இந்த மசாலா ஆம்லெட்-ஐ குழந்தைகளுக்கு செஞ்சு கொடுங்க.. காலை உணவை தவிர்க்க மாட்டாங்க..!

வளரும் குழந்தைகளுக்கு தினமும் ஒரு முட்டையை காலை வேளையில் சாப்பிடக் கொடுத்தால், அவர்களின் வளர்ச்சி சீராகவும், ஆரோக்கியமானதாகவும் இருக்கும். அதிலும் தற்போது உள்ள குழந்தைகள் காலை உணவை தவிர்த்துவிட்டுதான் பள்ளிக்கும் கல்லூரிக்கும் செல்லுகிறார்கள்.. காலையில் சாப்பிடுவது அவர்களுக்கு மிகவும் சிரமமான விஷயமாக உள்ளது..

அதனால் அவர்கள் சாப்பிடுவதற்கு ஏற்ற சாஃப்டான மற்றும் லைடான காலை உணவாக இந்த மசாலா ஆம்லெட் செய்து கொடுக்கலாம்.. கண்டிப்பாக முட்டை என்றால் அனைத்து குழந்தைகளும் விரும்பி சாப்பிடுவார்கள்.. கண் பார்வைக்கு நன்மை செய்யும் மசாலா ஆம்லெட் செய்வது எப்படி என்று இந்த பதிவில் தெரிந்துக் கொள்ளலாம் வாங்க..

தேவையான பொருள்கள்

1. முட்டை

2. மிளகாய்த் தூள்

3. எண்ணெய்

4. மிளகுத் தூள்

5. மஞ்சள் தூள்

6. பச்சை மிளகாய்

7. பெரிய வெங்காயம்

8. தக்காளி

9. உப்பு

செய்முறை

1. முதலில் தக்காளி, மிளகாய், வெங்காயம் ஆகிய இவை அனைத்தையும் பொடியாக நறுக்கி வைக்க வேண்டும்.

2. முட்டையை உடைத்து அதனை ஒரு பாத்திரத்தில் ஊற்றி நன்கு நுரை வரும் படியாக அடித்துக் கலக்கிக் கொள்ள வேண்டும்..

3. மேற்கண்டவற்றுடன் நறுக்கிய வெங்காயம், தக்காளி, மிளகாய் ஆகிய இவை அனைத்தையும் சேர்த்து நன்கு கலக்கிக் கொள்ள வேண்டும்..

4. உங்கள் தேவைக்கு தகுந்த படி உப்பு, மிளகுத் தூள், மஞ்சள் தூள், மிளகாய்த் தூள் ஆகிய இவற்றை சேர்த்து தோசைக் கல்லில் ஊற்றி சிறிதளவு எண்ணெய் விட்டுக் கொள்ளுங்கள்..

5. ஒரு பக்கமாக வெந்தவுடன் திருப்பிப் போட்டு மடித்து எடுக்கவும்.

6. இதோ சுவையான மசாலா ஆம்லெட் ரெடி.