கர்ப்பிணிகள் பாஸ்தா சாப்பிடுவது நல்லதா.. கெட்டதா..?

பதப்படுத்தப்பட்ட உணவுகள்

பொதுவாக பதப்படுத்தப்பட்ட உணவுகளை கர்ப்பிணிகள் சாப்பிடக்கூடாது. அத்தகைய பதப்படுத்தப்பட்ட உணவுகளில் ஒன்று தான் பாஸ்தா. இருப்பினும் இதை அளவாக ஆரோக்கியமான முறையில் சமைத்து சாப்பிடலாம்.

பைடேட்ஸ் மற்றும் லெக்டின்ஸ்

பாஸ்தாவில் ஜிங்க் மற்றும் மக்னீசியத்தை உடலானது உறிஞ்சுவதைத் தடுக்கும் பொருளான பைடேட்ஸ் உள்ளது. அதுமட்டுமின்றி, அதில் ஜங்க் உணவுகளில் உள்ள பொருட்கள் இரத்தத்தில் எளிதில் கலக்குமாறான லெக்டின்ஸ் என்னும் பொருளும் உள்ளது. அதற்காக இது முழுவதும் ஆரோக்கியமற்றதாக, அறவே தவிர்க்க வேண்டும் என்றெல்லாம் இல்லை. கர்ப்பிணிகள் ஆசைப்பட்டால், அளவாக ஒருமுறை மட்டும் சாப்பிடலாம்.

தீங்கு விளைவிக்கும் பாக்டீரியாவின் வளர்ச்சிக்கு உதவும்

பாஸ்தாவானது உடலில் தீங்கு விளைவிக்கும் பாக்டீரியாவின் வளர்ச்சிக்கு உதவியாக இருக்கும். எனவே இதனை தினமும் உட்கொள்வதை தவிர்க்க வேண்டும். மேலும் இதனை சமைக்கும் போது, அத்துடன் காய்கறிகளையும் சேர்த்துக் கொள்ள வேண்டும்.

இரத்த அழுத்தம்

இரத்த அழுத்தமானது சீராக உள்ளவர்கள், பாஸ்தாவை அளவாக சாப்பிடலாம். ஆனால் உயர் இரத்த அழுத்தம் உள்ளவர்கள், இதனை தொடவே கூடாது.

க்ளுட்டன் சகிப்புத்தன்மையின்மை

பாஸ்தாவில் க்ளுட்டன் அதிக அளவில் உள்ளது. ஆகவே க்ளுட்டன் சகிப்புத்தன்மையின்மை உள்ளவர்கள், இதனை தொடவே கூடாது. குறிப்பாக கர்ப்ப காலத்தில் சாப்பிடக்கூடாது.

உடல் பருமன்

பாஸ்தா மிகவும் பிடிக்குமானால், இதனை கர்ப்ப காலத்தில் அளவாக சாப்பிடுங்கள். இல்லாவிட்டால், உடல் எடையானது அதிகரித்து, பின் கடுமையான பிரச்சனைகளை சந்திக்கக்கூடும்.

அதிகமான இன்சுலின்

பாஸ்தா சாப்பிட்டால் இரத்தத்தில் உள்ள சர்க்கரையின் அளவுடன், இன்சுலின் அளவும் அதிகரிக்க ஆரம்பித்துவிடும். எனவே கர்ப்ப காலத்தில் அளவாக சாப்பிடுங்கள். இதனால் பாஸ்தா சாப்பிடலாமா கூடாதா என்ற குழப்பம் வராது.

இரத்த சர்க்கரையின் அளவை அதிகரிக்கும்

பாஸ்தாவில் இரத்த சர்க்கரையின் அளவை அதிகரிக்கும் கார்போஹைட்ரேட் அதிகம் உள்ளது. எனவே நீரிழிவு உள்ளவர்கள், இதனை அறவே தவிர்க்க வேண்டும். இல்லாதவர்கள், இதனை மிகவும் அளவாக சாப்பிடுவது நல்லது.

வாய்வு பிரச்சனை

பாஸ்தாவில் நார்ச்சத்து குறைவாக இருப்பதால், இது வயிற்றில் வாய்வு பிரச்சனையை உண்டாக்கி, வாந்தி மற்றும் குமட்டலை ஏற்படுத்தும். ஆகவே பாஸ்தாவை அளவாக எடுத்துக் கொள்வது நல்லது.

அலர்ஜி

சிலருக்கு பாஸ்தாவினால் அலர்ஜி ஏற்படும். குறிப்பாக உடற்குழி நோய் உள்ளவர்களுக்கு அலர்ஜி ஏற்படும். எனவே எதிலும் அளவு தேவை.