Just In
- 3 min ago 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- 1 hr ago பழங்கால போட்டோக்களில் யாராவது சிரிச்சு நீங்க பாத்திருக்கீங்களா? பார்த்திருக்க வாய்ப்பேயில்லை... ஏன் தெரியுமா?
- 4 hrs ago ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- 5 hrs ago உடம்பில் தேங்கியுள்ள கெட்ட கொலஸ்ட்ராலை குறைக்கணுமா? இந்த காய்கறிகளை அடிக்கடி சாப்பிடுங்க..
Don't Miss
- News "மகளிர் உரிமை தொகை வரல.." அமைச்சரை பேச விடாமல் நிறுத்திய பெண்.. மேடையில் அடுத்து நடந்த பரபர சம்பவம்
- Sports ரோகித்.. ரோகித் என கத்திய ரசிகர்கள்.. ஓங்கி ஒரு அடி விட்ட ஹர்திக் பாண்டியா - வீடியோ
- Automobiles ரேஸ் டிராக்கை தெறிக்கவிட்ட பைக் ரேஸர்கள்!!
- Finance ஸ்மால்கேப் முதலீட்டாளர்கள் காட்டில் மழை.. மொத்தம் 26 லட்சம் கோடி லாபமாம்..!!
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Technology குசும்பன்யா இந்த Samsung.. மாஸ் 5G போனை ரூ.10,000 விலையில் விற்பனை.. எந்த மாடல்? எப்போ வாங்கலாம்?
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
கேரளா ரெஸ்டாரண்ட் ஸ்டைல் கடலை கறி
உங்களுக்கு கேரளா ரெசிபிக்கள் ரொம்ப பிடிக்குமா? வீட்டில் கேரளா ரெசிபிக்களை செய்து சாப்பிட விரும்புகிறீர்களா? அப்படியானால் கேரளா ரெஸ்டாரண்ட் ஸ்டைல் கடலை கறியை வீட்டில் செய்து சாப்பிடுங்கள்.
உங்களுக்கு கேரளா ரெசிபிக்கள் ரொம்ப பிடிக்குமா? வீட்டில் கேரளா ரெசிபிக்களை செய்து சாப்பிட விரும்புகிறீர்களா? அப்படியானால் கேரளா ரெஸ்டாரண்ட் ஸ்டைல் கடலை கறியை வீட்டில் செய்து சாப்பிடுங்கள். இந்த கேரளா கடலை கறி சப்பாத்தி, சாதம், பூரி, அப்பம் போன்றவற்றுடன் சேர்த்து சாப்பிட அற்புதமாக இருக்கும். மேலும் இது அனைவருமே விரும்பி சாப்பிடும் வகையில் ருசியாக இருக்கும்.
உங்களுக்கு கேரளா ரெஸ்டாரண்ட் ஸ்டைல் கடலை கறி எப்படி செய்வதென்று தெரிந்து கொள்ள வேண்டுமா? கீழே கேரளா ரெஸ்டாரண்ட் ஸ்டைல் கடலை கறி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
சுண்டல் வேக வைப்பதற்கு...
* கருப்பு சுண்டல் - 1 1/2 கப் (நீரில் 8 மணிநேரம் ஊற வைத்தது)
* மஞ்சள் தூள் - 1/2 டீஸ்பூன்
* உப்பு - 1/2 டீஸ்பூன்
* தண்ணீர் - தேவையான அளவு
கிரேவிக்கு...
* தேங்காய் எண்ணெய் - 2 டீஸ்பூன்
* நெய் - 2 டீஸ்பூன்
* சோம்பு - 1/2 டீஸ்பூன்
* கிராம்பு - 3-4
* பச்சை ஏலக்காய் - 3
* பட்டை - 1 துண்டு
* இஞ்சி - 1 டீஸ்பூன் (துருவியது)
* பூண்டு - 1 டீஸ்பூன் (துருவியது)
* வெங்காயம் - 1 1/2 கப் (பொடியாக நறுக்கியது)
* மஞ்சள் தூள் - 1/2 டீஸ்பூன்
* மிளகாய் தூள் - 1 டீஸ்பூன்
* மல்லித் தூள் - 1 டீஸ்பூன்
* கரம் மசாலா - 1 டீஸ்பூன்
* தக்காளி - 1 (நறுக்கியது)
* துருவிய தேங்காய் - 1/4 கப்
* சுடுநீர் - 1/2 கப்
தாளிப்பதற்கு...
* தேங்காய் எண்ணெய் - 2 டீஸ்பூன்
* பச்சை மிளகாய் -2-3 (நறுக்கியது)
* கறிவேப்பிலை - சிறிது
செய்முறை:
* முதலில் குக்கரில் ஊற வைத்துள்ள கருப்பு சுண்டலை போட்டு, அத்துடன் மஞ்சள் தூள், உப்பு மற்றும் நீரை ஊற்றி, அடுப்பில் வைத்து குக்கரை மூடி 5-6 விசில் விட்டு இறக்க வேண்டும்.
* அதன்பின் ஒரு வாணலியை அடுப்பில் வைத்து, அதில் தேங்காய் எண்ணெய் மற்றும் நெய் ஊற்றி சூடானதும், சோம்பு, பட்டை, கிராம்பு, ஏலக்காய் சேர்த்து தாளித்து, இஞ்சி, பூண்டு சேர்த்து வதக்க வேண்டும்.
* பின்பு அதில் வெங்காயம் சேர்த்து, சிறிது உப்பு தூவி நன்கு வதக்கி, பின் மஞ்சள் தூள், மிளகாய் தூள், மல்லித் தூள் மற்றும் கரம் மசாலா சேர்த்து குறைவான தீயில் வைத்து, பச்சை வாசனை போக வதக்க வேண்டும்.
* பிறகு அதில் தக்காளியை சேர்த்து நன்கு மென்மையாகும் வரை வதக்கி, துருவிய தேங்காயை சேர்த்து ஒரு நிமிடம் வதக்கி இறக்கி குளிர வைத்து, மிக்சர் ஜாரில் போட்டு நன்கு அரைத்துக் கொள்ள வேண்டும்.
* அடுத்து ஒரு கடாயை அடுப்பில் வைத்து, அதில் தேங்காய் எண்ணெய் ஊற்றி சூடானதும், தாளிப்பதற்கு கொடுத்துள்ள பச்சை மிளகாய் மற்றும் கறிவேப்பிலை சேர்த்து சில நொடிகள் வதக்கி, அரைத்த மசாலாவை சேர்த்து நன்கு கிளறி கொதிக்க விட வேண்டும்.
* பின் அதில் வேக வைத்த சுண்டல் மற்றும் சுவைக்கேற்ப உப்பு சேர்த்து கிளற வேண்டும். கிரேவி கெட்டியாக இருந்தால், 1/4 கப் சுடுநீரை ஊற்றி, மூடி வைத்து 15 நிமிடம் குறைவான தீயில் கொதிக்க வைத்து இறக்க வேண்டும்.
* கிரேவியின் சுவையை இன்னும் அதிகரிப்பதற்கு, 1 டீஸ்பூன் தேங்காய் எண்ணெயில் கடுகு, கறிவேப்பிலை மற்றும் வர மிளகாய் சேர்த்து தாளித்து, கிரேவியில் ஊற்றி மூடி வைத்து, 10 நிமிடம் கழித்து பரிமாறினால், சுவை இன்னும் அற்புதமாக இருக்கும்.
Image Courtesy: yummyoyummy