கொங்கு ஸ்பெஷல் பீர்க்கங்காய் கடலை சட்னி ரெசிபி - ட்ரை பண்ணி பாருங்க - இட்லி, தோசைக்கு அருமையா இருக்கும்

Kongu Special Peerkangai Nilakadalai Chutney Recipe in Tamil: பெரும்பாலான வீடுகளில் காலை உணவாக இருப்பது இட்லி அல்லது தோசைதான்? அந்த இட்லி, தோசைக்கு சும்மா நச்சுன்னு ஒரு சைடு டிஷ் செய்ய நினைக்கிறீங்களா? தினமும் ஒரே மாதிரி சைடு டிஷ் செய்து போரடித்துவிட்டதா? உங்கள் வீட்டில் பீர்க்கங்காய் உள்ளதா? அப்படியானால் அந்த பீர்க்கங்காயையும், நிலக்கடலையும் வைத்து கொங்குநாடு ஸ்பெஷல் பீர்க்கங்காய் சட்னியை செய்யுங்கள்.

இந்த கொங்குநாடு ஸ்பெஷல் பீர்க்கங்காய் நிலக்கடலை சடனி இட்லி, தோசைக்கு மட்டுமின்றி சாதத்துடன் சேர்த்து சாப்பிடவும் அருமையாக இருக்கும். முக்கியமாக இந்த சட்னியை செய்வது மிகவும் எளிதானதாகும், மேலும் இது குழந்தைகள் முதல் பெரியவர்கள் வரை விரும்பி சாப்பிடக்கூடியவாறும் இருக்கும். இந்த சட்னி சுவையானது மட்டுமல்ல மிகவும் ஆரோக்கியமானதும் கூட.

உங்களுக்கு கொங்குநாடு ஸ்பெஷல் பீர்க்கங்காய் கடலை சட்னியை எப்படி செய்வதென்று தெரிந்து கொள்ள வேண்டுமா? கீழே கொங்குநாடு பீர்க்கங்காய் கடையல் சட்னி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 3 ஸ்பூன் நல்லெண்ணெய்
- 4 ஸ்பூன் வேர்க்கடலை
- 1 ஸ்பூன் கடலைப்பருப்பு
- 5 பல் பூண்டு
- 4 பச்சை மிளகாய்
- 1/4 அங்குல அளவு புளி
- 1 கொத்து கறிவேப்பிலை
- 1/2 கப் நறுக்கிய வெங்காயம்
- 2 நறுக்கிய தக்காளி
- 250 கிராம் பீர்க்கங்காய் (தோல் சீவி நறுக்கியது)
- 1/4 ஸ்பூன் மஞ்சள் தூள்
- தேவையான அளவு உப்பு
- 1/2 ஸ்பூன் வெல்லம்
- 2 கொத்து கொத்தமல்லி இலைகள்

தாளிக்க:

- 1 ஸ்பூன் நல்லெண்ணெய்
- 1/4 ஸ்பூன் உளுத்தம் பருப்பு
- 1/4 ஸபூன் கடுகு
- 1 கொத்து கறிவேப்பிலை
- 2 வர மிளகாய்

செய்முறை:

- ஒரு அடி கனமான பாத்திரத்தில், ஒரு ஸ்பூன் எண்ணெயை ஊற்றவும். அதனுடன் வேர்க்கடலை, கடலைப்பருப்பு, பூண்டு, பச்சை மிளகாய், புளி மற்றும் கறிவேப்பிலை ஆகியவற்றைச் சேர்க்கவும்.

- மிதமான தீயில் பருப்பு பொன்னிறமாகும் வரை வறுக்கவும். வறுத்த பொருட்களை வாணலியிலிருந்து எடுத்து, ஆறவைப்பதற்காக ஒரு தட்டில் தனியாக வைக்கவும்.

- அதே கடாயில் மீதமுள்ள எண்ணெயைச் சேர்க்கவும். அதனுடன் நறுக்கிய வெங்காயம், தக்காளி, நறுக்கிய பீர்க்கங்காய், மஞ்சள் தூள் மற்றும் உப்பு ஆகியவற்றைச் சேர்த்து நன்றாகக் கலக்கவும்.

- வாணலியை மூடி வைத்து, பீர்க்கங்காய் வெந்து மென்மையாகும் வரை 10 நிமிடங்கள் சமைக்கவும்.

- இறுதியாக, சிறிது வெல்லம் மற்றும் கொத்தமல்லி இலைகளைச் சேர்த்து சில நொடிகள் வதக்கவும். இதை ஆற வைக்கவும்.

- வேர்க்கடலை கலவையை ஒரு மிக்ஸி ஜாரில் சேர்த்து, கொரகொரப்பான பொடியாக வரும் வரை அரைக்கவும்.

- கலவை கொரகொரப்பான பொடியாக அரைபட்டதும், காய்கறிக் கலவையைச் சேர்த்து மீண்டும் அரைக்கவும். இந்த சட்னி கொரகொரப்பாக இருந்தால்தான் சுவையாக இருக்கும்.

- சட்னியைத் தாளிக்க ஒரு சிறிய வாணலியில் எண்ணெய் ஊற்றி, அதில் உளுத்தம் பருப்பு, கடுகு, கறிவேப்பிலை மற்றும் வர மிளகாய் ஆகியவற்றைச் சேர்க்கவும்.

- கடுகு பொரியத் தொடங்கியதும், தாளித்த கலவையைச் சட்னியுடன் சேர்த்து கிளறவும்.

- அவ்வளவுதான் சுவையான கொங்கு ஸ்பெஷல் பீர்க்கங்காய் கடலை சட்னி ரெடி. இதை சூடான இட்லி, தோசை அல்லது சாதத்துடன் பரிமாறவும்.