இட்லி, சப்பாத்திக்கு அட்டகாசமாக இருக்கும்... கத்திரிக்காய் தொக்கு

அலுவலகம் முடிந்து வீட்டிற்கு போனதும் நைட் என்ன டின்னர் செய்வது என்று யோசித்துக் கொண்டிருக்கிறீர்களா? உங்கள் வீட்டில் கத்திரிக்காய் உள்ளதா? அப்படியானால் அந்த கத்திரிக்காய் கொண்டு தொக்கு செய்யுங்கள். இந்த கத்திரிக்காய் தொக்கு சப்பாத்தி, இட்லி, சாதம் போன்றவற்றுடன் சேர்த்து சாப்பிட அற்புதமாக இருக்கும். மேலும் இந்த கத்திரிக்காய் தொக்கு செய்வது மிகவும் சுலபம். பேச்சுலர்கள் கூட இந்த கத்திரிக்காய் தொக்கு செய்யலாம். இந்த கத்திரிக்காய் தொக்கு சற்று இனிப்பாக இருப்பதால், குழந்தைகளும் விரும்பி சாப்பிடும் வகையில் இருக்கும்.

கத்திரிக்காயை அடிக்கடி உணவில் சேர்க்கும் போது இதயம் ஆரோக்கியமாக இருக்கும், புற்றுநோயின் அபாயம் குறையும், செரிமானம் மேம்படும், எடை இழப்பிற்கு உதவும், எலும்புகளின் ஆரோக்கியம் மேம்படும், இரத்த சோகை சரியாகும். இவ்வளவு நன்மைகளைக் கொண்ட கத்திரிக்காயை நீங்கள் அடிக்கடி சாப்பிடமாட்டீர்கள் என்றால், இனிமேலாவது சாப்பிடுங்கள்.

உங்களுக்கு கத்திரிக்காய் கொண்டு எப்படி தொக்கு செய்வதென்று தெரிந்து கொள்ள வேண்டுமா? கீழே கத்திரிக்காய் தொக்கு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* எண்ணெய் - 3 டேபிள் ஸ்பூன்

* வெங்காயம் - 1 (பொடியாக நறுக்கியது)

* தக்காளி - 2 (பொடியாக நறுக்கியது)

* கறிவேப்பிலை - சிறிது

* கத்திரிக்காய் - 2 ( பொடியாக நறுக்கியது)

* உப்பு - சுவைக்கேற்ப

* மஞ்சள் தூள் - 1 டீஸ்பூன்

* மிளகாய் தூள் - 2 டீஸ்பூன்

* புளிச்சாறு - 3 டேபிள் ஸ்பூன்

* தண்ணீர் - 2 கப்

* வெல்லம் - 2 டேபிள் ஸ்பூன்

செய்முறை:

* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடேற்ற வேண்டும்.

* எண்ணெய் சூடானதும், வெங்காயம், கறிவேப்பிலை சேர்த்து பொன்னிறமாக வதக்க வேண்டும்.

* பின் தக்காளியை சேர்த்து சிறிது உப்பு தூவி மென்மையாகும் வரை வதக்க வேண்டும்.

* அடுத்து அதில் கத்திரிக்காயை சேர்த்து நன்கு கிளறி விட வேண்டும்.

* பின்பு உப்பு, மிளகாய் தூள், மஞ்சள் தூள் சேர்த்து நன்கு கிளறி விட வேண்டும்.

* பிறகு அதில் புளிச்சாற்றினை ஊற்றி, கத்திரிக்காயை நன்கு வேக வைக்க வேண்டும்.

* கத்திரிக்காய் நன்கு மென்மையாக வெந்ததும், அதில் வெல்லத்தை சேர்த்து நன்கு கிளறி, இறக்கினால், சுவையான கத்திரிக்காய் தொக்கு தயார்.

Image Courtesy: yummytummyaarthi