Cheese Dosa Recipe : சீஸ் தோசை

உங்கள் குழந்தைகள் சரியாக சாப்பிடுவதே கிடையாதா? என்ன செய்து கொடுத்தாலும், வேண்டாம் என்று சொல்கிறார்களா? உங்கள் குழந்தைகள் சீஸை விரும்பி சாப்பிடுவார்களா? அப்படியென்றால் அவர்களுக்கு சீஸ் தோசை செய்து கொடுங்கள். இந்த சீஸ் தோசை மிகவும் சுவையாக இருக்கும் மற்றும் செய்வதும் சுலபம். முக்கியமாக இதற்கு எந்த சைடு டிஷ்ஷும் தேவைப்படாது.

உங்களுக்கு சீஸ் தோசை எப்படி செய்வதென்று தெரிந்து கெள்ள வேண்டுமா? கீழே சீஸ் தோசை ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* தோசை மாவு - தேவையான அளவு

* தக்காளி கெட்சப் அல்லது தக்காளி சாஸ் - தேவையான அளவு

* மொசரெல்லா சீஸ் - தேவையான அளவு (துருவியது)

* எண்ணெய் - தேவையான அளவு

செய்முறை:

* முதலில் தோசைக் கல்லை அடுப்பில் வைத்து சூடேற்ற வேண்டும்.

* தோசைக்கல் சூடானதும், ஒரு கரண்டி தோசை மாவை சூடான கல்லில் ஊற்றி மெல்லிய தோசையாக சுட வேண்டும். பின்பு அதன் மேல் எண்ணெய் ஊற்ற வேண்டும்.

* பிறகு தோசையின் மேல் தக்காளி சாஸ் அல்லது தக்காளி கெட்சப்பை வைத்து சமமாக பரப்பி விட வேண்டும்.

* பின்பு அதன் மேல் துருவிய சீஸை தூவி உருக விட வேண்டும். தோசையின் அடிப்பகுதி மொறுமொறுப்பானதும், தோசையை எடுத்தால், மொறுமொறுப்பான சீஸ் தோசை தயார்.

Image Courtesy: yummytummyaarthi