For Quick Alerts
ALLOW NOTIFICATIONS  
For Daily Alerts

கர்ப்ப காலத்தில் பீட்ரூட் சாப்பிடுவதால் கிடைக்கும் நன்மைகள்!

|

கர்ப்பமாக இருப்பது மிகவும் ஆச்சரியமான அனுபவம்! இந்த காலகட்டத்தில் கவலைப்பட நிறைய விஷயங்கள் இருக்கிறது மற்றும் கவலைகளில் மிகவும் பொதுவான ஒன்று கடைப்பிடிக்க வேண்டிய உணவு. எல்லாவற்றிற்கும் மேலாக, இந்த 9 மாதங்கள் எதிர்காலத்தில் குழந்தையின் ஆரோக்கியத்தை நிர்ணயிக்கும் வலிமையைக் கொண்டிருக்கின்றன. எல்லா விஷயத்திலும் எச்சரிக்கை மற்றும் கவனிப்பு மிகவும் அவசியம். உங்கள் ஊட்டச்சத்து விளக்கப்படத்தில் ஒரு பெரிய பங்கைச் சேர்க்கக்கூடிய பரிந்துரை இங்கே உள்ளது - அவை பீட்ரூட்! ஆம், கர்ப்ப காலத்தில் பீட்ரூட் ஏன் பாதுகாப்பானது என்பதை இந்தப் பதிவின் மூலம் அறிந்து கொள்ளுங்கள்.

5 Benefits Of Beetroots (Chukandar) During Pregnancy

இந்த சிவப்பு காய்கறி ஊட்டச்சத்து சக்திகளால் நிறைந்துள்ளது, இது கர்ப்ப காலத்தில் பெண்களின் ஆரோக்கியத்தில் நிறைய மாற்றங்களை ஏற்படுத்தும். இந்தி மொழியில் "சுகந்தர்" என்று அழைக்கப்படும் பீட்ரூட்டை பலரும் 'சூப்பர் உணவு' என்று அழைத்தனர். இதற்குக் காரணம் பீட்ரூட்டில் உள்ள பல்வேறு ஆரோக்கிய நன்மைகள்.

பீட்ரூட் கர்ப்பத்திற்கு நல்லதா? பல டயட்டீஷியன்கள், கிட்டத்தட்ட எல்லா இடங்களிலும், கர்ப்பிணிப் பெண்களுக்கான தினசரி உணவுத் திட்டத்தில் ஒரு குறிப்பிட்ட அளவு பீட்ரூட்டைச் சேர்க்க வேண்டும் என்று பரிந்துரைக்கின்றனர். கர்ப்ப காலத்தில், பீட்ரூட்டை சாலட்டாக எடுத்துக் கொள்ளலாம், அல்லது நீங்கள் அதை சுட்டு சாப்பிடலாம் அல்லது மற்ற பச்சை, இலை காய்கறிகளுடன் வேக வைத்து உட்கொள்ளலாம்.

கர்ப்ப காலத்தில் பீட்ரூட் சாப்பிடுவதால் கிடைக்கும் சில சிறந்த நன்மைகளை இங்கே பாருங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
இரும்புச்சத்தை அதிகரிக்கிறது

இரும்புச்சத்தை அதிகரிக்கிறது

எந்த நேரத்திலும் ஒவ்வொரு பெண்ணுக்கும் இரும்புச் சத்து மிகவும் அவசியம். குறிப்பாக கர்ப்ப காலத்தில், இது இன்னும் அவசியம். இரும்புச் சத்து இரத்தத்தின் ஹீமோகுளோபின் உள்ளடக்கத்தை மேம்படுத்த உதவுகிறது. இதனால், ஒரு கர்ப்பிணிப் பெண் உடலில் இரும்புச் சத்து அதிகரிப்பதற்காக பீட்ரூட் சாற்றை உட்கொள்ள அறிவுறுத்தப்படுகிறார். கர்ப்ப காலத்தில் பீட்ரூட் சாறு குடிப்பது ஒரு பெண்ணுக்கு இரத்த சோகை ஏற்படாமல் தடுக்கிறது.

வைட்டமின் “சி” உள்ளது

வைட்டமின் “சி” உள்ளது

பீட்ரூட்டில் வைட்டமின் "சி" உள்ளது. இந்த வைட்டமின் பீட்ரூட்டில் இருக்கும் இரும்பை உறிஞ்சுவதற்கு உடலுக்கு உதவுகிறது. கருவுற்றிருக்கும் தாய் தன்னுடைய கர்ப்ப காலம் முழுவதும் இந்த சாற்றை உட்கொண்டால், அவள் நிச்சயமாக ஆரோக்கியமான மற்றும் வலிமையான குழந்தையைப் பெற்றெடுக்க முடியும். ஆனால், அவ்வாறு செய்வதற்கு முன்பு, ஒருவர் தங்கள் மகப்பேறு மருத்துவரை அணுகி, அவரது ஆலோசனையின் படி வழிமுறைகளைப் பின்பற்ற வேண்டும் என்றும் பரிந்துரைக்கப்படுகிறது.

