For Quick Alerts
ALLOW NOTIFICATIONS  
For Daily Alerts

வெண்டைக்காய் முந்திரி பொரியல்

வெண்டைக்காயை கொண்டு சாம்பார், புளிக்குழம்பு, பொரியல் என்று பல சமையலை சமைக்கலாம். அதுவும் வெண்டைக்காய் மற்றும் முந்திரி கொண்டு பொரியல் செய்தால், இன்னும் அட்டகாசமாக இருக்கும்.

Posted By:
|

வெண்டைக்காய் மிகவும் ஆரோக்கியமான சத்துக்கள் அதிகம் நிறைந்த காய்கறி. குறிப்பாக இது சர்க்கரை நோயாளிகளுக்கு நன்மை அளிக்கக்கூடியது. வெண்டைக்காயை அடிக்கடி உணவில் சேர்த்து வந்தால், உடலுக்கு தேவையான சத்துக்கள் கிடைத்து உடல் ஆரோக்கியமாக இருக்கும். இந்த வெண்டைக்காயை கொண்டு சாம்பார், புளிக்குழம்பு, பொரியல் என்று பல சமையலை சமைக்கலாம். அதுவும் வெண்டைக்காய் மற்றும் முந்திரி கொண்டு பொரியல் செய்தால், இன்னும் அட்டகாசமாக இருக்கும்.

Bhindi Cashews Poriyal Recipe In Tamil

கீழே வெண்டைக்காய் முந்திரி பொரியலை எப்படி செய்வதென்று கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* வெண்டைக்காய் - 1/2 கிலோ

* பூண்டு - 4

* முந்திரி - 8

* துருவிய தேங்காய் - 1 1/2 டேபிள் ஸ்பூன்

* கறிவேப்பிலை - சிறிது

* மிளகாய் தூள் - 2 டீஸ்பூன்

* கடுகு - 1/2 டீஸ்பூன்

* சீரகம் - 1/2 டீஸ்பூன்

* கடலைப் பருப்பு - 1/2 டீஸ்பூன்

* வரமிளகாய் - 1

* எண்ணெய் - 1 1/2 டேபிள் ஸ்பூன்

செய்முறை:

* முதலில் வெண்டைக்காயை நன்கு கழுவி, துணியால் துடைத்துவிட்டு, பின் சிறு துண்டுகளாக நறுக்கிக் கொள்ள வேண்டும்.

* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, சீரகம், கடலைப் பருப்பு, வரமிளகாய் மற்றும் பூண்டு சேர்த்து தாளிக்க வேண்டும்.

* பின்பு அதில் முந்திரியைப் போட்டு, பொன்னிறமாக மாறும் வரை வதக்கியதும், வெண்டைக்காயைச் சேர்த்து வதக்கவும்.

* பிறகு அதில் மஞ்சள் தூள், மிளகாய் தூள் உப்பு மற்றும் கறிவேப்பிலை சேர்த்து, வெண்டைக்காய் நன்கு சுருங்கி வேகும் வரை வதக்கவும்.

* வெண்டைக்காய் நன்கு வெந்ததும், இறுதியில் அதில் துருவிய தேங்காயை சேர்த்து பிரட்டி இறக்கினால், சுவையான வெண்டைக்காய் முந்திரி பொரியல் தயார்.

Image Courtesy: archanaskitchen

[ of 5 - Users]
English summary

Bhindi Cashews Poriyal Recipe In Tamil

Want to know how to make bhindi with cashews and coconut poriyal or sabzi at home? Take a look and give it a try...
Story first published: Thursday, March 4, 2021, 14:13 [IST]
Desktop Bottom Promotion