For Quick Alerts
ALLOW NOTIFICATIONS  
For Daily Alerts

சுவையான... மசாலா தோசை

உங்கள் வீட்டில் இன்று காலை தோசை சுடப்போறீங்களா? தினமும் வெறும் தோசையை சுட்டு சாப்பிட்டு போர் அடிக்கிறதா? அப்படியானால் இன்று உங்கள் வீட்டில் மசாலா தோசை செய்யுங்கள். மசாலா தோசை செய்வது மிகவும் எளிது.

Posted By:
|

உங்கள் வீட்டில் இன்று காலை தோசை சுடப்போறீங்களா? தினமும் வெறும் தோசையை சுட்டு சாப்பிட்டு போர் அடிக்கிறதா? அப்படியானால் இன்று உங்கள் வீட்டில் மசாலா தோசை செய்யுங்கள். மசாலா தோசை செய்வது மிகவும் எளிது. உங்கள் வீட்டில் உருளைக்கிழங்கு இருந்தால் போதும், அற்புதமான மசாலா தோசை செய்யலாம்.

Masala Dosa Recipe In Tamil

உங்களுக்கு மசாலா தோசை எப்படி செய்வதென்று தெரிந்து கொள்ள வேண்டுமா? கீழே மசாலா தோசையின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* தோசை மாவு - தேவையான அளவு

* உருளைக்கிழங்கு - 2

* பச்சை மிளகாய் - 5 (நறுக்கியது)

* வெங்காயம் - 2 (பொடியாக நறுக்கியது)

* கடுகு - 1 டீஸ்பூன்

* உளுத்தம் பருப்பு - 2 டீஸ்பூன்

* கடலைப் பருப்பு - 1 டேபிள் ஸ்பூன்

* மஞ்சள் தூள் - 1/2 டீஸ்பூன்

* முந்திரி - 1 டேபிள் ஸ்பூன்

* இஞ்சி - 1 டீஸ்பூன் (பொடியாக நறுக்கியது)

* பெருங்காயத் தூள் - 1 சிட்டிகை

* கறிவேப்பிலை - சிறிது

* கொத்தமல்லி - சிறிது

* எண்ணெய் - தேவையான அளவு

* உப்பு - சுவைக்கேற்ப

செய்முறை:

* முதலில் உருளைக்கிழங்கை வேக வைத்து மசித்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், கடுகு, உளுத்தம் பருப்பு சேர்த்து தாளித்து, பின் கடலைப் பருப்பு, முந்திரி சேர்த்து நன்கு வதக்க வேண்டும்.

* பின் அதில் பெருங்காயத் தூள், கறிவேப்பிலை சேர்த்து வதக்கி, பின் வெங்காயம், பச்சை மிளகாய் சேர்த்து நன்கு மென்மையாகும் வரை வதக்க வேண்டும்.

* பிறகு மசித்து வைத்துள்ள உருளைக்கிழங்கு, மஞ்சள் தூள் மற்றும் உப்பு சேர்த்து நன்கு கிளறி விட்டு ஒரு நிமிடம் வேக வைத்து இறக்கினால், மசாலா தயார்.

* இப்போது தோசைக்கல்லை அடுப்பில் வைத்து சூடானதும், தோசை மாவு கொண்டு தோசை ஊற்றி, பின் அதன் மேல் ஒரு ஸ்பூன் எண்ணெய் ஊற்றி நன்கு மொறுமொறுப்பானதும், தோசையின் நடுவே உருளைக்கிழங்கு மசாலாவை வைத்து, தோசையை மடித்து எடுத்தால், சுவையான மசாலா தோசை தயார்.

[ of 5 - Users]
English summary

Masala Dosa Recipe In Tamil

Want to know how to make a masala dosa at home easily? Take a look and give it a try...
Desktop Bottom Promotion