Just In
- 3 min ago Mango Benefits: ஆண்கள் தினமும் ஒரு மாம்பழம் சாப்பிடுவதால் என்னென்ன நன்மைகள் கிடைக்கும்-ன்னு தெரியுமா?
- 1 hr ago கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- 1 hr ago திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- 2 hrs ago 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
Don't Miss
- News தேவ கவுடா காலத்தில் தொடங்கிய சினிமாவை மிஞ்சும் 40 ஆண்டுகால அரசியல் பகை.. ஹாசனில் மோதும் 'பேரன்கள்'!
- Movies நீங்கள் என் படத்தை பார்த்திருக்க மாட்டீங்க.. ஹரியிடம் ஓபனாக சொன்ன கமல் ஹாசன்
- Finance வீட்டுக் கடன்: EMI செலுத்தாட்டி, வீடு ஏலம் விடப்படுமா? RBI சொல்வது என்ன? வங்கிகளின் அதிகாரம் என்ன?
- Technology கைக்கு 2 ஆர்டர்.. அவ்ளோ கம்மி.. AMOLED டிஸ்பிளே.. ப்ளூடூத் காலிங்.. ஹெல்த் டிராக்கர்கள்.. எந்த மாடல்?
- Sports இதுதான் ரியல் ட்விஸ்ட்.. ஓய்வுக்கு பின் சிஎஸ்கே அணியின் முக்கிய பதவிக்கு வரப்போகும் தல தோனி?
- Automobiles தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
உங்கள் வீட்டு இளவரசிகளுக்கான 10 வித்தியாசமான ட்ரெண்டிங் தமிழ் பெயர்கள்..!
உங்கள் வீட்டு அழகு தேவதைகளுக்கான அருமையான, ஸ்டைலான, காலத்திற்கேற்ற ட்ரெண்டிங் தமிழ் பெயர்கள் குறித்து இங்கு படித்தறியுங்கள்..!
ஒவ்வொரு தம்பதியரும் பற்பல கனவுகளுடன் தங்கள் வாழ்க்கையை தொடங்குகின்றனர். தம்பதியர்களின் வாழ்க்கையை நிறைவு செய்வது, அவர்தம் காதலின் அடையாள சின்னமாக விளங்குவது அவர்கள் வாழ்வில் கிடைக்கும் குழந்தைச் செல்வம் தான். அப்படிப்பட்ட தங்களின் கடவுளின் பரிசிற்கு, ஒரு தகுந்த - சிறந்த பெயர் சூட்டி அழகு பார்த்து அதன் வாழ்க்கையை அழகு படுத்த வேண்டியது பெற்றோரின் கடமையாகும்.
அந்த வகையில் பெற்றோர் அனைவரும் தங்கள் குழந்தைக்கு நல்ல ஒரு பெயரை சூட்ட வேண்டும். அதுவும் காலத்திற்கேற்ப பெயர் சூட்ட வேண்டியது மிகவும் அவசியம்; ஏனெனில் ஒரு உதாரணத்திற்கு தம்பதியர் தன் குழந்தைக்கு லட்சுமி என்று காலங்காலமாக வைக்கும் பெயரை வைத்தால், அக்குழந்தை நாளை வளர்ந்து 'எனக்கு ஏன் இந்த பெயரை வைத்தீர்கள் இந்த பெயருக்கு பதிலாக வேறு பெயரை வைத்திருக்கலாமே என்று கேட்டால் அது நன்றாக இருக்குமா?'
ஆகையால் யோசியுங்கள் பெற்றோர்களே! தமிழ் பெயரை, உங்கள் முன்னோர் அல்லது பெற்றோர் பெயரை உங்கள் குழந்தைக்கு வைத்து அழகு பார்க்க வேண்டும் என்ற உங்களின் ஆசை மற்றும் பாசம் புரிகிறது. ஆனால், அந்த பெயர் உங்கள் குழந்தையின் மனதை பாரமாக்கி, அதன் மகிழ்ச்சியை குலைக்குமானால், அத்தகைய பெயர் அவசியமா? என்று சிந்தித்து பாருங்கள்.
இதுவே நீங்கள் வைக்க நினைக்கும் பெயர் லட்சுமி என்றால், அதை காலத்திற்கு ஏற்ற வகையில் லக்சனா என்று ஸ்டைலாக வையுங்கள். உங்கள் குழந்தைக்கு நல்ல தமிழில், ஸ்டைலான, ட்ரெண்டிங்கான பெயர் வைக்க உங்களுக்கு உதவும் வகையில் இந்த பதிப்பை சமர்ப்பிக்கிறோம்..! பதிப்பை படித்து பெயர் சூட்டவும்.
