பிரசவத்திற்கு பின் ஏற்படும் ஸ்ட்ரெட்ச் மார்க்குகளை மறைக்க சில வழிகள்!!!

கன்சீலர்

எப்படி முகத்தில் உள்ள பிம்பிள் தழும்புகளை மறைக்க கன்சீலரைப் பயன்படுத்துகிறோமோ, அதே கன்சீலர் கொண்டே ஸ்ட்ரெட்ச் மார்க்குகளையும் மறைக்கலாம். அதற்கு சரும நிறத்திற்கு ஏற்றவாறான கன்சீலரைத் தேர்ந்தெடுத்து பயன்படுத்த வேண்டும்.

டேனிங் லோசன்கள்

டேனிங் லோசன்களைப் பயன்படுத்தியும் ஸ்ட்ரெட்ச் மார்க்குகளை மறைக்கலாம். மேலும் தற்போது மார்கெட்டுகளில் நிறைய டேனிங் லோசன்கள் உள்ளன. லோசன் பயன்படுத்த பிடிக்காவிட்டால், டேனிங் லோசன்களாவது ஸ்ப்ரே வடிவிலும் கிடைக்கின்றன. எனவே இத்தகையவற்றைப் பயன்படுத்தியும் ஸ்ட்ரெட்ச் மார்க்குகளை மறைக்கலாம்.

டாட்டூ

மற்றொரு சிறந்த ஐடியா, ஸ்ட்ரெட்ச் மார்க் உள்ள இடத்தில் டாட்டூ போட்டுக் கொள்வது. இது தற்காலிகமாக இருந்தாலும் சரி, நிரந்தரமானதாக இருந்தாலும் சரி, இதனால் ஸ்ட்ரெட்ச் மார்க் மறைக்கப்படுவதோடு, ஸ்டைலாகவும் இருக்கும்.

நல்ல ஆடைகளை உடுத்தவும்

இருப்பதிலேயே எளிமையான வழி என்றால் இது தான். அது என்னவென்றால், நல்ல அழகான ஸ்ட்ரெட்ச் மார்க் வெளியே தெரியாவாறான ஆடைகளை தேர்ந்தெடுத்து உடுத்துவது.

தண்ணீர் குடிக்கவும்

சருமம் அழகாக இருக்க வேண்டுமானால், தண்ணீர் அதிகம் குடிக்க வேண்டும். இதனால் சருமம் பொலிவோடு இருப்பதுடன், ஸ்ட்ரெட்ச் மார்க்குகள் லேசாக மறையவும் ஆரம்பிக்கும். ஆகவே தினமும் குறைந்தது 8 டம்ளர் தண்ணீரை தவறாமல் குடிக்க வேண்டும்.

மசாஜ்

எண்ணெய்களைக் கொண்டு மசாஜ் செய்வதன் மூலமும், ஸ்ட்ரெட்ச் மார்க்குகளை மறைய வைக்கலாம். அதிலும் ஆலிவ் ஆயில் கொண்டு தினமும் தவறாமல் மசாஜ் செய்ய வேண்டும்.