For Quick Alerts
ALLOW NOTIFICATIONS  
For Daily Alerts

பூண்டு தால்

உங்கள் வீட்டில் துவரம் பருப்பு மற்றும் பூண்டு இருந்தால், அதைக் கொண்டு ஒரு சுவையான பூண்டு தால் செய்யுங்கள். இந்த தால் சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும்.

Posted By:
|

இன்று இரவு உங்கள் வீட்டில் சப்பாத்தி செய்ய திட்டமிட்டுள்ளீர்களா? அதற்கு என்ன சைடு டிஷ் செய்வதென்று யோசித்துக் கொண்டிருக்கிறீர்களா? அதுவும் மிகவும் ஈஸியான சைடு டிஷ் செய்ய வேண்டுமா? அப்படியானால் உங்கள் வீட்டில் துவரம் பருப்பு மற்றும் பூண்டு இருந்தால், அதைக் கொண்டு ஒரு சுவையான பூண்டு தால் செய்யுங்கள். இந்த தால் சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும்.

Garlic Dal Recipe In Tamil

உங்களுக்கு பூண்டு தால் எப்படி செய்வதென்று தெரிந்து கொள்ள வேண்டுமா? கீழே பூண்டு தால் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* துவரம் பருப்பு - 1 கப்

* நெய் - 1 டீஸ்பூன்

* புளி பேஸ்ட் - 1/4 கப்

* பச்சை மிளகாய் - 5

* பூண்டு - 10 பல்

* உப்பு - சுவைக்கேற்ப

* கொத்தமல்லி - சிறிது (அலங்கரிக்க)

தாளிப்பதற்கு...

* எண்ணெய் - 1 டேபிள் ஸ்பூன்

* கடுகு - 1 டீஸ்பூன்

* கறிவேப்பிலை - சிறிது

செய்முறை:

* முதலில் துவரம் பருப்பை நீரில் நன்கு கழுவிக் கொள்ள வேண்டும்.

* பின் அதை குக்கரில் போட்டு, தேவையான அளவு நீரை ஊற்றி, ஒரு ஸ்பூன் நெய் சேர்த்து, அடுப்பில் வைத்து, குக்கரை மூடி 4-5 விசில் விட்டு இறக்கிக் கொள்ள வேண்டும். விசில் போனதும் குக்கரைத் திறந்து பருப்பை குளிர வைக்க வேண்டும்.

* அதற்குள் பச்சை மிளகாயை வாணலியில் போட்டு சிறிது வறுத்துக் கொள்ள வேண்டும்.

* பின்னர் மிக்சர் ஜாரில், வேக வைத்த பருப்பு, பச்சை மிளகாய், பூண்டு, புளி பேஸ்ட், உப்பு சேர்த்து நன்கு மென்மையாக அரைத்து ஒரு பாத்திரத்தில் எடுத்துக் கொள்ள வேண்டும்.

* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, கறிவேப்பிலை சேர்த்து தாளித்து, பருப்புடன் சேர்த்து கிளறி, மேலே கொத்தமல்லியைத் தூவினால், சுவையான பூண்டு தால் தயார்.

Image Courtesy: archanaskitchen

[ of 5 - Users]
English summary

Garlic Dal Recipe In Tamil

Want to know how to make a garlic dal recipe at home? Take a look and give it a try...
Story first published: Tuesday, December 28, 2021, 18:48 [IST]
Desktop Bottom Promotion