Just In
- 6 min ago April Horoscope 2024: ஏப்ரல் மாதம் இந்த ராசிக்காரர்களுக்கு பண மழை பொழியப் போகுது...
- 1 hr ago 150 ஆண்டுகளுக்கு முன்னாடியே இந்தியாவின் முதல் செல்பியை தனது மனைவியுடன் எடுத்தது இந்த ராஜாதானாம்..போட்டோ உள்ளே!
- 2 hrs ago ஒரு டைம் காளானை வாங்கி இப்படி ட்ரை பண்ணுங்க.. டேஸ்ட் சும்மா அள்ளும்...
- 4 hrs ago ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
Don't Miss
- Movies குழந்தை இருந்தாலும் பரவாயில்லை..மீனாவை திருமணம் செய்ய தயார்.. புயலை கிளப்பிய யூட்யூபர்
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
- Technology ரூ.17,000 பட்ஜெட்ல பரபரப்பு! 70W சார்ஜிங், 6000mAh பேட்டரி, 24GB ரேம், 1TB மெமரி, 5G ஆதரவு.. ஏப்.4 முதல் SALE!
- News தேனி அருகே ஒரு குடும்பத்தைச் சேர்ந்த 3 பேர் அடுத்தடுத்து உயிரிழப்பு.. போலீசார் தீவிர விசாரணை
- Sports ரூ.8.4 கோடியை மறந்துவிடு.. உன்னோட வேலை அதுமட்டும் தான்.. தோனியின் வார்த்தை குறித்து சிஎஸ்கே சிங்கம்!
- Automobiles இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
முட்டைக்கோஸ் கடலைப்பருப்பு கூட்டு
முட்டைக்கோஸைக் கொண்டு கடலைப்பருப்புடன் சேர்த்து கூட்டு செய்தால், இன்னும் சுவையாக இருக்கும். இந்த முட்டைக்கோஸ் கடலைப்பருப்பு கூட்டு சாம்பார் சாதத்துடன் மட்டுமின்றி, சப்பாத்திக்கு ஒரு நல்ல சைடு டிஷ்ஷாகவும் இருக்கும்.
ஆரோக்கியமான உடலுக்கு காய்கறிகளை அதிகம் உட்கொள்ள வேண்டும். காய்கறிகளில் அத்தியாவசிய சத்துக்கள் இருப்பதோடு, கொழுப்புக்கள் அதிகம் இருக்காது. அப்படிப்பட்ட ஒரு சுவையான மற்றும் ஏராளமான நன்மைகளை வழங்கும் காய்கறி தான் முட்டைக்கோஸ். இந்த முட்டைக்கோஸை பச்சையாகவே சாப்பிடலாம். ஆனால் இந்த முட்டைக்கோஸைக் கொண்டு கடலைப்பருப்புடன் சேர்த்து கூட்டு செய்தால், இன்னும் சுவையாக இருக்கும். இந்த முட்டைக்கோஸ் கடலைப்பருப்பு கூட்டு சாம்பார் சாதத்துடன் மட்டுமின்றி, சப்பாத்திக்கு ஒரு நல்ல சைடு டிஷ்ஷாகவும் இருக்கும்.
முட்டைக்கோஸ் சாப்பிடுவதால் என்னென்ன நன்மைகள் கிடைக்கும் தெரியுமா? முட்டைக்கோஸை அடிக்கடி உணவில் சேர்க்கும் போது, புற்றுநோயின் அபாயம் குறையும், எடை இழப்பிற்கு உதவும், மூளையின் ஆரோக்கியம் மேம்படும், செரிமானத்திற்கு நல்லது, எலும்புகளுக்கு நல்லது மற்றும் இரத்த அழுத்தத்தை சீராக்க உதவும்.
சரி, உங்களுக்கு முட்டைக்கோஸ் கடலைப்பருப்பு கூட்டு எப்படி செய்வதென்று தெரிந்து கொள்ள வேண்டுமா? கீழே முட்டைக்கோஸ் கடலைப்பருப்பு கூட்டு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* மீடியம் சைஸ் முட்டைக்கோஸ் - 1 (நறுக்கியது)
* கடலைப்பருப்பு - 1/2 கப்
* துருவிய தேங்காய் - 1/2 கப்
* வெங்காயம் - 1 (பொடியாக நறுக்கியது)
* பூண்டு - 5-6 பல் (பொடியாக நறுக்கியது அல்லது தட்டியது)
* கறிவேப்பிலை - சிறிது
* பச்சை மிளகாய் - 1 (நறுக்கியது)
* சீரகம் - 1 டீஸ்பூன்
* கடுகு - 1 டீஸ்பூன்
* மஞ்சள் தூள் - 1/2 டீஸ்பூன்
* மிளகாய் தூள் - 1/2 டீஸ்பூன்
* எண்ணெய் - 3 டேபிள் ஸ்பூன்
* பெருங்காயத் தூள் - 1 சிட்டிகை
* கொத்தமல்லி - சிறிது
* உப்பு - சுவைக்கேற்ப
செய்முறை:
* முதலில் கடலைப்பருப்பை நீரில் கழுவிக் கொள்ள வேண்டும். பின் அதை நீரில் போட்டு 1 மணிநேரம் ஊற வைக்க வேண்டும்.
* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, சீரகம், பெருங்காயத் தூள் சேர்த்து தாளிக்க வேண்டும்.
* பின்பு அதில் வெங்காயத்தைப் போட்டு நன்கு வதக்க வேண்டும். பின் அதில் பூண்டு, கறிவேப்பிலை, பச்சை மிளகாய் சேர்த்து 2 நிமிடம் வதக்க வேண்டும்.
* அடுத்து அதில் நறுக்கிய முட்டைக்கோஸ், ஊற வைத்த கடலைப் பருப்பு சேர்த்து ஒரு நிமிடம் வதக்க வேண்டும்.
* பின் அதில் மஞ்சள் தூள் மற்றும் மிளகாய் தூள் சேர்த்து, சுவைக்கேற்ப உப்பு தூவி நன்கு கிளறி, 1/2 கப் நீரை ஊற்றி மூடி வைத்து, 10-15 நிமிடம் முட்டைக்கோஸை நன்கு வேக வைக்க வேண்டும்.
* முட்டைக்கோஸ் வெந்ததும், துருவிய தேங்காயை சேர்த்து கிளறி, கொத்தமல்லியைத் தூவி இறக்கினால், சுவையான முட்டைக்கோஸ் கடலைப்பருப்பு கூட்டு தயார்.
Image Courtesy: vegrecipesofindia