ஏன் அனைத்து விமானங்களும் வெள்ளை நிறத்தில் மட்டுமே இருக்கிறது தெரியுமா? இதுக்கு பின்னால இவ்ளோ விஷயம் இருக்கா?

நாம் நினைவு தெரிந்த நாள் முதலே விமானங்களை வெள்ளை நிறத்தில் மட்டும்தான் பார்த்து வருகிறோம். ஆனால் விமானங்கள் கண்டுபிடிக்கப்பட்ட காலத்தில் விமானங்கள் பல்வேறு நிறத்தில் இருந்தது. ஆனால் தற்போது சரக்கு விமானங்கள் முதல் பயணிகள் விமானம் வரை அனைத்துமே வெள்ளை நிறத்தில் மட்டுமே இருக்கிறது. ஆனால் அனைத்து விமானங்களும் ஏன் வெள்ளை நிறத்தில் மட்டுமே இருக்கிறது என்று எப்போதாவது சிந்தித்து இருக்கிறீர்களா? அதற்கான பதிலை இந்த பதிவில் தெரிந்து கொள்ளலாம்.

வெள்ளை சூரிய ஒளியை சிறப்பாக பிரதிபலிக்கும் நிறமாகும்

அனைத்து விமானங்களும் வெள்ளை நிறத்தில் வர்ணம் பூசப்பட்டிருக்க காரணம், முதலில் இந்த நிறம் சூரிய ஒளியை சிறப்பாக பிரதிபலிக்கும் வண்ணம் ஆகும். விமானங்கள் பறக்கும் போதும், தரையில் நிறுத்தப்படும் போதும் சூரிய ஒளிக்கு வெளிப்படும். கேபின் வெப்பத்தை குறைக்க மற்றும் சூரிய கதிர்வீச்சிலிருந்து சாத்தியமான ஏற்படும் சேதத்தைத் தடுக்க வெள்ளை வண்ணப்பூச்சு சிறந்த வழியாகும். அதனால்தான் வெயில் காலத்தில் வெள்ளை நிற ஆடை அணிவது பரிந்துரைக்கப்படுகிறது.

வெள்ளை நிறம் குறைவாகவே மங்கும்

விமானங்கள் பலவிதமான தீவிர வளிமண்டல மற்றும் வானிலை நிலைமைகளில் பயணிக்க வேண்டியிருக்கும். பனி, காற்று, மழை மற்றும் வழக்கமான வெப்பநிலை மாற்றங்கள் அவற்றின் வண்ணத்தை மோசமாக்குகின்றன. மற்ற வண்ணப்பூச்சுகள் வெள்ளை நிறத்தை விட வேகமாக மங்கிவிடும், இதனால் பயணிகளின் பார்வையில் வசீகரமான தோற்றத்தை இழக்கின்றன.

இதனால் விமான நிறுவனங்கள் தங்கள் விமானங்களுக்கு பெரும் செலவில் மீண்டும் வண்ணம் பூச வேண்டும். பொதுவாக ஒரு விமானத்திற்கு வண்ணப்பூச்சு செய்ய ஒன்று முதல் இரண்டு வாரங்கள் ஆகும், அந்த நேரத்தில் விமானம் பறக்காமல் தரையில் இருக்க வேண்டும், இதனால் வருமான இழப்பு ஏற்படுகிறது. மேலும் இதற்கான செலவும் லட்சங்களில் தொடங்கி கோடிகளில் முடிவடையும்.

மேலும், ஒரு புதிய வண்ணப்பூச்சு விமானத்தின் எடையை அதிகரிக்கும். இது விமானத்தில் கூடுதலாக 550 கிலோ வரை சேர்க்கலாம். அதிக எடை எரிபொருள் பயன்பாட்டை அதிகரிக்கிறது மற்றும் விமான நிறுவனங்களின் லாபத்தைக் குறைக்கிறது.

வெள்ளை நிறமானது மிக தாமதமாகவே நிறம் மங்குகிறது மற்றும் நிறுவனங்களின் சேமிப்பை அதிகரிக்கிறது. காற்றில் கணிசமான நேரத்தைச் செலவழித்த பிறகு நிறம் எப்போதும் மங்கிவிடும் என்றாலும், வெள்ளை நிறம் குறைவாகவே மங்கும் என்று ஆய்வுகள் காட்டுகின்றன.

