முகாலய சிக்கன் ரெசிபி... இந்த சூப்பரான சிக்கன் உங்கள் சண்டேவை ஸ்பெஷலானதாக மாற்றுமாம்...!

Mughlai Chicken Recipe in Tamil: சண்டே என்றாலே பெரும்பாலான வீடுகளில் அசைவ உணவுகள்தான் பிரதானமாக இருக்கும், சொல்லப்போனால் சண்டே வருவதே அசைவ உணவு சாப்பிடத்தான் என்று நினைப்பவர்கள் பலர் இருக்கிறார்கள். இந்த உலகிலேயே அதிக வழிகளில் சமைக்கக்கூடிய ஒரு சுவையான உணவென்றால் அது சிக்கன்தான்.

இந்தியாவின் உணவு கலாச்சாரத்தில் முகலாயர்களின் தாக்கம் இன்றுவரை தொடர்கிறது. இன்றுவரை நாம் விரும்பி சாப்பிடும் உணவான பிரியாணி முகலாயர்களால் அறிமுகப்படுத்தபட்டதுதான். அதேபோல அவர்கள் அறிமுகப்படுத்திய மற்றொரு சுவையான உணவுதான் முகலாய சிக்கன். அனைத்து உணவுகளுக்கும் சிறந்த சைடிஷாக இருக்கும் இந்த முகலாய சிக்கன் உங்கள் சண்டேவை கூடுதல் சிறப்பாக்கும். இந்த பதிவில் முகலாய சிக்கனை எப்படி செய்யலாம் என்று தெரிந்து கொள்ளலாம்.

தேவையானப் பொருட்கள்:

- வெங்காயம் - 1 நறுக்கியது
- சிக்கன் - ½ கிலோ
- தயிர் - ½ கப்
- முந்திரி-10 பேஸ்ட் செய்ய
- இஞ்சி - 1 அங்குல துண்டு
- பூண்டு - 6 பல்
- பச்சை மிளகாய்-3
- பிரியாணி இலை-1
- சீரகம் - 1 டீஸ்பூன்
- ஏலக்காய்- 4
- மல்லி தூள் - 1 டீஸ்பூன்
- கரம் மசாலா தூள் - 1 டீஸ்பூன்
- வெண்ணெய் - 2 டீஸ்பூன்
- ருசிக்க உப்பு
- எலுமிச்சை சாறு - 2
- பாதாம் - 5
- கொத்தமல்லி - சிறிதளவு

செய்முறை:

- இஞ்சி, பூண்டு மற்றும் பச்சை மிளகாயை ஒரு அரைத்து பேஸ்ட் தயாரித்து வைத்துக் கொள்ளவும்.
- வெண்ணெயில் பிரியாணி இலை, சீரகம், ஏலக்காய் ஆகியவற்றை வெடிக்கவும்.
- இதில் இஞ்சி பூண்டு மற்றும் மிளகாய் விழுது சேர்த்து 30 நொடிகள் வதக்கவும்.
- அதன்பின் வெங்காயம் சேர்த்து 3 நிமிடம் வதக்கவும். அதன்பின் கொத்தமல்லி தூள் மற்றும் கரம் மசாலா தூள் சேர்த்து நன்கு கலக்கவும்.
- அதில் சிக்கன் சேர்த்து 3-4 நிமிடங்கள் அதிக தீயில் வதக்கவும்.
- அதில் தயிர், முந்திரி விழுது சேர்த்து நன்கு கலக்கவும்.. சிறிது தண்ணீர் ஊற்றி சிக்கன் நன்கு வேகும் வரை சமைக்கவும்.
- சிக்கன் நன்கு வெந்ததும் அதில் பாதாம், கொத்தமல்லி இலை மற்றும் எலுமிச்சை சாறு சேர்த்து 2 நிமிடம் கொதிக்க வைத்து பின்னர் அடுப்பை அணைக்கவும்.