இந்த ஊரில் முதல் இரவுக்கு மூன்று பேராதான் போவாங்களாம்... உலகின் உறையவைக்கும் திருமண சடங்குகள்...!

திருமணங்கள் இந்தியாவில் திருவிழா போல கொண்டாடப்படுகிறது. ஒவ்வொரு மாநிலமும் அவர்களின் கலாச்சாரத்திற்கு ஏற்ப தங்களுக்கென தனிப்பட்ட திருமண சடங்குகளைக் கொண்டுள்ளது. நமது நாட்டிற்குள்ளேயே பல்வேறு சடங்குகள் இருக்கும் போது இந்த பரந்த உலகத்தைப் பற்றி கேட்க வேண்டிய அவசியமே இல்லை.

உலகெங்கிலும் திருமணத்தின் மரபுகள் வேறுபட்டாலும், அதன் பொதுவான நோக்கம் அன்பையும் மகிழ்ச்சியையும் பரப்புவதாகும். ஒவ்வொரு நாடும், கலாச்சாரமும் அவர்களுக்கென தனித்துவமான திருமண சடங்குகளைக் கொண்டுள்ளது.

இந்த சடங்குகள் சிலசமயங்களில் ஆச்சரியமளிப்பதாகவும், சில சமயங்களில் அதிர்ச்சியளிப்பதாகவும் இருக்கிறது. சில திருமண மரபுகள் மற்றும் பழக்கவழக்கங்கள் உங்களை பயமுறுத்துவதாகக் கூட இருக்கலாம். இந்த பதிவில் உங்களை வாய்பிளக்க வைக்கும் திருமண சடங்குகள் சிலவற்றை பார்க்கலாம்.

மணமகளை சுடும் வழக்கம்

யுகுர்ஸ் (சீன சிறுபான்மை இனத்தினர்) திருமணத்திற்கு முன்பே மணமகனை மணமகளை சுடும் மிகவும் பயங்கரமான பாரம்பரியம் உள்ளது. மணமகன் மழுங்கிய அம்பினால் மணமகளை குறிவைத்து மூன்று முறை சுட வேண்டும். இந்த செயல் முடிந்ததும், அவர் அம்புகளை சேகரித்து அவற்றை உடைக்க வேண்டும். அம்புகள் கூரானதாக இல்லாவிட்டாலும், அதனால் தாக்கப்படுவது கடுமையாக வலிக்கும்.

திமிங்கல பல்

பிஜியில், தபுவா (ஒரு திமிங்கல பல்) பரிசளிப்பது ஒரு பாரம்பரிய சடங்கு. இது திருமணத்தின் அடையாளமாக அல்லது மணமகளுக்கு பணம் செலுத்துவதாக வழங்கப்படுகிறது. பாரம்பரியமாக, இது தலைவர்கள் மற்றும் பிற புகழ்பெற்ற நபர்களால் செய்யப்பட்டது, ஆனால், இன்றும், இது தொடர்ந்து ஃபிஜியர்களால் மதிக்கப்படுகிறார்கள். பூமியில் உள்ள மிகப்பெரிய பாலூட்டியின் வாயிலிருந்து பற்களை எடுப்பது உண்மையான அன்பின் அறிகுறியாக இருக்கும்.

ஓடிப்போய் திருமணம் செய்வது

திருமணங்கள் மட்டுமல்ல, திருமணம் செய்துகொள்ளும் எண்ணமும் சில சமயங்களில் பைத்தியக்காரத்தனமாக இருக்கலாம். ஸ்காட்லாந்தில் உள்ள கிரெட்னா கிரீன் இதற்கு உதாரணமாகும். இங்கிலாந்தில் திருமணம் செய்து கொள்ள முடியாத இளம் ஜோடிகளுக்கு இது ஒரு பிரபலமான ஓடிப்போகும் இடமாக மாறியது. அதன்படி ஸ்காட்லாந்தில், நீங்கள் 18 வயதுக்கு மேல் இருந்தால், பெற்றோரின் அனுமதியின்றி திருமணம் செய்து கொள்ளலாம்.

மணமகள் மீது எச்சில் துப்புவது

கென்யாவில் ஒரு மாசாய் திருமணத்தில், மணமகள் கணவனுடன் கிராமத்தை விட்டு வெளியேறுவதற்கு முன்பு, மணமகளின் தந்தை தனது மகளின் தலை மற்றும் மார்பகங்களில் எச்சில் துப்புவதை பாரம்பரியமாக வைத்திருக்கிறார்கள். மேலும், தனது புதிய வீட்டிற்கு நடந்து செல்லும் போது, மணமகள் கல்லாக மாறிவிடுவார் என்று நம்பப்படுவதால், அவர் திரும்பிப் பார்க்க அனுமதிக்கப்படுவதில்லை.

