உலகிலேயே அதிகம் சரக்கடிக்கும் நாடு எது தெரியுமா? இந்தியா எத்தனாவது இடத்தில் இருக்கு தெரியுமா? ஷாக் ஆகாதீங்க...

மனிதர்களிடம் இருக்கும் மிகவும் மோசமான பழக்கங்களில் ஒன்று எதுவென்றால் அது மது அருந்துவதுதான். உலகில் நடக்கும் பாதி குற்ற செயல்களுக்கு பின்னால் இருப்பது மது போதைதான். உலகில் மது அருந்துபவர்களின் எண்ணிக்கை தொடர்ந்து அதிகரித்து வருகிறது. அதனால்தான் மது சார்ந்த தொழில்கள் உலகின் மிகப்பெரிய வியபாரமாக மாறிவருகிறது.

மது அருந்துவதைப் பொறுத்தவரை, அமெரிக்கா, சீனா, ரஷ்யா அல்லது இந்தியா போன்ற சக்திவாய்ந்த நாடுகள் அல்லது மக்கள் தொகை அதிகமுள்ள நாடுகள் முன்னணியில் இருக்கும் என்று நீங்கள் எதிர்பார்க்கலாம். ஆனால் உண்மை இதற்கு முற்றிலும் எதிர்மாறானது. தனிநபர் மது அருந்துவதில் முதலிடத்தில் உள்ள நாடுகள் பெரும்பாலும் சிறிய ஐரோப்பிய நாடுகளாகும்.

ஏனெனில் மது அருந்துவது அவர்களின் கலாச்சாரத்தின் ஒரு அங்கமாக உள்ளது. சுவாரஸ்யமாக, மிகவும் குறைவாக மது அருந்தும் நாடுகள் பெரும்பாலானவை இஸ்லாமிய நாடுகளாக உள்ளது, இந்த நாடுகளில் குடிப்பழக்கம் கட்டுப்படுத்தப்பட்டுள்ளது அல்லது தடைசெய்யப்பட்டுள்ளது.

முதலிடத்தில் உள்ள நாடு எது?

கிழக்கு ஐரோப்பிய நாடான மால்டோவா உலகிலேயே அதிக மது அருந்தும் நாடு என்ற பட்டத்தைப் பெற்றுள்ளது. வெறும் 2.46 மில்லியன் மக்கள்தொகை கொண்டுள்ள இந்த நாட்டில், ஒரு சராசரி குடிமகன் ஒவ்வொரு ஆண்டும் 15.2 லிட்டர் மதுவை உட்கொள்கிறார். இது தோராயமாக ஆண்டுதோறும் 100 பாட்டில்களுக்கு மேல் ஒயின் அல்லது 500 பைண்ட் பீர் குடிப்பதற்குச் சமம்.

லிதுவேனியா மற்றும் செக் குடியரசு

லிதுவேனியா இந்த பட்டியலில் இரண்டாவது இடத்தில் உள்ளது, இங்கு ஒவ்வொரு குடிமகனும் ஆண்டுதோறும் 15 லிட்டர் மதுவை அருந்துகிறார்கள். அதற்கு அடுத்த இடத்தில் செக் குடியரசு உள்ளது, இங்கு மக்கள் ஒவ்வொரு ஆண்டுக்கும் 14.4 லிட்டர் மது அருந்துகிறார்கள். செக் குடியரசு மக்கள் மதுவை விட பீர் அருந்துவதற்கு அதிகம் விரும்புகிறார்கள், இது அவர்கள் தரவரிசையில் முன்னணியில் இருக்க முக்கிய காரணமாக உள்ளது.

ஆச்சரியத்தை ஏற்படுத்தும் நாடுகள்

அதிகமாக மது அருந்தும் நாடுகள் பெரும்பாலானவை ஐரோப்பிய நாடுகளாக இருந்தாலும், சில ஐரோப்பாவை சேராத நாடுகளும் பட்டியலில் இடம் பிடித்துள்ளன. இந்தியப் பெருங்கடலில் உள்ள ஒரு தீவு நாடான சீஷெல்ஸ், ஆண்டுக்கு ஒரு நபருக்கு 13.8 லிட்டர் மது அருந்தி ஐந்தாவது இடத்தில் உள்ளது. மற்றொரு ஆச்சரியமான பதிவு நைஜீரியா, ஏழாவது இடத்தில் உள்ளது, அங்கு சராசரியாக ஒரு வயது வந்தவர் ஒவ்வொரு ஆண்டும் 13.4 லிட்டர் மது அருந்துகிறார்.

பட்டியலில் உள்ள மற்ற முக்கிய நாடுகள்

ஜெர்மனி அதன் புகழ்பெற்ற பீர் கலாச்சாரத்தின் மூலமும், ஆண்டுதோறும் ஒரு நபருக்கு 13.4 லிட்டர் பீர் குடிப்பதன் மூலமும் ஆறாவது இடத்தில் உள்ளது. பப் கலாச்சாரம் மற்றும் விஸ்கிக்கு பிரபலமான அயர்லாந்து, 13 லிட்டர் பீர் குடிப்பதன் மூலம் எட்டாவது இடத்தில் உள்ளது. லாட்வியா சராசரியாக 12.9 லிட்டர் பீர் குடிப்பதன் மூலம் பத்தாவது இடத்தில் உள்ளது. பல்கேரியா மற்றும் பிரான்ஸ் ஆகியவை சராசரியாக 12.7 லிட்டர் மற்றும் 12.6 லிட்டர் பீர் குடிப்பதன் மூலம் பட்டியலை நிறைவு செய்கின்றன.

இந்தியா எந்த இடத்தில் உள்ளது?

இந்தியாவில் அதிக மக்கள் தொகை இருந்தபோதிலும், இந்த பட்டியலில் மிகவும் பின்தங்கிய நிலையில் உள்ளது. நாட்டில் மது அருந்துதல் அதிகரித்து வரும் அதே வேளையில், ஐரோப்பிய நாடுகளை விட இந்தியா மிகவும் பல இடங்கள் கீழே உள்ளது. இந்த பட்டியலில் இந்தியா 103-வது இடத்தில் உள்ளது.

இஸ்லாமிய நாடுகள்

மிகவும் குறைவாக மது அருந்தும் நாடுகள் பெரும்பாலும் இஸ்லாமிய நாடுகளாகும், அங்கு மத மற்றும் சட்டக் கட்டுப்பாடுகள் குடிப்பழக்கத்தைக் கட்டுப்படுத்துகின்றன. இந்த நாடுகளில், ஒரு நபரின் சராசரி மது உட்கொள்ளல் பூஜ்ஜியத்திற்கு மிக அருகில் உள்ளது. சில இஸ்லாமிய நாடுகள் மது அருந்துவதை அனுமதித்தாலும் பெரும்பாலான இஸ்லாமிய நாடுகள் அதை அனுமதிப்பதில்லை.