பறவைக் கூட்டங்கள் ஏன் எப்போதும் V வடிவத்தில் பறக்கின்றன? அதற்கு பின்னால் உள்ள அறிவியல் ரகசியம் என்ன தெரியுமா?

இயற்கை நம்மை ஆச்சர்யப்படுத்த ஒருபோதும் தவறியதில்லை. ஒவ்வொரு உயிரினத்தின் உருவாக்கமும், அவற்றின் தனித்துவமான செயல்பாடுகளும் அறிவியலால் இன்றுவரை கூட கண்டுபிடிக்க முடியாதவையாக இருக்கிறது. உலகின் சமநிலையைக் கடைப்பிடிப்பதிலும், உணவுச் சங்கிலியை பராமரிப்பதிலும் பறவைகள் முக்கியப்பங்கு வகிக்கின்றன.

பூமியில் கிட்டதட்ட 11,000 பறவை இனங்கள் கண்டறியப்பட்டுள்ளன. பறவைகளும் அவற்றின் கூட்டமும் வானத்தில் ஒரே வேகத்தில் சீராக ஒரே மாதிரியாக பறப்பதைப் நாம் பலமுறை ஆச்சரியத்துடன் ரசித்து பார்த்திருப்போம். ஆனால் இந்தப் பறவைகள் ஏன் ஒரு குறிப்பிட்ட முறையில் அதாவது V வடிவத்தில் பறக்கின்றன அல்லது இடம்பெயர்கின்றன.

இந்தப் பறவைகளை சரியான V வடிவத்தில் பார்ப்பது இயற்கையின் மிகவும் சுவாரஸ்யமான, ஒருங்கிணைந்த மற்றும் அழகான காட்சிகளில் ஒன்றாகும். விஞ்ஞானிகளின் கூற்றுப்படி, பறவைகள் V வடிவத்தில் பறப்பதற்கு ஒரு தனித்துவமான காரணம் இருக்கிறது, ஏனெனில் அது காற்றியக்கவியல் மற்றும் பறவைகளின் ஒருங்கிணைப்பில் வேரூன்றியுள்ளது மற்றும் ஆற்றலை சேமிக்கிறது. பறவைகளின் இந்த V- அமைப்பிற்கான காரணத்தைத் தெரிந்து கொள்ளலாம்.

V- வடிவ உருவாக்கம்

மேலோட்டமாக பார்க்கும் போது, இது தங்கள் தலைவரைப் பின்தொடர V வடிவத்தில் பறக்கும் பறவைகளாகக் காணப்படுகிறது, ஆனால் உண்மையில், இது அனைத்தும் ஆற்றலைச் சேமிப்பது பற்றியது. முன்னால் பறக்கும் பறவை காற்றை வெட்டி மற்ற பறவைகள் எளிதாகப் பறக்க உதவும் ஒரு பாதையை உருவாக்குகிறது. இந்தக் குழுப்பணி பறவைக்கூட்டம் அதிக சக்தியை வீணாக்காமல் நீண்ட தூரம் பறக்க அனுமதிக்கிறது.

இது பற்றிய சமீபத்திய ஆராய்ச்சி, பறக்கும் போது பறவைகளின் அதிநவீன குழுப்பணியை வெளிப்படுத்துகிறது. அவற்றின் அமைப்பு வெறுமனே அருகாமையை உணர்வது பற்றியது மட்டுமல்ல, பறவைகள் முன்னால் இருப்பவர்களால் உருவாக்கப்படும் காற்றோட்டத்தைப் பயன்படுத்திக் கொள்ள துல்லியமாக நேரத்தையும், நிலையையும் தீர்மானிக்கின்றன, இது உயர் மட்ட ஒருங்கிணைப்பு மற்றும் புத்திசாலித்தனத்தை நிரூபிக்கிறது.

விஞ்ஞானிகள் கூறுவது என்ன?

ஆஸ்திரியாவிலிருந்து இத்தாலிக்கு இடம்பெயரும் இளம் Ibisபறவைகளிடம் ஆராய்ச்சியாளர்கள் டேட்டா லாகர்களைப் பயன்படுத்தி ஆற்றல் சேமிப்பு அமைப்புகளைப் பற்றி ஆய்வு செய்தனர். Reintroduction திட்டத்தின் ஒரு பகுதியாக மைக்ரோலைட் விமானத்தால் வழிநடத்தப்பட்ட பறவைகள், அதிக துல்லியத்துடன் கண்காணிக்கப்பட்டன, இறக்கை துடிப்பு ஒத்திசைவு மற்றும் சரியான காற்றோட்ட பயன்பாட்டிற்கான நிலையை சரிசெய்தல் பற்றிய விரிவான தகவல்களை வெளிப்படுத்தின.

அறிக்கையில் குறிப்பிடப்பட்டுள்ளபடி, "இது சாத்தியம் என்று நாங்கள் நினைக்கவில்லை," என்று அவர் கூறினார். "ஒருவேளை இந்த பெரிய V-வடிவப் பறவைகள் மேலும் கீழும் செல்லும் இறக்கைகள் கொண்ட ஒரு விமானத்தைப் போலவே கருதப்படலாம்" என்று அவர் கூறினார்.

இது மற்ற பறவைகளுக்கும் பொருந்துமா?

Ibis பறவையைப் பற்றி ஆராய்ந்த ஆராய்ச்சியாளர்கள் ஆற்றல்-திறனுள்ள பறக்கும் உருவாக்கத்தைக் கண்டுபிடித்தனர். முன்னே செல்லும் பறவைகளால் உருவாக்கப்பட்ட மேல்நோக்கி இழுக்கும் சக்தியைப் பயன்படுத்துவதை உள்ளடக்கிய இந்த நுட்பம், வாத்துக்கள், பெலிகன்கள் மற்றும் நாரைகள் போன்ற பிற பெரிய பறவைகளாலும் பயன்படுத்தப்படலாம். இருப்பினும், இந்த உத்தியின் செயல்திறன் பெரிய பறவைகளுக்கு மட்டுமே இருக்கக்கூடும். சிறிய பறவைகளின் இறக்கைத் துடிப்புகள் குறைவான கணிக்கக்கூடிய காற்றோட்டத்தை உருவாக்குகின்றன, இதனால் இந்த நன்மையைப் பயன்படுத்திக் கொள்ளும் திறன் தடைபடுகிறது.