வெள்ளை நிறம் பறவைகள் தாக்கும் அபாயத்தைக் குறைக்கிறது

விமானத்தின் வெள்ளை நிறம் பறவைகள் தாக்கும் அபாயத்தைக் குறைக்கும் என்று நிரூபிக்கப்பட்டுள்ளது. விமானத்தில் பறவைகளின் தாக்கம் விமானத்தின் பாதுகாப்பிற்கு குறிப்பிடத்தக்க மற்றும் பொதுவான அச்சுறுத்தலாகும். 2019 ஆம் ஆண்டில், அமெரிக்காவில் ஒரு விமானத்திற்கும் பறவைக்கும் இடையில் 17,228 க்கும் குறைவான மோதல்கள் பதிவு செய்யப்பட்டுள்ளன.

வெள்ளை நிறம் பறவைகள் அச்சுறுத்தலை நன்கு அடையாளம் கண்டு அதிலிருந்து விலகிச் செல்ல அனுமதிக்கிறது. அடர் வண்ணங்கள், பறவைகள் விமானத்தைக் கண்டறியும் திறனைக் குறைக்கின்றன மற்றும் பறவைகள் தாக்கும் அபாயத்தை அதிகரிக்கின்றன.

வெள்ளை நிறத்தில் சேதத்தைக் கண்டறிவதை எளிதானது

விமானங்கள் சிக்கலான தொழில்நுட்பத்தால் செய்யப்பட்டவை, அவை வெளிப்படையான பாதுகாப்பு காரணங்களுக்காக தொடர்ந்து சோதிக்கப்படுகின்றன. சேதம் அல்லது தேய்மானம் போன்ற கட்டமைப்பு குறைபாடுகளைக் கண்டறிவது விமானத்தின் பாதுகாப்புக்கு அவசியமாகும். இது ஒவ்வொரு முறை பறப்பதற்கு முன்னும் பொறியாளர் மற்றும் விமானியின் மூலம் செய்யப்படுகிறது.

புடைப்புகள், விரிசல்கள், பறவை தாக்குதல்கள் மற்றும் விமானத்தில் எண்ணெய் கசிவுகள் போன்றவற்றைக் கண்டறிவதை வெள்ளை நிறம் மிகவும் எளிதாக்குகிறது. இந்த சேதங்கள் எப்போதும் வெள்ளை நிறத்தை விட இருண்டதாக இருக்கும், இது அவற்றை அடையாளம் காண்பதை மிகவும் எளிதாக்குகிறது.

வெள்ளை மிகவும் விலை குறைவான வண்ணமாகும்

விமான வண்ணப்பூச்சுகள் பாலியூரிதீன் வண்ணப்பூச்சுகள் மற்றும் பல்வேறு வினையூக்கிகள் மற்றும் ஆக்டிவேட்டர்களின் சிறப்பு கலவையாகும். விமானத்தில் வர்ணம் பூசப்பட வேண்டிய பரப்பளவு மிகப் பெரியதாக இருப்பதால் அவை அதிக செலவு வைக்கும். போயிங் 737 விமானத்திற்கு வண்ணப்பூச்சு செய்ய குறைந்தபட்சம் 240 லிட்டர் பெயிண்ட் தேவைப்படுகிறது, மேலும் அது ஏர்பஸ் ஏ380க்கு 3,600 லிட்டர் வரை செல்லும்.

இது மிகவும் பொதுவான வண்ணம் என்பதால், வெள்ளை வண்ணப்பூச்சு சந்தையில் மலிவானது. எனவே பல விமான நிறுவனங்கள் தங்கள் விமானங்களுக்கு விருப்பமான நிறமாக உள்ளது. அதுமட்டுமின்றி வெள்ளை நிறம் மெலிதானது மற்றும் எடைகுறைவானது. மேலும் எடை குறைவாக இருப்பது விமானம் என்பது குறைந்த எரிபொருளை பயன்படுத்த வழிவகுக்கும்.