லாக்டவுனில் குழந்தைகளை சமாளிக்க முடியலையா? இத ட்ரை பண்ணுங்க...

COVID-19 தொற்றால் நம் அலுவலகங்கள், பள்ளிகள், குழந்தைகளின் பொழுது போக்கு அம்சங்கள் என்று எல்லாமே முடங்கி விடப்பட்டுள்ளது. கொரோனா தனிமை, சமூக விலகல் பெரியவர்களையே தாக்கும் போது குழந்தைகள் மட்டும் இதற்கு விதிவிலக்கா என்ன? குழந்தைகளும் ஏகப்பட்ட மனச்சோர்வையும் மன அழுத்தத்தையும் சந்தித்து வருகிறார்கள். பட்டாம்பூச்சி போல சுற்றி சுற்றி வரும் குழந்தைகளை வீட்டிற்குள்ளேயே பிடித்து வைப்பது குழந்தைகளை விட பெற்றோர்களுக்கு பெரிய பிரச்சினையை உண்டாக்குகிறது. இதனால் என்னவோ குழந்தைகளும் உளவியல் ரீதியாக பாதிப்படைகின்றனர் என்று மருத்துவர்கள் கூறுகின்றனர்.

பள்ளிக்கு போக மாட்டேன் என்று அடம் பிடித்த குழந்தைகள் கூட எப்பமா பள்ளிகள் திறக்கும் என்று ஏங்க துவங்கி விட்டார்கள். அந்த அளவுக்கு கொரோனா உடல் ரீதியாக மட்டுமல்ல உணர்வு ரீதியாகவும் நம்மிடம் விளையாடி விட்டது. கொரோனா பற்றிய பயமும் மன அழுத்தமும் குழந்தைகளை படிப்பில் கவனம் செலுத்த முடியாமல் செய்து விடுகிறது.

MOST READ: குழந்தைகளை வளர்க்கும் விதத்திலேயே 4 விதமான பெற்றோர்கள் இருக்கிறார்களாம்... நீங்க எந்த வகை?

இதனால் குழந்தைகளின் அறிவாற்றல் செயல்பாடுகளும் பாதிப்படைந்து வருகின்றன. எனவே வீட்டில் இருக்கும் உங்க குழந்தைகளை எப்படி பிஸியாகவும் உற்சாகமாகவும் வைக்கலாம். அவர்களின் பொழுதை எப்படி ஜாலியாக போக்குவது, கொரோனா பற்றிய பயம், எரிச்சலை எப்படி களைவது, குழந்தைகளின் மனச்சோர்வை போக்கி குதூகலமாக்க பெற்றோர்களே இதோ உங்களுக்கான சிறந்த வழிகள்.