கர்ப்பிணி பெண்கள் இந்த காயை சாப்பிடுவது அவர்களுக்கு பல பிரச்சினைகளை உண்டாக்கும் தெரியுமா?

கத்தரிக்காய்

இந்தியாவில் எளிதில் கிடைக்கும் காய்கறிகளில் ஒன்று கத்தரிக்காய் ஆகும். எளிதாய் கிடைப்பதால்தான் என்னவோ இது அதிகளவு மக்களால் உபயோகப்படுத்தப்படுகிறது. எளிதில் கிடைப்பது மட்டுமின்றி இதில் இருக்கும் ஊட்டச்சத்துகளுக்காகவும் பயன்படுத்தப்படுகிறது. இது செரிமானம், வாயுக்கோளாறு, மலேரியா போன்ற பல பிரச்சினைகளை இது குணப்படுத்தக்கூடும். ஆனால் ஆயுர்வேதத்தின் படி கர்ப்பகாலத்தில் பெண்கள் கத்தரிக்காய் சாப்பிடுவதை தவிர்ப்பது நல்லது என்று கூறப்படுகிறது. அதற்கான காரணங்கள் என்னென்ன என்று மேற்கொண்டு பார்க்கலாம்.

மாதவிடாய்

ஆயுர்வேதத்தின் படி கத்திரிக்காய் சாப்பிடுவதில் கர்ப்பிணி பெண்கள் மிகவும் கவனமாக இருக்க வேண்டியது அவசியம். ஏனெனில் இதில் இருக்கும் பைட்டோஹார்மோன்கள் மாதவிலக்கு தொடர்பான அமினோரியா நோய்க்கு சிகிச்சையளிக்கிறது. இது சாதாரண பெண்களுக்கு நல்லதாக இருக்கலாம் ஆனால் கர்ப்பிணி பெண்களுக்கு ஏற்றதல்ல.

கருச்சிதைவு

கத்தரிக்காயில் மாதவிடாயை தூண்டும் பொருட்கள் உள்ளது. இந்த பொருட்கள் கர்ப்பிணி பெண்களுக்கு கருச்சிதைவை ஏற்படுத்தக்கூடும். எனவே கர்ப்பிணி பெண்கள் கத்தரிக்காயை சாப்பிடாமல் இருப்பதே நல்லது.

அமிலத்துவம்

கத்தரிக்காய் நமது உடலில் இருக்கும் அமிலத்தின் அளவை அதிகரிக்கும். இதனால் பெண்களுக்கு பல அசௌகரியங்கள் ஏற்படலாம். எனவே கர்ப்பிணி பெண்கள் கத்திரிக்காய் சாப்பிடுவதை தவிர்க்கவும்.

சாப்பிடலாமா? கூடாதா?

கத்தரிக்காயில் 6.4 மிகி வைட்டமின் ஏ, 4.6 கி நார்ச்சத்துக்கள் மற்றும் 6 மிகி இரும்புச்சத்துக்களும் உள்ளது. இது கர்ப்பகாலத்தில் பெண்களுக்கு மிகவும் அவசியமான ஒன்றாகும். ஆனால் இந்த ஊட்டச்சத்துக்களை நாம் மற்ற பொருட்களில் இருந்தே பெறலாம். எனவே கத்தரிக்காய் சாப்பிட்டு ரிஸ்க் எடுக்க வேண்டிய அவசியமில்லை.