பச்சிளம் குழந்தைகள் மலம் கழிக்கும் போது ஏன் அழுகின்றனா்?

1. முழுமையான வளா்ச்சியை அடையாத உடல்

படுத்துக் கொண்டு மலம் கழிப்பது என்பது ஒரு கடினமான செயல் ஆகும். பச்சிளம் குழந்தைகள் எப்போதும் படுத்தே இருப்பதால், அவா்கள் படுத்துக் கொண்டு மலம் கழிக்கும் போது அதிக அழுத்தத்தைக் கொடுக்கலாம். அதனால் குடலில் அழுத்தம் ஏற்பட்டு அவா்கள் அழலாம் அல்லது கத்தலாம்.

பிறந்த குழந்தைகளால் அமா்ந்து கொண்டு மலத்தை வெளியில் தள்ள முடியாது. அவா்கள் படுத்துக் கொண்டுதான் இதைச் செய்ய முடியும். ஆகவே அவா்கள் படுத்துக் கொண்டே ஆசன வாயிலைத் தளா்த்தி, மலத்தை வெளியே தள்ளுவதற்கு, தங்களது வயிற்று தசைகளை அழுத்த கூடுதல் முயற்சி செய்ய வேண்டும். ஆனால் அவா்களுடைய உடலானது முழுமையான வளா்ச்சியை பெறாமல் இருப்பதால், அதைச் செய்வதற்கு அவா்களுக்குக் கடினமாக இருக்கிறது. ஆகவே சிறு குழந்தைகள் மலம் கழிக்கும் போது அழுகின்றனா்.

2. பச்சிளம் குழந்தைகளுக்கு ஏற்படும் மலச்சிக்கல்

நமது பச்சிளம் குழந்தைகள் மலம் கழிக்கும் போது அதிகமாக அழுதால், அதற்கு காரணம் மலச்சிக்கலாகவும் இருக்கலாம். தாய்ப்பால் குடிக்கும் குழந்தையானது, ஒரு வாரமாக குடல் அசைவு இல்லாமல் இறுகிய, வறண்ட மற்றும் கூழாங்கற்கள் போன்ற மலத்தை வெளியில் தள்ளினால், அந்த குழந்தைக்கு மலச்சிக்கல் இருக்கிறது என்று பொருள். அது போல தாய்ப்பால் இல்லாமல் எடுப்புப்பால் குடிக்கும் சிறு குழந்தைகள் 3 நாள்களாக இது போன்று மலம் கழித்தால், அவா்களுக்கு மலச்சிக்கல் இருக்கிறது என்று பொருள். மலச்சிக்கல் பிரச்சினை இருந்தால் பச்சிளம் குழந்தைகள் மிக எளிதாக மலம் கழிக்க முடியாது. அது அவா்களுக்கு அதிக வலியைக் கொடுக்கும்.

அந்த குழந்தைகள் மலச்சிக்கல் பிரச்சினைகளில் இருந்து விடுபட அவா்களுக்கு அதிகமான அளவு தண்ணீா் கொடுக்க வேண்டும். சா்க்கரையை சிறிது அதிகமாக கொடுத்து அவா்களது இறுகிய மலத்தை சற்று இலகுவாக்க வேண்டும். ஒரு வேளை குழந்தையின் வயது 4 மாதங்களை கடந்து இருந்தால், அந்த குழந்தைக்கு பழச்சாறுகளை வழங்கலாம்.

ஒரு வேளை குழந்தைகள் திட உணவுகளை உண்ணத் தொடங்கி இருந்தால், அவா்களுக்கு நாா்ச்சத்து அதிகம் நிரம்பிய உணவுகளான பசலைக் கீரை, பட்டாணி, பீச் பழங்கள், போிக்காய் மற்றும் ப்ளம்ஸ் பழங்கள் ஆகியவற்றை ஊட்டலாம். இவையெல்லாம் செய்த பிறகும் குழந்தைகளுக்கு தொடா்ந்து மலச்சிக்கல் இருந்தால் உடனடியாக மருத்துவரை சந்திப்பது நல்லது.

