For Quick Alerts
ALLOW NOTIFICATIONS  
For Daily Alerts

பாதாம் சிக்கன்

இந்த வார விடுமுறையில் சிக்கனைக் கொண்டு என்ன சமைக்கலாம் என்று யோசித்துக் கொண்டிருக்கிறீர்களா? அப்படியானால் பாதாம் சிக்கன் செய்து சாப்பிடுங்கள்.

Posted By:
|

நீங்கள் சிக்கன் பிரியரா? விடுமுறை நாட்களில் சிக்கனை பலவாறு சமைத்து சாப்பிட விரும்புவீர்களா? இந்த வார விடுமுறையில் சிக்கனைக் கொண்டு என்ன சமைக்கலாம் என்று யோசித்துக் கொண்டிருக்கிறீர்களா? அப்படியானால் பாதாம் சிக்கன் செய்து சாப்பிடுங்கள். இந்த பாதாம் சிக்கன் சப்பாத்தி, பூரி, புலாவ், பரோட்டா போன்றவற்றுடன் சேர்த்து சாப்பிட அற்புதமாக இருக்கும்.

Almond Chicken Recipe In Tamil

உங்களுக்கு பாதாம் சிக்கன் எப்படி செய்வதென்று தெரிந்து கொள்ள வேண்டுமா? கீழே பாதாம் சிக்கன் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* சிக்கன் - 1/2 கிலோ

* தயிர் - 1/2 கப்

* பாதாம் - 15

* முந்திரி - 10

* பச்சை மிளகாய் - 3

* வெங்காயம் - 2 (பொடியாக நறுக்கியது)

* இஞ்சி பூண்டு பேஸ்ட் - 1 டேபிள் ஸ்பூன்

* பட்டை - 1 துண்டு

* கிராம்பு - 3

* ஏலக்காய் - 2

* சோம்பு - 1 டீஸ்பூன்

* பிரஷ் க்ரீம்/தேங்காய் பால் - 1/2 கப்

* மிளகுத் தூள் - 1 டீஸ்பூன்

* கரம் மசாலா தூள் - 1 டேபிள் ஸ்பூன்

* உப்பு - சுவைக்கேற்ப

* கொத்தமல்லி - சிறிது

செய்முறை:

* முதலில் பாதாம், முந்திரி மற்றும் பச்சை மிளகாயை நீரில் 5-10 நிமிடம் ஊற வைத்து, பின் அதை நன்கு மென்மையாக அரைத்து பேஸ்ட் செய்து தனியாக வைத்துக் கொள்ள வேண்டும்.

* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, ஏலக்காய் மற்றும் சோம்பு சேர்த்து தாளிக்க வேண்டும்.

* பின்பு அதில் வெங்காயத்தை சேர்த்து சிறிது நேரம் வதக்கி, பின் இஞ்சி பூண்டு பேஸ்ட் சேர்த்து நன்கு வதக்க வேண்டும்.

* பிறகு அதில் அரைத்த முந்திரி பாதாம் விழுது, கரம் மசாலா தூள் சேர்த்து கிளறி, அதன் பின் 1/4 கப் நீரை ஊற்றி குறைவான தீயில் 10 நிமிடம் நன்கு கொதிக்க வைக்க வேண்டும்.

* அதன் பின்னர் சிக்கன் துண்டுகள் மற்றும் தயிர் சேர்த்து 5 நிமிடம் நன்கு வேக வைக்க வேண்டும்.

* பின்பு பிரஷ் க்ரீம்/தேங்கால் பால், சுவைக்கேற்ப உப்பு, தேவையான அளவு நீர், மிளகுத் தூள் சேர்த்து கிளறி, சிக்கனை நன்கு வேக வைக்க வேண்டும். சிக்கன் நன்கு வெந்ததும், அதை இறக்கி, மேலே கொத்தமல்லியைத் தூவினால், பாதாம் சிக்கன் தயார்.

Image Courtesy: simpleindianrecipes

[ of 5 - Users]
English summary

Almond Chicken Recipe In Tamil

Want to know how to make a almond chicken recipe at home? Take a look and give it a try...
Story first published: Saturday, August 13, 2022, 21:23 [IST]
Desktop Bottom Promotion