உலகில் அதிக IQ உள்ள டாப் 10 புத்திசாலி நபர்கள் இவங்கதான்... இவங்க எந்த நாட்டை சேர்ந்தவர்கள் தெரியுமா?

Top 10 People With The Highest IQs In The World: உலகத்தில் பணத்துக்கு பிறகு அனைவரையும் ஈர்க்கும் ஒரு விஷயம் எதுவென்றால் அது புத்திசாலித்தனம்தான். சில சமயங்களில் பணத்தை விட புத்திக்கூர்மைக்கு அதிக மதிப்பளிக்கப்படுகிறது. IQ என்றும் பிரபலமாகக் குறிப்பிடப்படும் புத்திக்கூர்மையின் அளவு, உளவியலாளர்கள் முதல் சாதராண மக்களைக் கூட ஈர்க்கும் ஒரு விஷயமாக இருந்து வருகிறது.

அதிக IQ உள்ளவர்கள் பிரச்சினைகளைத் தீர்ப்பது, மாறுபட்ட அணுகுமுறை மற்றும் பகுத்தறியும் சிந்தனை போன்ற சிறப்பு குணங்களைக் கொண்டுள்ளனர். IQ மதிப்பெண் அதிகமாக இருப்பது ஒருவரை சிறந்த புத்திசாலியாக மாற்றுகிறது. கிட்டதட்ட 700 கோடி மக்கள் தொகை இருக்கும் உலகில் யாருடைய IQ அதிகமாக உள்ளது என்பது உங்களுக்குத் தெரியுமா? தி கிகா சொசைட்டியின் ஆய்வின்படி, உலகின் அதிக IQ உள்ள டாப் 10 மக்கள் யாரென்று இந்த பதிவில் தெரிந்து கொள்ளலாம்.

யங்ஹூன் கிம்

தென் கொரியாவை சேர்ந்த யங்ஹூன் கிம் உலகின் மிக உயர்ந்த IQ மதிப்பெண் உள்ள மனிதர் என்ற சாதனையைப் படைத்துள்ளார், அவரது IQ மதிப்பெண் 276 ஆகும். தென் கொரியவின் பல்துறை வல்லுநரான இவர் யுனைடெட் சிக்மா இன்டலிஜென்ஸ் அசோசியேஷனின் தலைவராகவும் உள்ளார். மொழியியல் மற்றும் உளவியல் துறைகளில் அவர் குறிப்பிடத்தக்க பங்களிப்பைச் செய்துள்ளார், மேலும் பல சர்வதேச உளவுத்துறை அமைப்புகளுக்கு ஆலோசகராகவும் பணியாற்றி வருகிறார்.

டெரன்ஸ் தாவோ

டெரன்ஸ் தாவோ ஒரு ஆஸ்திரேலிய-அமெரிக்க கணிதவியலாளர் ஆவார். அவர் 'கணிதத்தின் மொஸார்ட்' என்றும் அழைக்கப்படுகிறார். அவர் 24 வயதில் UCLA-வில் முழு நேர பேராசிரியராகப் பதவி உயர்வு பெற்றார், மேலும் ஃபீல்ட்ஸ் பதக்கம் பெற்றார். உலகின் இரண்டாவது மிக உயர்ந்த IQ கொண்ட தாவோ கணிதத் துறைகளில், குறிப்பாக ஹார்மோனிக் பகுப்பாய்வு மற்றும் எண் கோட்பாட்டில் புரட்சிகரமான பங்களிப்புகளைச் செய்துள்ளார். அவரின் IQ மதிப்பெண் 230 ஆகும்.

மர்லின் வோஸ் சாவந்த்

இந்த பட்டியலில் உள்ள ஒரே பெண் இவர்தான். இவர் ஒரு அமெரிக்க எழுத்தாளர் மற்றும் கட்டுரையாளர் ஆவார், அவர் 228 மதிப்பெண்களுடன் மூன்றாவது இடத்தில் உள்ளார். பரேட் பத்திரிகையில் 'Ask Marilyn' என்ற பிரிவுக்காக அவர் பரவலாக அறியப்படுகிறார். இந்த பிரிவில் அவர் புதிர்களைத் தீர்த்து லாஜிக்கான கேள்விகளுக்கு பதிலளித்தார். மர்லின் தனது அதிக IQ-க்காக கின்னஸ் புத்தகத்திலும் இடம் பிடித்துள்ளார்.