கல்லீரலின் ஆரோக்கியத்தை மேம்படுத்துகிறது

கல்லீரலின் ஆரோக்கியத்தை மேம்படுத்துகிறது

பீட்டாசியானின் எனப்படும் சத்தான நிறமி பீட்ரூட்டில் உள்ளது. இது கல்லீரல் மற்றும் இரத்தத்தில் உள்ள நச்சுகளை வெளியேற்ற உதவுகிறது. எனவே, பீட்ரூட் உடலில் இருந்து நச்சுகளை அகற்ற உதவுகிறது. அதாவது கொழுப்பு அமிலங்கள் உடலில் படியும் வாய்ப்பைப் பெறுவதில்லை. ஆரோக்கியமான கல்லீரல் என்பது செரிமான அமைப்பின் சரியான செயல்பாடு மற்றும் கர்ப்ப காலத்தில் ஒரு பொருத்தமான மற்றும் சிறந்த உடல் அமைப்பு இருப்பதை உறுதி செய்கிறது. கர்ப்ப காலத்தில் அதிக பெண்களின் எடை அதிகரிக்கிறது, எனவே பீட்ரூட்டை உட்கொள்வது இந்த போக்கை ஒரு குறிப்பிட்ட அளவிற்கு அடக்கும்.

ஃபோலிக் அமிலம் உள்ளது

ஃபோலிக் அமிலம் உள்ளது

இந்த காலகட்டத்தில் சரியான கரு வளர்ச்சி மிகவும் முக்கியமானது மற்றும் ஃபோலிக் அமிலம் இந்த வளர்ச்சிக்கு உதவுகிறது. பீட்ரூட், சமைக்கப்படாமல் அப்படியே பச்சையாக இருக்கும் போது, ஃபோலிக் அமிலத்தைக் கொண்டுள்ளது, இது கருவின் வளர்ச்சிக்கு உதவியாக இருக்கும். சிவப்பு இரத்த அணுக்கள் உருவாக்கத்திலும் இது உதவுகிறது.

கர்ப்ப காலத்தில் இரத்தத்தை சுத்திகரித்தல்

கர்ப்ப காலத்தில் இரத்தத்தை சுத்திகரித்தல்

இந்த சத்தான காய்கறி இரத்தத்தை சுத்திகரிக்கும் திறனைக் கொண்டுள்ளது. இது பிறப்பால் ஏற்படக்கூடிய குறைபாடுகளிலிருந்து குழந்தையைப் பாதுகாக்கிறது. பீட்ரூட் கர்ப்பிணிப் பெண்களின் உடல் சகிப்புத்தன்மையை அதிக அளவில் அதிகரிக்கிறது, இது பிரசவத்தின்போது தேவைப்படும் ஒரு கூடுதல் நன்மை ஆகும். இது கார்போஹைட்ரேட்டுகள், வைட்டமின்கள் ஏ மற்றும் பி, கரையக்கூடிய நார்ச்சத்து மற்றும் புரதங்களின் தொகுப்பாகும். மேலும் பீட்ரூட் இரத்த அழுத்தத்தைக் குறைக்க உதவுகிறது.

கர்ப்ப காலத்தில் பீட்ரூட் உட்கொள்வது எப்படி?

கர்ப்ப காலத்தில் பீட்ரூட் உட்கொள்வது எப்படி?

* பீட்ரூட்டை நறுக்கி மற்ற காய்கறிகளுடன் கலக்கலாம். இதை சாலட்டாக உண்ணலாம், இது கர்ப்பிணிப் பெண்களுக்கு பீட்ரூட் எடுத்துக் கொள்ள ஒரு நல்ல வழி.

* இதை சுட்ட மற்றும் பிற வறுத்த காய்கறிகளுடன் பரிமாறலாம்.

* வேக வைத்த பீட்ரூட் கர்ப்ப காலத்தில் ஒரு சிறந்த ஆரோக்கியமான சிற்றுண்டியாக வழங்கப்படலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

English summary

5 Benefits Of Beetroots (Chukandar) During Pregnancy

Want to know why beetroot during pregnancy is safe? Check out here some of the top benefits of eating beetroot in pregnancy.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more