For Quick Alerts
ALLOW NOTIFICATIONS  
For Daily Alerts

சப்பாத்திக்கு அட்டகாசமாக இருக்கும்.. கத்திரிக்காய் மசாலா

இதுவரை முயற்சிக்காத ஒரு சைடு டிஷ்ஷை சப்பாத்திக்கு செய்து சாப்பிட விரும்புகிறீர்களா? உங்கள் வீட்டில் கத்திரிக்காய் உள்ளதா? அப்படியானால் அதைக் கொண்டே ஒரு அசத்தலான கத்திரிக்காய் மசாலாவை செய்து சாப்பிடுங்கள்.

Posted By:
|

இன்று இரவு உங்கள் வீட்டில் சப்பாத்தி செய்ய திட்டமிட்டுள்ளீர்களா? அதற்கு சைடு டிஷ் என்ன செய்வதென்று யோசித்துக் கொண்டிருக்கிறீர்களா? சப்பாத்திக்கு எப்போதும் ஒரே மாதிரியான சைடு டிஷ் செய்து சாப்பிட்டு போரடித்துவிட்டதா? இன்று சற்று வித்தியாசமாக, இதுவரை முயற்சிக்காத ஒரு சைடு டிஷ்ஷை சப்பாத்திக்கு செய்து சாப்பிட விரும்புகிறீர்களா? உங்கள் வீட்டில் கத்திரிக்காய் உள்ளதா? அப்படியானால் அதைக் கொண்டே ஒரு அசத்தலான கத்திரிக்காய் மசாலாவை செய்து சாப்பிடுங்கள். இந்த மசாலா செய்வது மிகவும் சுலபம். மேலும் பேச்சுலர்கள் செய்யும் வகையில் எளிமையான செய்முறையை கொண்டது.

Brinjal Masala Recipe In Tamil

உங்களுக்கு கத்திரிக்காய் மசாலா எப்படி செய்வதென்று தெரிந்து கொள்ள வேண்டுமா? கீழே கத்திரிக்காய் மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* கத்திரிக்காய் - 2 (நீளமாக நறுக்கியது)

* வெங்காயம் - 1 (நறுக்கியது)

* தக்காளி - 1 (நறுக்கியது)

* பச்சை மிளகாய் - 1 (நீளமாக கீறியது)

* புளிச்சாறு - 1 டேபிள் ஸ்பூன்

* சாம்பார் பவுடர் - 2 டீஸ்பூன்

* கரம் மசாலா - 1 டீஸ்பூன்

* மிளகாய் தூள் - 1 டீஸ்பூன்

* மல்லித் தூள் - 1 டேபிள் ஸ்பூன்

* இஞ்சி பூண்டு பேஸ்ட் - 1 டேபிள் ஸ்பூன்

* சர்க்கரை - 1 டீஸ்பூன்

* உப்பு - சுவைக்கேற்ப

தாளிப்பதற்கு...

* எண்ணெய் - 3 டேபிள் ஸ்பூன்

* பட்டை - 1 சிறிய துண்டு

* ஏலக்காய் - 2

* கிராம்பு - 2

* அன்னாசிப்பூ - 1

* பிரியாணி இலை - 2

செய்முறை:

* முதலில் ஒரு கடாயை அடுப்பில் வைத்து, அதில் எண்ணெய் ஊற்றி சூடானதும், பிரியாணி இலை, பட்டை, ஏலக்காய், கிராம்பு, அன்னாசிப்பூ சேர்த்து தாளிக்க வேண்டும்.

* பின் அதில் வெங்காயம், பச்சை மிளகாய் சேர்த்து நன்கு பொன்னிறமாக வதக்க வேண்டும்.

* அடுத்து அதில் இஞ்சி பூண்டு பேஸ்ட் சேர்த்து பச்சை வாசனை போக வதக்க வேண்டும்.

* பின்பு அதில் தக்காளியைப் போட்டு, உப்பு, சர்க்கரை, சாம்பார் பவுடர், கரம் மசாலா, மிளகாய் தூள், மல்லித் தூள் சேர்த்து கிளறி, தக்காளி நன்கு மென்மையாக வேகும் வரை வதக்க வேண்டும்.

* பின் அதில் கத்திரிக்காயை சேர்த்து, புளிச்சாற்றினை ஊற்றி கிளறி, மூடி வைத்து 2 நிமிடம் வேக வைக்க வேண்டும்.

* பிறகு அதில் 1 கப் நீரை ஊற்றி கிளறி, மிதமான தீயில் வைத்து 8 நிமிடம் வேக வைத்து இறக்கி, மேலே கொத்தமல்லியைத் தூவினால், சுவையான கத்திரிக்காய் மசாலா தயார்.

Image Courtesy

[ of 5 - Users]
English summary

Brinjal Masala Recipe In Tamil

Want to know how to make a brinjal masala recipe for chapati at home? Take a look and give it a try...
Story first published: Thursday, January 19, 2023, 14:52 [IST]
Desktop Bottom Promotion