கர்ப்பகாலத்தில் சீட் பெல்ட் அணிவது குழந்தையை பாதிக்குமா? பாதிக்காதா?

Subscribe to Boldsky

கர்ப்பமாய் இருக்கும் பெண்கள் இப்பொழுது மகிழ்ச்சியில் துள்ளிக்குதித்து கொண்டிருப்பீர்கள். ஆனால் நீங்கள் எந்த அளவிற்கு மகிழ்ச்சியாக இருக்குறீர்களோ அதே அளவு எச்சரிக்கையாகவும் இருக்க வேண்டும். ஏனெனில் நீங்கள் செய்யும் ஒவ்வொரு செயலும் உங்கள் குழந்தையின் மீது பிரதிபலிக்கும். இந்த சூழ்நிலையில் பெண்கள் மனதில் முக்கியமாக எழும் கேள்விகளில் ஒன்று கர்ப்பகாலத்தில் பயணத்தின்போது சீட் பெல்ட் அணியலாமா என்பதுதான்?

Wearing seat belt

இப்போதுள்ள காலகட்டத்தில் கார் வைத்திருப்பவர்கள் மட்டுமின்றி கார் இல்லாதவர்கள் கூட குறைவான வாடகையில் கிடைக்கும் தனியார் கார்களை உபயோகிக்க தொடங்கி விட்டனர். சாதராண ஆட்கள் காரில் பயணிக்கும் போது சீட் பெல்ட் அணிவது அவசியம். கர்ப்பிணி பெண்கள் காரில் பயணிக்கும்போது சீட் பெல்ட் அணிவது குழந்தையின் மீது அழுத்தத்தை ஏற்படுத்தும் என்ற பயம் உங்களுக்கு எழலாம். அந்த பயத்தை சமாளிப்பதற்கான தீர்வுதான் இது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
சீட் பெல்ட் அணியலாமா?

சீட் பெல்ட் அணியலாமா?

கர்ப்பிணி பெண்களாய் இருந்தாலும் காரில் பயணிக்கும் போது சீட் பெல்ட் அணியவேண்டியது அவசியமாகும். உங்களை மட்டுமின்றி உங்களை குழந்தையையும் பாதுகாக்க வேண்டிய தருணம் இது. எனவே விபத்துகளில் இருந்து உங்கள் குழந்தையை பாதுகாக்க சீட் பெல்ட் அணியுங்கள். கர்ப்பகாலத்தில் சீட் பெல்ட் அணிவது உங்களுக்கு அசௌகரியமாக இருக்கலாம், குழந்தைக்கு பாதிப்பை ஏற்படுத்துமா என்ற அச்சம் கூட இருக்கலாம். உண்மையாதெனில் சீட் பெல்ட்டை சரியாக போடும்போது அது வயிற்றின் மீது மிகக்குறைந்த அழுத்தத்தையே தரும்.

எவ்வாறு சீட் பெல்ட் அணிய வேண்டும்?

எவ்வாறு சீட் பெல்ட் அணிய வேண்டும்?

மற்ற நேரங்களை போல் அல்லாமல் கர்ப்பகாலத்தில் சிறிது எச்சரிக்கையாக சீட் பெல்ட்டை அணிய வேண்டும். அதுதான் உங்களுக்கும் உங்கள் குழந்தைக்கும் நல்லது. சீட் பெல்ட்டை நன்கு இழுத்து அதிக அழுத்தம் இல்லாதபடி தளர்வாக போடவும். பெல்டை உங்கள் வயிற்றுக்கு கீழே இருக்கும்படி பார்த்துக்கொள்ளவும். மேலும் பெல்ட்டின் பட்டையானது மார்புகளுக்கு இடையேயும், வயிற்றின் பக்கவாட்டிலும் இருக்கும்படி பார்த்துக்கொள்ளவும். ஒருவேளை நீங்கள் ஏர் பேக்கை பயன்படுத்தினால் முடிந்தளவு சீட்டை பின்னால் நகர்த்தி கொள்ளுங்கள்.

ஏர் பேக்கின் அவசியம்

ஏர் பேக்கின் அவசியம்

ஒருவேளை விபத்து நடந்தால் காரில் உள்ள ஏர் பேக் உங்களையும் உங்கள் குழந்தையையும் பாதுகாக்கும். சில பெண்கள் ஏர் பேக் குழந்தையை பாதிக்கும் என நினைத்து ஏர் பேக் உபயோகிப்பதை தவிர்க்கிறார்கள், இது மிகவும் அபத்தமான ஒன்று. ஏர் பேக் உபயோகிப்பது உங்களையும், கருவில் இருக்கும் குழந்தையையும் எந்தவிதத்திலும் பாதிக்காது. சேதத்தை குறைக்க நன்றாக சீட்டிற்கு உட்புறம் அமர்வது நல்லது. ஒருவேளை நீங்கள் காரை ஒட்டாவிட்டால் காரின் பின்புறம் அமர்ந்து கொள்வது மேலும் சிறந்தது. ஒருவேளை விபத்தை சந்திக்க நேர்ந்தால் உங்களுக்கு அடிபடாவிட்டாலும் உடனடியாக மருத்துவரை அணுக வேண்டும். குறிப்பாக தரமான சீட் பெல்ட்களையே உபயோகிக்க வேண்டும்.

