பிரசவத்தின் போது தலை துண்டான குழந்தை..! நடந்த உண்மை இதுதான்! இந்த கொடுமைய நீங்களே பாருங்க..!

யார் இவர்?

கடலூர் கல்பாக்கம் கிராமத்தை சேர்ந்தவர் பொம்மி. இவர் கருவுற்று வளைகாப்பு கூட சமீபத்தில் நடந்துள்ளது. இந்நிலையில் பொம்மிக்கு கடந்த மார்ச் 20 ஆம் தேதி அதி காலையில் பிரசவ வலி ஏற்பட்டுள்ளது.

இதனால் காஞ்சிபுர மாவட்டத்தில் உள்ள கூவத்தூர் அரசு ஆரம்ப சுகாதார நிலையத்துக்கு இவர் அழைத்து செல்லப்பட்டார்.

சுக பிரசவம்!

ஆரம்ப சுகாதார நிலையத்தில் அதிகாலை வேளையில் மருத்துவர் இல்லாத காரணத்தால் அங்கிருந்த செவிலியர்கள் பொம்மிக்கு பிரசவம் பார்த்துள்ளனர்.

ஆரம்பத்தில் குழந்தை சுக பிரசவமாக வந்து விடும் என வெளியில் உள்ள உறவினர்களுக்கு சொல்லி சென்றுள்ளார்.

பச்சிளம் குழந்தை!

சுக பிரசவம் என்கிற மட்டற்ற மகிழ்ச்சியோடு வெளியில் காத்திருந்த உறவினர்களுக்கு அடுத்த சில மணித்துளிகளில் இடி வந்து விழுந்தது.

தடாலென்று ஓடி வந்த செவிலியர் ஒருவர் குழந்தையின் தலை மட்டும் வெளியில் துண்டாக வந்து விட்டது என அலறி அடித்து கொண்டு கூறினார்.

முற்றுகை!

இதை கேட்ட உறவினர்களுக்கு என்ன செய்வதென்றே புரியவில்லை. பச்சிளம் குழந்தையின் தலையை மட்டும், எந்த உறவினர்களால் தான் துண்டாக பார்க்க மனம் இருக்கும்.

இதனால் கோபம் அடைந்த உறவினர்கள் ஆரம்ப சுகாதார நிலையத்தை முற்றுகையிட்டனர்.

அரசு மருத்துவமனை

இந்த கொடூர சம்பவம் நிகழ்ந்த பின்னர் அப்பெண்ணை செங்கல்பட்டு அரசு மருத்துவமனைக்கு அழைத்து சென்றுள்ளனர்.

அங்கு மருத்துவர்கள் குழந்தையின் மீதி உடலை பல நேர போராட்டத்திற்கு பின் அறுவை சிகிச்சை செய்து எடுத்தனர்.

MOST READ: 7 உலக அதிசயம் தெரியும்... இந்த 7 வகையான உலகத்து தண்ணீர் பற்றி தெரியுமா?

என்ன நேர்ந்தது?

குழந்தை 2 நாட்களுக்கு முன்னரே வயிற்றில் இறந்து விட்டதாக செங்கல்பட்டு அரசு மருத்துவர்கள் கூறுகின்றனர். குழந்தையை வெளியில் எடுத்த போது அதன் முழு உடலும் சுமார் 1.5 கிலோ மட்டுமே இருந்ததால், குழந்தை முன்னதாகவே இறந்திருக்க அதிக வாய்ப்புகள் உள்ளது என கூறுகின்றனர்.

இருப்பினும் இதை பற்றிய தெளிவான அறிக்கை பிரேத பரிசோதனைக்கு பின் தெரியும் என மருத்துவர்கள் தெரிவித்துள்ளனர்.

விபரீதம்!

குழந்தையை பிரசவம் பார்த்த செவிலியர்கள் குழந்தையின் தலையை வெளியில் எடுக்கும் போது இடுக்கியை வைத்து இழுத்ததாக அப்பெண்ணின் உறவினர்கள் கூறுகின்றனர்.

இதனால் தான் இந்த விபரீத நிலை குழந்தைக்கு நேர்ந்ததாக இவர்கள் கருதுகின்றனர்.

மருத்துவர் இல்லை!

பொதுவாக ஆரம்ப சுகாதார நிலையத்தில் மருத்துவர்கள் இருக்க வேண்டியது மிகவும் முக்கியமான ஒன்று. அத்துடன் 24 மணி நேரமும் அங்கு செவிலியர்கள் பணியில் இருத்தல் வேண்டும்.

இது தான் சட்டமாக இன்று வரை உள்ளது. ஆனால், பிரசவத்தின் போது மருத்துவர் இல்லாததும், இப்படி ஒரு கோர சம்பத்திற்கு முக்கிய காரணமாக உள்ளது.

வேதனை!

செவிலியர்களுக்கு கட்டாயம் போதிய பயிற்சியை வழங்கி இருக்க வேண்டும். இது போன்ற அசம்பாவிதங்கள் நடைபெற பயிற்சி இன்மையும் மிக முக்கிய காரணமாகும்.

பச்சிளம் குழந்தைக்கு நேர்ந்த இந்த கொடூர சம்பவம் கூவத்தூர் பகுதி மக்களை பெரும் துயரத்தில் ஆழ்த்தி உள்ளது.

MOST READ: உடம்புல நோயே வரமா இருக்க, இந்த உணவுகள வாரத்திற்கு ஒரு முறையாச்சும் சாப்பிடுங்க..

தீர்வு!

இப்படிப்பட்ட சம்பவங்கள் அரங்கேறும் போது தான் நாம் அரசு நடத்தும் துறைகளை பற்றி கவனிக்க தொடங்குகிறோம். ஒவ்வொரு நாளும் இது போன்ற சம்பவம் இந்தியாவின் ஏதோ ஒரு மூளைமுடுக்கில் நடக்க தான் செய்கிறது.

இதை தடுக்க வேண்டுமென்றால், அரசு சார் துறைகள் மற்றும் நிறுவனங்கள் ஒழுங்கான முறையில் செயல்பட வேண்டும். இல்லையேல் இந்த பச்சிளம் குழந்தையை போன்று பல உயிர் காவு வாங்கப்படும்.