கத்திரிக்காய் தவா ரோஸ்ட்

உங்கள் வீட்டில் கத்திரிக்காய் அதிகம் உள்ளதா? அதைக் கொண்டு ஒரு ருசியான மற்றும் ஈஸியான சைடு டிஷ் செய்ய வேண்டுமா? அப்படியானால் கத்திரிக்காய் தவா ரோஸ்ட் செய்யுங்கள். இந்த கத்திரிக்காய் தவா ரோஸ்ட் சாம்பார் சாதம், தயிர் சாதம் போன்றவற்றுடன் சேர்த்து சாப்பிட அற்புதமாக இருக்கும். மேலும் இது குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் சுவையாக இருக்கும்.

உங்களுக்கு கத்திரிக்காய் தவா ரோஸ்ட் எப்படி செய்வதென்று தெரிந்து கொள்ள வேண்டுமா? கீழே கத்திரிக்காய் தவா ரோஸ்ட் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* எண்ணெய் - 4 டேபிள் ஸ்பூன்

* பெரிய வெங்காயம் - 1 (பொடியாக நறுக்கியது)

* தக்காளி - 2 (பொடியாக நறுக்கியது)

* இஞ்சி பூண்டு பேஸ்ட் - 1 டேபிள் ஸ்பூன்

* மஞ்சள் தூள் - 1 டீஸ்பூன்

* உப்பு - சுவைக்கேற்ப

* கத்திரிக்காய் - 4 (நறுக்கியது)

* பாவ் பாஜி மசாலா - 2-3 டேபிள் ஸ்பூன்

செய்முறை:

* முதலில் ஒரு தவாவை அடுப்பில் வைத்து, அதில் எண்ணெய் ஊற்றி சூடானதும், வெங்காயம், தக்காளி, இஞ்சி பூண்டு பேஸ்ட் சேர்த்து நன்கு 2-3 நிமிடம் வதக்க வேண்டும்.

* பின்னர் அதில் கத்திரிக்காய், உப்பு, மஞ்சள் தூள் சேர்த்து நன்கு கிளறி விட வேண்டும்.

* பின்பு மூடி வைத்து கத்திரிக்காயை வேக வைக்க வேண்டும்.

* கத்திரிக்காய் நன்கு வெந்ததும், அதில் பாவ் பாஜி மசாலாவை சேர்த்து நன்கு சில நிமிடங்கள் கிளறி இறக்கினால், சுவையான கத்திரிக்காய் தவா ரோஸ்ட் தயார்.

Image Courtesy: yummytummyaarthi