தேவையான நீா்ச்சத்து கிடைக்காமல் இருத்தல், இது வரை சாப்பிடாத புதிய உணவுகளை ஊட்டுதல் மற்றும் மாறுபட்ட முறையில் உணவுகளை ஊட்டுதல் போன்ற காரணங்களால் பச்சிளம் குழந்தைகளுக்கு மலச்சிக்கல் பிரச்சினை ஏற்படுகிறது.

3. வாயு வலி

பச்சிளம் குழந்தைகள் மலம் கழிக்கும் போது அழுவதற்கு இன்னுமொரு முக்கியமான காரணம் அவா்களுக்கு ஏற்படும் வாயு வலி ஆகும். வாயு பிரச்சினை காரணமாக, குழந்தைகள் மலம் கழிக்கும் போது, வலி அதிகாிக்கிறது. அவா்களுக்கு வாயு பிரச்சினை ஏற்பட பின்வரும் காரணிகள் காரணங்களாக அமைகின்றன.

அதாவது அவா்கள் அழும் போது அளவுக்கு அதிகமான காற்றை உள்ளிழுப்பது, தாய்ப்பாலில் இருந்து கிடைக்கும் ஒருசில ஊட்டச்சத்துகள் சொிக்காமல் இருப்பது அல்லது அளவுக்கு அதிகமான தாய்ப்பால் ஊட்டுவது போன்றவற்றின் காரணமாக பிறந்த குழந்தைகளுக்கு வாயு பிரச்சினை ஏற்படுகிறது. அதோடு போதுமான தாய்ப்பால் இல்லாமல் எடுப்புப்பாலை ஊட்டுவது, மலச்சிக்கல் மற்றும் இரைப்பைக் குடலில் கிருமித் தொற்று போன்றவற்றின் காரணமாகவும் பச்சிளம் குழந்தைகளுக்கு வாயு பிரச்சினை ஏற்படுகிறது.

பிறந்த குழந்தைகளிடம் இருக்கும் வாயு பிரச்சினையை நீக்குவதற்கு, அவா்களுக்கு ஒவ்வொரு முறையும் உணவு ஊட்டி முடித்த பின்பு அவா்களின் முதுகு மற்றும் வயிற்றுப் பகுதிகளை மென்மையாக நீவிவிட வேண்டும். அதனால் அவா்களின் உடலில் அதிகமாக இருக்கும் காற்று வெளியேறிவிடும். சிறிது சோம்பு தண்ணீரையும் கொடுக்கலாம். சில நேரங்களில் சா்க்கரை கலந்த தண்ணீரை அந்த குழந்தைகளுக்கு வழங்கலாம். அதன் மூலம் அவா்களிடம் இருக்கும் வாயு பிரச்சினையை நீக்கலாம்.

பச்சிளம் குழந்தைகளின் குடல் அசையும் போது அவா்கள் அழுதால் அல்லது கத்தினால் அல்லது அவா்களது முக பாவனைகள் மாறினால் கவலை கொள்ளத் தேவையில்லை. அது ஒரு மருத்துவ பிரச்சினை இல்லை. ஆனால் அதே நேரத்தில் தொடர்ந்து சில நாட்களாக அவா்கள் மலம் கழிக்கும் போது அழுதால், மருத்துவரை சந்திப்பது நல்லது. எனினும் குழந்தைகளுக்கு உணவூட்டும் முறைகளில் மாற்றங்களைச் செய்தல் மற்றும் குழந்தைகளின் புட்டப் பகுதியை நீவிவிடுதல் போன்றவற்றின் மூலம் அவா்களிடம் இருக்கும் வாயு பிரச்சினையை அகற்றலாம்.

4. கிருமித் தொற்று அல்லது ஆசன வாயில் புண்

மலம் கழிக்கும் போது பச்சிளம் குழந்தை திடீரென்று அழுதால், அதற்கு காரணம் அதனுடைய ஆசன வாய் கிழிந்திருக்கலாம் அல்லது டயாப்பா் பயன்படுத்துவதால் ஏற்பட்டிருக்கும் புண்களாக இருக்கலாம் அல்லது கிருமிகளின் தொற்றுகளாக இருக்கலாம். அதனால் அவா்கள் மலம் கழிக்கும் போது அதிக வலியை உணா்வா். ஒரு சில உணவு வகைகளும் மலத்தை இறுக வைக்கின்றன.