காரசாரமான... கொங்குநாடு ஸ்பெஷல் வரமிளகாய் சிக்கன் வறுவல்

Kongunadu Special Vara Milagai Chicken Varuval: சிக்கன் பிரியர்கள் நிறைய பேர் உள்ளனர். நீங்களும் சிக்கன் பிரியரா? சிக்கனை கொண்டு பலவிதமான ரெசிபிக்களை செய்து சாப்பிட விரும்புவீர்களா? இன்று உங்கள் வீட்டில் சிக்கன் செய்ய நினைக்கிறீர்களா?

அப்படியானால் அந்த சிக்கனைக் கொண்டு கொங்குநாடு ஸ்பெஷல் வரமிளகாய் சிக்கன் வறுவலை செய்யுங்கள். இந்த வறுவல் ரசம் சாதத்துடன் சேர்த்து சாப்பிட அட்டகாசமாக இருக்கும். சிக்கனை எப்போதும் 65 செய்து சாப்பிடுவீர்களானால், ஒரு வித்தியாசத்திற்கு இந்த ரெசிபியை முயற்சிக்கலாம்.

உங்களுக்கு கொங்குநாடு ஸ்பெஷல் வரமிளகாய் சிக்கன் வறுவல் ரெசிபியை எப்படி செய்வதென்று தெரிந்து கொள்ள வேண்டுமா? கீழே கொங்குநாடு ஸ்பெஷல் வரமிளகாய் சிக்கன் வறுவல் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* சிக்கன் - 1/2 கிலோ
* தேங்காய் எண்ணெய் - 3 டேபிள் ஸ்பூன்
* வரமிளகாய் - 10 (விதை நீக்கிக் கொள்ளவும்)
* கறிவேப்பிலை - சிறிது
* பூண்டு - 5 பல் (தட்டிக் கொள்ளவும்)
* சின்ன வெங்காயம் - 1 கப் (நறுக்கியது)
* உப்பு - சுவைக்கேற்ப
* மஞ்சள் தூள் - 1/2 டீஸ்பூன்
* தண்ணீர் - 1/2 கப்

செய்முறை:

* முதலில் சிக்கனை மஞ்சள் தூள் சேர்த்து பிரட்டி, நீரில் நன்கு கழுவிக் கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் தேங்காய் எண்ணெய் சேர்த்து சூடானதும், வரமிளகாய், கறிவேப்பிலை, பூண்டு சேர்த்து குறைவான தீயில் வைத்து 30 நொடிகள் வதக்க வேண்டும்.
* பின் அதில் சின்ன வெங்காயத்தை சேர்த்து சில நிமிடங்கள் மென்மையாகும் வரை வதக்க வேண்டும்.
* பிறகு அதில் சுவைக்கேற்ப உப்பு, மஞ்சள் தூள் சேர்த்து ஒரு நிமிடம் வதக்க வேண்டும்.
* பின்பு அதில் கழுவி வைத்துள்ள சிக்கனை சேர்த்து நன்கு ஒருசேர கிளறி விட வேண்டும்.
* பின் அதில் 1/2 கப் நீரை ஊற்றி கிளறி, மூடி வைத்து சிக்கனை 30 நிமிடம் குறைவான தீயில் வைத்து வேக வைக்க வேண்டும்.
* குறைவான தீயில் வைத்து நீர் சுண்டும் வரை சிக்கனை வேக வைத்து இறக்கினால், சுவையான கொங்குநாடு ஸ்பெஷல் வரமிளகாய் சிக்கன் வறுவல் தயார்.

Image Courtesy: kannammacooks