உலகில் முதலில் உருவாகிய பழமையான நாடு எது தெரியுமா? கண்டிப்பா இந்தியா இல்லை..இந்தியா எப்போது உருவானது தெரியுமா?

நமது பூமி உருவாகி பல கோடி ஆண்டுகள் கடந்து விட்டது, மேலும் இலட்சக்கணக்கான உயிரினங்கள் மில்லியன் கணக்கான ஆண்டுகளாக வாழ்ந்து வருகின்றன. இருப்பினும், காலப்போக்கில், பூமியில் வாழ்வின் வரலாறு மாறியது, விலங்குகள் மற்றும் பறவைகளுடன் சேர்ந்து மனிதர்களும் பரிணாம வளர்ச்சிக்கு ஆளாகினர். உலகின் பண்டைய நாகரிகங்கள் நதிக்கரைகளில்தான் வளர்ந்தன என்பதில் எந்த சந்தேகமும் இல்லை.

மனிதர்கள் பரிமாண வளர்ச்சி அடையும் போது அவர்களின் நிலப்பரப்புகளும் கொஞ்சம் கொஞ்சமாக வளர்ச்சி அடைந்தன. மனிதர்கள் குழுக்களாக இணைந்து வாழத் தொடங்கிய போது தங்களுக்கென எல்லைகளை அமைத்துக் கொள்ளத் தொடங்கினர். இப்படித்தான் ஒவ்வொரு நாடும் உருவாகத் தொடங்கியது. ஒவ்வொரு நாடும் உருவானதற்கு பின்னாலும் பெரிய வரலாறு உள்ளது.

தற்போது உலகில் மொத்தம் 195 நாடுகள் உள்ளன. அவற்றில் 193 நாடுகள் ஐக்கிய நாடுகள் சபையில் உறுப்பினர்களாக உள்ளன. உலக வரலாற்றை நாம் தெரிந்து கொள்வதன் மூலம், பண்டைய நாகரிகங்கள் மற்றும் அவற்றுடன் தொடர்புடைய நாடுகளைப் பற்றி நாம் தெரிந்து கொள்ளலாம். தமிழ் மொழி உலகிலேயே தொன்மையான மொழி என்று கூறப்படுகிறது, ஆனால் உலகில் முதலில் உருவான மிகவும் பழமையான நாடு எதுவென்று உங்களுக்குத் தெரியுமா? இந்த பதிவில் தெரிந்து கொள்ளலாம்.

உலகின் பழமையான நாடு எது?

சமீபத்தில், உலக மக்கள்தொகை மதிப்பாய்வின் சமீபத்திய அறிக்கை வெளியிடப்பட்டது. இந்த அறிக்கையில், ஈரானுக்கு மிகவும் பழமையான நாடு என்ற அந்தஸ்து வழங்கப்பட்டுள்ளது. இது வடமேற்கில் துருக்கி, மேற்கில் ஈராக், வடக்கே அஜர்பைஜான், ஆர்மீனியா, காஸ்பியன் கடல் மற்றும் துர்க்மெனிஸ்தான், கிழக்கே ஆப்கானிஸ்தான், தென்கிழக்கே பாகிஸ்தான், ஓமன் வளைகுடா மற்றும் தெற்கே பாரசீக வளைகுடா ஆகியவற்றை எல்லைகளாகக் கொண்டுள்ளது. மனித நாகரிகம் இங்கு ஒரு லட்சம் ஆண்டுகளாக இருந்து வருவதாக அறிக்கை கூறுகிறது.

உயர்ந்த மலைகள், மயக்கும் காடுகள் முதல் தனித்துவமான புவியியல் தளங்கள் மற்றும் பரந்து விரிந்த பாலைவனங்கள் வரை, ஈரான் ஒரு தனித்துவமான நிலப்பரப்பைக் கொண்டுள்ளது. 27 யுனெஸ்கோ உலக பாரம்பரிய தளங்களுடன், உலகளவில் அதிக கலாச்சார பாரம்பரிய தளங்களைக் கொண்ட 10-வது நாடாக இது உள்ளது. அச்செமனிட் பேரரசு என்றும் அழைக்கப்படும் பாரசீகப் பேரரசு, தோராயமாக கிமு 559 முதல் கிமு 331 வரை நீடித்தது.

பண்டைய எகிப்து எப்போது உருவானது?

மக்களின் பொதுவான நம்பிக்கை எகிப்துதான் உலகின் மிகவும் பழமையான நாடு என்பதாகும். பண்டைய எகிப்து பற்றிய பல்வேறு புத்தகங்கள் உள்ளன, இங்குள்ள பாரோக்களின் பிரமிடுகளும், கல்லறைகளும் இன்றும் மக்களின் ஆர்வத்தைத் தூண்டுவதாக இருக்கிறது. பண்டைய எகிப்து நைல் நதிக்கரையில் குடியேறிய மிகப் பழமையான நாகரிகங்களில் ஒன்றாகும், இது கிமு 3150 க்கு முந்தையது.

சீனா எவ்வளவு பழமையானது?

சீனாவும் உலகின் மிகவும் பழமையான நாகரிகங்களில் ஒன்றாகும். இந்தியாவின் அண்டை நாடான சீனா, அதன் கலாச்சாரம் மற்றும் பண்டைய நாகரிகத்திற்கு பெயர் பெற்றது. இது உலகின் பழமையான நாகரிகங்களில் ஒன்றாக உள்ளது.

இந்தியா எவ்வளவு பழமையானது?

இந்தியா எவ்வளவு பழமையானது என்ற கேள்வி இப்போது நமது மனதிற்குள் எழலாம். உலக மக்கள்தொகை மதிப்பாய்வு அறிக்கையின்படி, இந்தியா உலகின் ஏழாவது பழமையான நாடு. அதன் வரலாறு கிமு 2000 இல் தொடங்கியது மற்றும் இந்தியா சுமார் 65000 ஆண்டுகளுக்கு முன்பு தொடங்கியது.