எவ்வாறு வசதியாக உணர்வது?

எவ்வாறு வசதியாக உணர்வது?

கர்ப்பகாலத்தில் நீண்ட நேரம் சீட் பெல்ட் அணிவது சிரமமாக இருக்கலாம். ஒவ்வொரு தொன்னூறு நிமிடங்களுக்கு சிறிது நேரம் காரை நிறுத்தி ஆசுவாசபடுத்திக் கொள்ளவும். இல்லையனில் தசைப்பிடிப்பு, கணுக்கால் வீக்கம் போன்றவை ஏற்படலாம். முதுகு வலியை தவிர்க்க பின்புறம் மென்மையான தலையணைகளை வைத்துக்கொள்ளலாம். இருவர் மட்டும் செல்லும் பயணமென்றால் காரின் பின்புறம் நன்கு வசதியாக அமர்ந்து கொள்ளலாம்.

எச்சரிக்கை

எச்சரிக்கை

சிறிது தூர பயணமே என்றாலும் சீட் பெல்ட் அணிவதை தவிர்க்கக்கூடாது. உங்கள் குழந்தை எந்தவித பாதிப்புமின்றி உங்களுக்கு கிடைக்க வேண்டுமானால் எந்தவிதத்திலும் அலட்சியமாய் இருக்கக்கூடாது. சீட் பெல்ட் அணிவது பயணம் குறித்த பயத்தை உங்களுக்குள் குறைக்கும். ஒருவேளை சீட் பெல்ட் அணிவதால் உங்களுக்கு ஏதேனும் தீவிர அசௌகரியம் ஏற்பட்டால் உங்கள் மகப்பேறு மருத்துவரிடம் உடனடியாக தெரிவிக்கவும்.

எப்போதெல்லாம் அணியதேவையில்லை.?

எப்போதெல்லாம் அணியதேவையில்லை.?

காரை பின்னோக்கி ஓட்டும்போதும், கார் இயக்கத்தில் இல்லாமல் நிற்கும் போதும் சீட் பெல்ட் அணிய தேவையில்லை. ஒருவேளை உங்களது ஆரோக்கியத்தை கருத்தில் கொண்டு உங்கள் மகப்பேறு மருத்துவர் சீட் பெல்ட் அணிய தேவையில்லை என்ற சான்றிதழ் கொடுத்திருந்தால் சீட் பெல்ட் அணிய வேண்டாம். அப்படிப்பட்ட சூழ்நிலையில் காரின் முன்பும் உட்காராமல் பின்புறம் உட்கார்ந்து கொள்வது புத்திசாலித்தனமானது.

பாதிப்புகள்

பாதிப்புகள்

கர்ப்பகால விபத்துகள் பல மோசமான விளைவுகளை ஏற்படுத்தக்கூடும். உதாரணத்திற்கு நஞ்சுக்கொடி விலகல், அதாவது பிரசவத்திற்கு முன்னரே நஞ்சுக்கொடி கருப்பையை விட்டு விலகிவிடும், இதனால் குழந்தைக்கு கிடைக்கும் ஆக்சிஜன் தடைபடும். கருச்சிதைவு, இது மிகவும் மோசமான ஒரு நிகழ்வு ஆகும். ஒருவேளை வயிற்றில் இருக்கும் குழந்தை 5 மாதங்களுக்கு குறைவான குழந்தை என்றால் குழந்தையை மட்டும் பாதிக்கும் அதுவே 5 மாதங்களுக்கு அதிகமான குழந்தை என்றால் அம்மாவையும் சேர்த்து பாதிக்கும். எனவே இதுபோன்ற சம்பவங்கள் நடக்க வாய்ப்பு கொடுக்காமல் பயணத்தின்போது எச்சரிக்கையாய் இருங்கள். குறிப்பாக சீட் பெல்ட் அணிய மறந்துவிடாதீர்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
For Quick Alerts
ALLOW NOTIFICATIONS
For Daily Alerts

    English summary

    Is is safe to wear a seat belt during pregnancy?

    As your baby bump starts growing, you are sure to have various health and safety related questions. One such question you may have about safety is whether it is safe to wear a seat belt while pregnant. The answer for this question is YES. It is safe to wear a seat belt during pregnancy.
    Story first published: Friday, July 27, 2018, 19:00 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more