மேஷா
மேஷா என்றால் தமிழில் நீடுழி வாழ் அல்லது அதிக ஆயுள் காலம் கொண்டு வாழ்வை வெல்பவர் என்று அர்த்தம். உங்கள் குழந்தை நீண்ட ஆயுளை பெற விரும்பினால், ஸ்டைலான மேஷா என்ற பெயரை உங்கள் வீட்டு இளவரசிக்கு சூட்டி மகிழுங்கள்.
நாவ்யா
நாவ்யா எனும் பெயர் புகழுக்குரியவர், பாராட்டுக்குரியவர், என்றும் இளமை என இது போன்ற அர்த்தங்களை அளிக்கக்கூடியது. உங்கள் குழந்தை வாழ்வில் புகழின் உச்சத்தை தொட்டு, என்றும் பதினாறாக இளமையுடன் வாழ வேண்டும் என்று நீங்கள் ஆசை கொண்டால், இந்த பெயரை உங்கள் குழந்தைக்கு சூட்டுங்கள்.
டெவினா
டெவினா எனும் நாமம் தெய்வத்தின் ஒரு அம்சம், தெய்வாதீனம் பொருந்தியவர் என்று பொருள் படுகிறது. இந்த பெயரை குழந்தைக்கு சூட்டுவதால், குழந்தை தெய்வாம்சத்தின் அலைகளை பெற்று, வெற்றிகரமான வாழ்க்கையை மேற்கொள்ளும்.
ரசிகா
ரசிகா எனும் நாமம் கொண்ட குழந்தை அந்த சிவபெருமானின் அருளால் பிறக்கப் பெற்றது என்று பொருள். இந்தப் பெயரை குழந்தைக்கு சூட்டும் போது, குழந்தை சிவனின் அருள் பெற்று வாழ்வில் ஜெயம் பெறுகிறது.
நைஷா
நைஷா என்பது சிறப்பானவர், அன்புக்குரிய அலல்து காதலுக்குரிய மலர் என்று பொருள் தரும் பெயர். உங்கள் குழந்தை தன் வாழ்வில் சிறப்பான அன்பு மலராக விளங்க இந்த பெயரை உங்கள் வீட்டு தேவதைக்கு சூட்டி மகிழலாம்.
ரீஷா
ரீஷா எனும் பெயர் மிருதுவான தன்மை கொண்ட இறகு போன்றவள், நீண்ட நேர்கோடு போன்ற பிரச்சனைகள் இல்லா வாழ்வு, புனிதத் தன்மை கொண்டவர் என்று பொருள் தருகிறது. இந்தப் பெயரை குழந்தைக்கு சூட்டுவதால், குழந்தையின் வாழ்வு புனிதத் தன்மை பெற்று, பிரச்னைகளின்றி சந்தோசமாக அமையும்.
ஸைநா
ஸைநா எனும் பெயர் அழகு மற்றும் இளவரசி எனும் பொருளைத் தரும். இந்தப் பெயரை குழந்தைக்கு சூட்டுவதால், உங்கள் வீட்டு இளவரசி, வாழ்நாள் முழுதும் அரசியாக அழகுடன் வாழ்வாள்.
ஹீரா
ஹீரா எனும் பெயர் வாழ்வில் சக்திகள் கிடைக்கப் பெற்றவர், வைரம் போன்றவர் என்று பொருள் தரக்கூடிய பெயராகும். இதனை குழந்தைக்கு சூட்டும் போது, குழந்தையின் வாழ்வு யாராலும் அசைக்க முடியாததாக, சக்தியுடன் விளங்கும்; மேலும் குழந்தை சோதனைகளை வென்று சாதனையாக்கும் திறனை கொண்டு விளங்குவார்.
சைத்ரா
சைத்ராஎனும் நாமம் புத்தொளி, எழுச்சியின் கதிர், ஒளி பொருந்தியவர் என்ற பொருளைக் கொண்டது. இந்த பெயரை உங்கள் குழந்தைக்கு சூட்டினால், அது குழந்தையின் வாழ்க்கையை ஒளி பொருந்தியதாக மாற்றி, குழந்தை ஒரு புது விடியலின் நாயகியாக வாழ்வில் வளர உதவும். மேலும் குழந்தை மற்றவர்க்கு பெரும் நன்மை செய்து, சரித்திரத்தில் இடம் பெறும் ஒளியோடு விளங்கும்.
சரித்ரா
சரித்ரா எனும் பெயர் ஒரு புது சரித்திரம் படைக்க போகும் நபரைக் குறிக்கும். உங்கள் குழந்தையின் வாழ்க்கை சாமானியமானதாக இல்லாமல், சரித்திரம் படைக்கும் - ஒரு சிறந்த மனித வாழ்க்கையாக, நல்ல தலைவரின் குணங்கள் கொண்ட நபராக விளங்க இந்த பெயரை உங்கள் குழந்தைக்கு சூட்டுங்கள்..