1/2 கப் கடலைப்பருப்பும், கீரையும் இருந்தா ஈவ்னிங் டைம் இந்த ஸ்னாக்கை செய்யுங்க - டக்கரா இருக்கும்

Chana Dal Pan Cake Recipe in Tamil: மாலை வேளையில் உங்கள் குழந்தைகளும், குடும்பத்தினரும் சாப்பிட ஸ்நாக்ஸ் கேட்கிறார்களா? அப்போது அவர்களுக்கு ஆரோக்கியமானதாகவும், அதேசமயம் சுவையான ஸ்நாக்ஸ் செய்து கொடுத்தால், அனைவரும் விரும்பி சாப்பிடுவார்கள். உங்கள் வீட்டில் 1/2 கப் கடலைப்பருப்பு, கீரையும் இருந்தால், அவற்றைக் கொண்டு அருமையான சுவையில் பான் கேக் செய்யலாம்.

இந்த பான் கேக் குழந்தைகள் மட்டுமின்றி, பெரியவர்களும் விரும்பி சாப்பிடக்கூடிய சுவையில் காரசாரமாக இருக்கும். முக்கியமாக இதை மாலை நேர ஸ்நாக்ஸாக மட்டுமின்றி, காலை உணவாகவும் சாப்பிடலாம். உங்கள் குழந்தைகள் எப்போதும் ஒரே மாதிரி இட்லி, தோசை சாப்பிட்டு போரடிக்கிறது என்று கூறினால், இந்த பான் கேக்கை மதிய உணவிற்கு கூட செய்து கொடுக்கலாம்.

உங்களுக்கு இந்த கடலைப்பருப்பு பான் கேக்கை எப்படி செய்வதென்று தெரிந்து கொள் வேண்டுமா? கீழே கடலைப்பருப்பு பான் கேக் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 1/2 கப் கடலைப்பருப்பு (5 மணி நேரம் ஊறவைத்தது)
- 1/2 கப் பொடியாக நறுக்கிய கீரை
- 1/2 கப் துருவிய கேரட்
- 1கொத்து கறிவேப்பிலை(பொடியாக நறுக்கியது)
- 1 ஸ்பூன் பொடியாக நறுக்கிய பச்சை மிளகாய்
- 1 தேக்கரண்டி துருவிய இஞ்சி
- 2 ஸ்பூன் தயிர்
- தேவையான அளவு உப்பு
- 1 ஸ்பூன் எண்ணெய்
- 3 ஸ்பூன் எண்ணெய்

செய்முறை:

- கடலைப்பருப்பு பான் கேக் செய்ய, ஊறவைத்த கடலைப்பருப்புடன் சுமார் ¼ கப் தண்ணீர் சேர்த்து, சற்று கொரகொரப்பான விழுதாக அரைத்துக்கொள்ளவும்.

- கீரை, கேரட், கறிவேப்பிலை, இஞ்சி, பச்சை மிளகாய், தயிர், எண்ணெய் மற்றும் உப்பு ஆகியவற்றைச் சேர்த்து நன்றாகக் கலக்கவும்.

- ஒரு தோசைக்கல்லில் எண்ணெயைச் சூடாக்கி, அதில் ¼ ஸ்பூன் எண்ணெய் ஊற்றி, ஒரு சிறிய கரண்டி மாவை அதன் மீது ஊற்றி அதை சின்ன பான் கேக்காக சுற்றவும்.

- 1 ஸ்பூன் எண்ணெய் விட்டு, மிதமான தீயில் இருபுறமும் பொன்னிறமாகும் வரை வேகவைக்கவும்.

- இதேபோல மீதமுள்ள மாவையும் ஒவ்வொன்றாக ஊற்றி சிறிய அளவிலான பான் கேக்காக ஊற்றவும்.

- அவ்வளவுதான் சூடான மற்றும் ஆரோக்கியமான கடலைப்பருப்பு பான் கேக் ரெடி. இதை உங்களுக்கு பிடித்த சட்னியுடன் பரிமாறவும்.