Just In
- 1 hr ago 100 ஆண்டுகளுக்கு பின் மீனத்தில் நிகழும் லட்சுமி நாராயண, புதாதித்ய ராஜயோகம்: அதிர்ஷ்ட மழையில் நனையும் ராசிகள்!
- 4 hrs ago இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- 12 hrs ago வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- 12 hrs ago உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
Don't Miss
- Movies விபத்துதான் கருங்காலி மாலை அணிய காரணம்.. லோகேஷ் கனகராஜ் சொன்ன தகவல்!
- Technology பொளக்குது ஆர்டர்.. ரூ.7,599 பட்ஜெட்ல 12GB ரேம்.. அல்ட்ரா பிரீமியம் கேமரா லுக்.. 1டிபி மெமரி.. எந்த மாடல்?
- Automobiles ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- News பில் கேட்ஸுக்கு தூத்துக்குடி முத்துகளை பரிசளித்த மோடி.. கையில் உள்ள மற்றொரு கிப்ட் என்ன பாருங்க
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
முட்டை சால்னா
வீட்டில் பரோட்டா செய்தால், அதற்கு கடைகளில் செய்யப்படும் சால்னா போன்று செய்ய விரும்புகிறீர்களா? அப்படியானால் முட்டைக் கொண்டு முட்டை சால்னா செய்யுங்கள்.
சாலை ஓரங்களில் தள்ளுவண்டியில் விற்கப்படும் பரோட்டாவிற்கு கொடுக்கப்படும் சால்னா மிகவும் அட்டகாசமான சுவையில் இருக்கும். பரோட்டாவிற்கு கொடுக்கப்படும் சால்னா நீர் போன்று இருக்கும். இந்த சால்னாவை முட்டை, சிக்கன், காய்கறிகள் அல்லது ப்ளைனாக கூட செய்யலாம். உங்கள் வீட்டில் பரோட்டா செய்தால், அதற்கு கடைகளில் செய்யப்படும் சால்னா போன்று செய்ய விரும்புகிறீர்களா? அப்படியானால் முட்டைக் கொண்டு முட்டை சால்னா செய்யுங்கள். இந்த முட்டை சால்னா பரோட்டாவிற்கு மட்டுமின்றி, இடியாப்பத்திற்கும் அட்டகாசமாக இருக்கும்.
உங்களுக்கு முட்டை சால்னா எப்படி செய்வதென்று தெரிந்து கொள்ள வேண்டுமா? கீழே முட்டை சால்னாவின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* முட்டை - 6 (வேக வைத்தது)
* வெங்காயம் - 1 (பொடியாக நறுக்கியது)
* இஞ்சி பூண்டு விழுது - 2 டீஸ்பூன்
* பச்சை மிளகாய் - 2
* துருவிய தேங்காய் - 1/4 கப்
* சோம்பு - 1 டீஸ்பூன்
* கசகசா - 1/2 டீஸ்பூன்
* கொத்தமல்லி - சிறிது
* உப்பு - சுவைக்கேற்ப
* எண்ணெய் - 2 1/2 டேபிள் ஸ்பூன்
வதக்கி அரைப்பதற்கு...
* வெங்காயம் - 2 (நறுக்கியது)
* தக்காளி - 2 (நறுக்கியது)
* புதினா - 1 கையளவு
* கொத்தமல்லி - 1 கையளவு
* பச்சை மிளகாய் - 5
* மிளகாய் தூள் - 1 டீஸ்பூன்
* மல்லித் தூள் - 2 டீஸ்பூன்
* கரம் மசாலா - 1/4 டீஸ்பூன்
* மஞ்சள் தூள் - ஒரு சிட்டிகை
தாளிப்பதற்கு...
* கிராம்பு - 5
* பட்டை - 1 இன்ச்
* அன்னாசிப்பூ - 2
* பிரியாணி இலை - 1
* சோம்பு - 1/4 டீஸ்பூன்
செய்முறை:
* முதலில் ஒரு வாணலியை அடுப்பில் வைத்து, அதில் 1/2 டேபிள் ஸ்பூன் எண்ணெய் ஊற்றி சூடானதும், வெங்காயம், பச்சை மிளகாய் சேர்த்து நன்கு வதக்கி, பின் புதினா, கொத்தமல்லி, தக்காளி சேர்த்து மென்மையாகும் வரை வதக்க வேண்டும்.
* பின்பு அதில் அனைத்து மசாலா பொடிகளையும் சேர்த்து ஒரு நிமிடம் வதக்கி இறக்கி குளிர வைத்து, பின் மிக்சர் ஜாரில் போட்டு நன்கு அரைத்து தனியாக வைத்துக் கொள்ள வேண்டும்.
* அடுத்து மிக்சர் ஜாரில் தேங்காய், சோம்பு மற்றும் கசகசாவை சேர்த்து, சிறிது நீர் ஊற்றி நன்கு மென்மையாக அரைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளிக்க வேண்டும்.
* பின் அதில் வெங்காயம் மற்றும் பச்சை மிளகாய் சேர்த்து வதக்கி, அதைத் தொடர்ந்து இஞ்சி பூண்டு விழுதை சேர்த்து நன்கு பச்சை வாசனை போக வதக்க வேண்டும்.
* அடுத்து அதில் அரைத்து வைத்துள்ள மசாலாவை சேர்த்து ஒரு நிமிடம் கிளறி, பின் 2 கப் நீரை ஊற்றி, மிதமான தீயில் 6-7 நிமிடம் கொதிக்க வைக்க வேண்டும்.
* பின்னர் அரைத்து வைத்துள்ள தேங்காய் விழுதை சேர்த்து, ஒரு கப் நீரை ஊற்றி, சுவைக்கேற்ப உப்பு சேர்த்து மீண்டும் 4-5 நிமிடம் பச்சை வாசனை போக கொதிக்க வைக்க வேண்டும்.
* இறுதியாக வேக வைத்துள்ள முட்டைகளை போட்டு ஒரு நிமிடம் கொதிக்க வைத்து, கொத்தமல்லியை மேலே தூவி இறக்கினால், முட்டை சால்னா தயார்.
Image Courtesy: naliniscooking