Just In
- 4 hrs ago வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- 5 hrs ago உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- 8 hrs ago முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- 9 hrs ago 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
Don't Miss
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
Cashew Vegetable Kurma Recipe : முந்திரி வெஜிடேபிள் குருமா
சப்பாத்திக்கு குருமா தான் சரியான சைடு டிஷ். அதுவும் ஒருசில காய்கறிகள் மற்றும் பன்னீரைக் கொண்டு ஒரு அற்புதமான சுவையுடைய முந்திரி வெஜிடேபிள் குருமா செய்தால் சப்பாத்திக்கு சூப்பராக இருக்கும்.
சப்பாத்திக்கு குருமா தான் சரியான சைடு டிஷ். அதுவும் சப்பாத்திக்கு பலரும் உருளைக்கிழங்கு குருமாவை தான் செய்வார்கள். ஆனால் ஒருசில காய்கறிகள் மற்றும் பன்னீரைக் கொண்டு ஒரு அற்புதமான சுவையுடைய முந்திரி வெஜிடேபிள் குருமா செய்தால், 2 சப்பாத்தி சாப்பிடுபவர்கள் 4 சப்பாத்தியை சாப்பிடுவார்கள். ஏனெனில் அந்த அளவில் இந்த குருமா ருசியாக இருக்கும். முக்கியமாக நிறைய காய்கறிகள் சேர்த்து செய்வதால், இது ஒரு ஆரோக்கியமான ரெசிபியும் கூட.
உங்களுக்கு முந்திரி வெஜிடேபிள் குருமா எப்படி செய்வதென்று தெரிந்து கொள்ள வேண்டுமா? கீழே முந்திரி வெஜிடேபிள் குருமா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* வெஜிடேபிள் - 3 கப் (பீட்ரூட், ப்ராக்கோலி, காலிஃப்ளவர், உருளைக்கிழங்கு, கேரட்)
* பன்னீர் - 1 கப் (துண்டுகளாக்கப்பட்டது)
* எண்ணெய் - 2 டேபிள் ஸ்பூன்
* சீரகம் - 1 டீஸ்பூன்
* மிளகாய் தூள் - 1 டீஸ்பூன்
* மஞ்சள் தூள் - 1 டீஸ்பூன்
* கரம் மசாலா - 1 டீஸ்பூன்
* கொத்தமல்லி - சிறிது
* உப்பு - சுவைக்கேற்ப
மசாலாவிற்கு...
* முந்திரி - 10
* பெரிய வெங்காயம் - 1 (நறுக்கியது)
* தக்காளி - 2 (நறுக்கியது)
செய்முறை:
* முதலில் அனைத்து காய்கறிகளையும் நறுக்கி குக்கரில் போட்டு, சிறிது நீரைத் தெளித்து அடுப்பில் வைத்து குக்கரை மூடி 3 விசில் விட்டு இறக்கிக் கொள்ள வேண்டும்.
* பின்னர் ஒரு பாத்திரத்தில் வெங்காயம், தக்காளி, முந்திரி மற்றும் சிறிது நீரை ஊற்றி அடுப்பில் வைத்து, பாத்திரத்தை மூடி 10 நிமிடம் வேக வைத்து இறக்கி குளிர வைக்க வேண்டும்.
* பின்பு மிக்சர் ஜாரில் வெங்காயம், தக்காளி, முந்திரியை சேர்த்து நன்கு மென்மையாக அரைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும் சீரகத்தை சேர்த்து தாளிக்க வேண்டும்.
* பின் அதில் அரைத்த மசாலாவை சேர்த்து சிறிது நீரை ஊற்றி, கெட்டியாகி எண்ணெய் பிரியும் வரை கொதிக்க வைக்க வேண்டும்.
* பின்னர் அதில் உப்பு, மஞ்சள் தூள் மற்றும் மிளகாய் தூள் சேர்த்து நன்கு கிளறி விட வேண்டும்.
* பின்பு வேக வைத்துள்ள காய்கறிகளை நீருடன் சேர்த்து கிளறி, 8-10 நிமிடம் குறைவான தீயில் கொதிக்க வைக்க வேண்டும். அதன் பின் பன்னீர் துண்டுகளை சேர்த்து 2-3 நிமிடம் கொதிக்க வைக்க வேண்டும்.
* இறுதியாக அதன் மேல் கரம் மசாலா மற்றும் கொத்தமல்லியைத் தூவி கிளறி இறக்கினால், முந்திரி வெஜிடேபிள் குருமா தயார்.
Image Courtesy: yummytummyaarthi