For Quick Alerts
ALLOW NOTIFICATIONS  
For Daily Alerts

கேரளா பூண்டு சட்னி

Posted By:
|

இன்று இரவு உங்கள் வீட்டில் தோசை/இட்லி செய்ய போகிறீர்களா? அதற்கு என்ன சைடு டிஷ் செய்வதென்று யோசித்துக் கொண்டிருக்கிறீர்களா? உங்களுக்கு கேரளா ரெசிபிக்கள் பிடிக்குமா? அப்படியானால் இன்று உங்கள் வீட்டில் கேரளா பூண்டு சட்னியை செய்யுங்கள். இதை செய்வது மிகவும் ஈஸி மற்றும் வழக்கமாக சாப்பிடும் சட்னியில் இருந்து சற்று வித்தியாசமான சுவையைக் கொண்டது.

உங்களுக்கு கேரளா பூண்டு சட்னியை எப்படி செய்வதென்று தெரிந்து கொள்ள வேண்டுமா? கீழே கேரளா பூண்டு சட்னியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* நல்லெண்ணெய் - 2 1/2 டேபிள் ஸ்பூன்

* பெரிய வெங்காயம் - 1 (நறுக்கியது)

* பூண்டு - 1/2 கப்

* உப்பு - சுவைக்கேற்ப

* வரமிளகாய் - 4 (சுடுநீரில் 20 நிமிடம் ஊற வைத்தது)

* காஷ்மீரி மிளகாய் தூள் - 1/2 டீஸ்பூன்

தாளிப்பதற்கு...

* கடுகு - 1/2 டீஸ்பூன்

* வரமிளகாய் - 1

* கறிவேப்பிலை - சிறிது

* பெருங்காயத் தூள் - 1 சிட்டிகை

செய்முறை:

* முதலில் ஒரு வாணலியை அடுப்பில் வைத்து, அதில் 1 டேபிள் ஸ்பூன் நல்லெண்ணெய் ஊற்றி சூடானதும், வெங்காயத்தை போட்டு சிறிது உப்பு தூவி நன்கு வதக்க வேண்டும்.

* பின் அதில் பூண்டு சேர்த்து பொன்னிறமாக வதக்கி இறக்கி குளிர வைக்க வேண்டும்.

* பின்பு வதக்கியதை மிக்சர் ஜாரில் போட்டு, அத்துடன் ஊற வைத்துள்ள வரமிளகாய், காஷ்மீரி மிளகாய் தூள் சேர்த்து, சிறிது வெதுவெதுப்பான நீரை ஊற்றி, நன்கு மென்மையாக அரைத்துக் கொள்ள வேண்டும்.

* பிறகு அரைத்ததை ஒரு பௌலில்/கிண்ணத்தில் எடுத்து வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் மீதமுள்ள நல்லெண்ணெயை ஊற்றி சூடானதும், கடுகு, வரமிளகாய், கறிவேப்பிலை மற்றும் பெருங்காயத் தூள் சேர்த்து தாளித்து, அதில் அரைத்த சட்னியை ஊற்றி கிளறி, உப்பு சுவை பார்த்து, வேண்டுமானால் உப்பு சேர்த்து கிளறி, 1-2 நிமிடம் கொதிக்கவிட்டு இறக்கினால், கேரளா பூண்டு சட்னி தயார்.

Image Courtesy: yummyoyummy

[ of 5 - Users]
English summary

Kerala Garlic Chutney Recipe In Tamil

Want to know how to make a kerala garlic chutney recipe at home? Take a look and give it a try...
Story first published: Saturday, July 30, 2022, 19:06 [IST]
Desktop Bottom Promotion