Just In
- 50 min ago உங்களுக்கு இந்த அறிகுறிகள் அதிகம் தெரியுதா? அப்ப உடம்புல தண்ணீர் ரொம்ப கம்மியா இருக்கு-ன்னு அர்த்தம்... உஷார்.
- 3 hrs ago 1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்..
- 4 hrs ago இரத்தத்தில் ஹீமோகுளோபின் அளவு அதிகரிக்கனுமா?.. இதை சாப்பிடுங்கள்..!
- 4 hrs ago உங்கள் கால் நகங்களை அழகாக மாற்ற அற்புதமான டிப்ஸ்..
Don't Miss
- Technology Aadhaar Update Cost: இனி ஆதார் அட்டையில் பெயர், முகவரி, போட்டோ மாற்ற கட்டணம்.. எவ்வளவு தெரியுமா?
- News மிளகாய் பொடி ஆயுதம்! ஆந்திராவில் சினிமா ஸ்டைலில்.. மண்டபத்திற்குள் நுழைந்து மணப்பெண்ணை கடத்த முயற்சி
- Automobiles வெறும் 1 ஸ்டார் ரேட்டிங்கை பெற்ற மஹிந்திரா கார்! இந்த காருக்கா இப்படி ஒரு நிலைமை?
- Finance நீங்க கிரெடிட் கார்டு வச்சிருக்கீங்களா.. ஆன்லைன் மோசடியில் இருந்து தப்பிக்க நச்சுனு 4 டிப்ஸ்!
- Movies Sivakarthikeyan: நடிகர் சங்க கட்டட பணிகளுக்கு நடிகர் சிவகார்த்திகேயன் ரூ.50 லட்சம் நிதியுதவி!
- Sports இப்படி தான் சிக்சர் அடிக்கனும்.. இளம் அதிரடி வீரருக்கு சொல்லி கொடுத்த தோனி.. கவனித்த ஜடேஜா
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
சில்லி பேபி கார்ன்
உங்கள் குழந்தைகள் பேபி கார்னை விரும்பி சாப்பிடுவார்களா? அதுவும் சில்லி பேபி கார்ன் ரொம்ப பிடிக்குமா? அவர்களுக்கு இதுவரை கடைகளில் தான் சில்லி பேபி கார்னை வாங்கி கொடுத்திருக்கிறீர்களா? இனிமேல் அதை வீட்டிலேயே செய்யுங்கள்.
உங்கள் குழந்தைகள் பேபி கார்னை விரும்பி சாப்பிடுவார்களா? அதுவும் சில்லி பேபி கார்ன் ரொம்ப பிடிக்குமா? அவர்களுக்கு இதுவரை கடைகளில் தான் சில்லி பேபி கார்னை வாங்கி கொடுத்திருக்கிறீர்களா? அப்படியானால் இனிமேல் அதை வீட்டிலேயே செய்து கொடுங்கள். இந்த சில்லி பேபி கார்ன் செய்வது மிகவும் சுலபம். அதோடு இது ஒரு சுவையான ஸ்நாக்ஸ் கூட.
உங்களுக்கு சில்லி பேபி கார்ன் எப்படி செய்வதென்று தெரிந்து கொள்ள வேண்டுமா? கீழே சில்லி பேபி கார்ன் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
மாவு தயாரிப்பதற்கு...
* பேபி கார்ன் - 15
* சோள மாவு - 3 டேபிள் ஸ்பூன்
* மைதா - 2 டேபிள் ஸ்பூன்
* மிளகுத் தூள் - 1 டீஸ்பூன்
* உப்பு - சுவைக்கேற்ப
* எண்ணெய் - பொரிப்பதற்கு தேவையான அளவு
பிற பொருட்கள்...
* ஆலிவ் ஆயில் - 1 டேபிள் ஸ்பூன்
* பெரிய வெங்காயம் - 1/4 கப் (நீளமாக நறுக்கியது)
* பச்சை மிளகாய் - 1 (பொடியாக நறுக்கியது)
* ஸ்பிரிங் ஆனியன் வெள்ளைப் பகுதி - 1 டீஸ்பூன் (பொடியாக நறுக்கியது)
* ஸ்பிரிங் ஆனியன் பச்சை பகுதி - 2 டேபிள் ஸ்பூன் (பொடியாக நறுக்கியது)
* குடைமிளகாய் - 1/4 கப் (நீளமாக நறுக்கியது)
* பூண்டு - 1 டீஸ்பூன் (பொடியாக நறுக்கியது)
* சோயா சாஸ் - 1/4 டீஸ்பூன்
* சில்லி சாஸ் - 1/2 டீஸ்பூன்
* தக்காளி சாஸ் - 1 டேபிள் ஸ்பூன்
* மிளகுத் தூள் - 1/4 டீஸ்பூன்
* உப்பு - சுவைக்கேற்ப
செய்முறை:
* முதலில் ஒரு பாத்திரத்தில் நீரை ஊற்றி அடுப்பில் வைத்து, நன்கு கொதிக்க ஆரம்பித்ததும் இறக்கி, பேபி கார்னை சேர்த்து 5 நிமிடம் அப்படியே ஊற வைக்க வேண்டும். பின் அதை எடுத்து சிறு நீளத் துண்டுகளாக வெட்டிக் கொள்ள வேண்டும்.
* பின் ஒரு பௌலில் சோள மாவு, மைதா, மிளகுத் தூள் மற்றும் உப்பு சேர்த்து சிறிது நீர் ஊற்றி பேஸ்ட் செய்து கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், பேபி கார்ன் துண்டுகளை மைதா பேஸ்ட்டில் பிரட்டி எண்ணெயில் போட்டு பொன்னிறமாக பொரித்து தனியாக எடுத்து வைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் ஆலிவ் ஆயில் ஊற்றி சூடானதும், பச்சை மிளகாய், பூண்டு, ஸ்பிரிங் ஆனியன் வெள்ளைப் பகுதி சேர்த்து 2 நிமிடம் வதக்கி, பின் வெங்காயத்தை சேர்த்து சிறிது நேரம் வதக்கி, அதன் பின் குடைமிளகாய் சேர்த்து சில நிமிடங்கள் வதக்க வேண்டும்.
* அடுத்து, அதில் பொரித்த பேபி கார்னை சேர்த்து, அத்துடன் தக்காளி சாஸ், சில்லி சாஸ், சோயா சாஸ் மற்றும் மிளகுத் தூள் சேர்த்து நன்கு கிளறி, அதன் பின் ஸ்பிரிங் ஆனியனின் பச்சை பகுதியை சேர்த்து கிளறி இறக்கினால், சுவையான சில்லி பேபி கார்ன் தயார்.
Image Courtesy: sharmispassions