண்டையாக பிடித்து, சற்று தட்டையாக தட்டிக் கொள்ள வேண்டும்.
* பின்பு இட்லி தட்டில் நெய் தடவி, செய்து வைத்துள்ளதை இட்லி தட்டில் அடுக்கி வைத்து, இட்லி பாத்திரத்தில் வைத்து, 8 நிமிடம் வேக வைத்து எடுத்தால், சுவையான வேர்க்கடலை ஸ்வீட் தயார்.

Image Courtesy: Akshaya.com