வினோதமான முதலிரவு

உங்கள் பெற்றோர்கள் உங்கள் திருமண வாழ்க்கையில் தலையிடுவதாக நீங்கள் நினைத்தால், இந்த பாரம்பரியத்தைப் பற்றி நீங்கள் தெரிந்து கொள்ள வேண்டும். ஆப்பிரிக்காவில் உள்ள சில கிராமங்களில், முதல் இரவில் ஒரு வயதான பெண் புதுமணத் தம்பதிகளுடன் படுக்கையறைக்குள் செல்வது வழக்கம்.

உண்மைதான், முதலிரவில் எப்படி நடந்து கொள்ள வேண்டும் மற்றும் என்ன செய்ய வேண்டுமென்று மணப்பெண்ணுக்கு கற்றுக்கொடுக்க இது நடத்தப்படுகிறது. இது பொதுவாக கிராமத்தில் மூத்த பெண்ணாகவோ அல்லது சில சமயங்களில் மணப்பெண்களின் தாயாகவும் இருக்கலாம்.

உறவினர்கள் மீது நடப்பது

பிரெஞ்ச் பாலினேசியாவின் மார்கெசாஸ் தீவுகளில், திருமணம் முடிந்ததும், மணப்பெண்ணின் உறவினர்கள் மண்ணில் முகம் புதைத்தபடி, அருகருகே படுக்க வேண்டும். மணமகனும், மணமகளும் ஒருவித மனித விரிப்பு போல அவர்கள் மீது நடப்பார்கள் என்று எதிர்பார்க்கப்படுகிறது. நல்லவேளை இதெல்லாம் நம்ம ஊர்ல இல்லை.

தீவிர அழுகை

சீனாவின் துஜியன் இன சிறுபான்மையினர் இந்த வித்தியாசமான பாரம்பரியத்தைக் கொண்டுள்ளனர், அங்கு மணப்பெண் திருமணத்திற்கு ஒரு மாதத்திற்கு முன்பு ஒவ்வொரு நாளும் ஒரு மணி நேரம் அழ வேண்டும். மணமகளின் குடும்பத்தில் உள்ள பல பெண்களும் அழுவதற்கு ஊக்குவிக்கப்படுகிறார்கள், ஆனால் அவர்கள் பின்னர் மட்டுமே சேர முடியும். உதாரணமாக, இதில் 10 நாட்களில் அம்மா இணைகிறார், 20 நாட்களுக்குப் பிறகு பாட்டி அதில் இணைகிறார். பெண்கள் வெவ்வேறு தொனியில் அழுவது மகிழ்ச்சியின் வெளிப்பாடாக இருக்க வேண்டும், அதை ஒரு வகையான பாடலாக மாற்றுகிறது.

துடைப்பம் மீது குதிப்பது

இந்த பாரம்பரியம் அமெரிக்காவின் தெற்கு பகுதியிலிருந்து உருவாகிறது. அடிமைத்தனத்தின் நாட்களில், கறுப்பின புதுமணத் தம்பதிகள் துடைப்பத்தின் மீது குதிக்க வேண்டியிருந்தது. இந்த ஜோடி புதிய வாழ்க்கையில் முன்னேறி வருவதை இது குறிக்கிறது. இப்போது இது நடைமுறையில் இல்லை என்றாலும், சில தம்பதிகள் இன்னும் இந்த பாரம்பரியத்தில் பங்கேற்கின்றனர்.

விடுகதைகளுக்கான நேரம்

அஸ்ஸாமில், மணமகன் தனது மணமகளை அழைக்க வரும்போது, அவர் விடுகதைகளுக்கு பதிலளித்து அவருடைய உறவினர்கள் மற்றும் நண்பர்களின் தடுப்பு சுவரை உடைக்க வேண்டும். மணமகளின் தரப்பில் உள்ளவர்கள் அவரிடமிருந்து பதில்களைக் கோருகிறார்கள் மற்றும் சில சமயங்களில் பணத்தையும் கேட்கிறார்கள். இவை அனைத்தும் அவரது காதல் உண்மையில் எவ்வளவு வலிமையானது என்பதை நிரூபிக்கும்.