கிறிஸ்டோபர் ஹிராட்டா

நான்காவது இடத்தில் உள்ள கிறிஸ்டோபர் ஹிராட்டா 13 வயதிலேயே, சர்வதேச இயற்பியல் ஒலிம்பியாட் போட்டியில் தங்கப் பதக்கம் பெற்றார், மேலும் 22 வயதில் தனது முனைவர் பட்டத்தைப் பெற்றார். ஜப்பானிய-அமெரிக்க வானியற்பியலாளர் இவர் 225 IQ மதிப்பெண்ணைப் பெற்றுள்ளார், மேலும் செவ்வாய் கிரகத்திற்கு செல்லும் பயணத்தில் நாசாவுடன் இணைந்து பணியாற்றியுள்ளார்.

ஷோ யானோ

ஷோ யானோ ஒரு அமெரிக்க குழந்தை மேதையாவார் மற்றும் 200 IQ மதிப்பெண்ணைக் கொண்டுள்ளார். அவர் 9 வயதில் பல்கலைக்கழகத்தில் சேர்க்கப்பட்டு 21 வயதில் MD பட்டம் பெற்றார். அவரது மரபியல் மற்றும் மூலக்கூறு உயிரியல் துறைகளில் ஆராய்ச்சி செய்து வருகிறார், மேலும் மிகச்சிறய வயதிலேயே வரது மருத்துவ மற்றும் அறிவியல் துறையில் பெரிய பங்களிப்புகளை செய்துள்ளார்.

எவாஞ்சலோஸ் கட்சியோலிஸ்

எவாஞ்சலோஸ் கட்சியோலிஸ் ஒரு கிரேக்க மனநல மருத்துவர், மேலும் மருத்துவம், ஆராய்ச்சி மற்றும் தத்துவ துறையில் உயர் பட்டங்களைப் பெற்றவர் மற்றும் 198 IQ மதிப்பெண் பெற்றவர். இந்த மேதை உயர் IQ சமூகத்தின் தலைவராக உள்ளார், மேலும் கல்வித் துறையில் தனது சாதனைகளுக்காகப் பிரபலமானவராக உள்ளார்.

கிறிஸ்டோபர் ஹார்டிங்

கிறிஸ்டோபர் ஹார்டிங் International Society for Philosophical Enquiry (ISPE) அமைப்பின் ஆஸ்திரேலிய நிறுவனர் ஆவார். அவர் 'உலகின் புத்திசாலி மனிதர்' என்று கின்னஸ் புத்தகத்திலும் இடம்பெற்றார், அவரது IQ மதிப்பெண் 197 ஆகும். மேலும் சர்வதேச உயர்-IQ குழுக்களில் அவர் ஒரு முக்கிய நபராக உள்ளார்.

கிறிஸ்டோபர் லங்கன்

கிறிஸ்டோபர் லங்கன் ஒரு காலத்தில் 'அமெரிக்காவின் புத்திசாலி மனிதர்' என்று அழைக்கப்பட்டார், அவரது IQ மதிப்பெண் 195 ஆகும். மேலும் அவர் தனது Cognitive Theoretic Model of the Universe (CTMU) பிரபலமானவர், இது அறிவியல், தத்துவம் மற்றும் இறையியல் ஆகியவற்றை இணைக்க முயற்சிக்கும் கோட்பாடாகும். அவரது புத்திக்கூர்மையின் சிறப்பு அம்சம் என்னவென்றால், அவர் கிட்டத்தட்ட சுயமாகப் படித்தவர்.

ரிக் ரோஸ்னர்

192 IQ மதிப்பெண்ணுடன் ரிக் ரோஸ்னர், உலகின் மிக உயர்ந்த IQ கொண்டவர்கள் பட்டியலில் ஒன்பதாவது இடத்தில் உள்ளார். தொலைக்காட்சி எழுத்தாளர் முதல் விளையாட்டு நிகழ்ச்சிகளில் விளையாடுவது வரை அவர் தனது வாழ்நாள் முழுவதும் பன்முகத்தன்மை கொண்ட வாழ்க்கையை வாழ்ந்தார்.

கேரி காஸ்பரோவ்

இந்த பட்டியலில் பத்தாவது இடத்தில் இருப்பவர் 190 !Q மதிப்பெண் பெற்றுள்ள கேரி காஸ்பரோவ் ஆவார். ஒரு அவர் ஒரு ரஷ்ய செஸ் கிராண்ட்மாஸ்டர் மற்றும் முன்னாள் உலக செஸ் சாம்பியன் ஆவா. மேலும் அவர் ஒரு எழுத்தாளர் மற்றும் அரசியல் ஆர்வலரும் ஆவார். கம்ப்யூட்டருக்கு எதிராக சதுரங்கப் போட்டிகளை விளையாடுவதன் மூலம் மேம்பட்ட செயற்கை நுண்ணறிவின் எழுச்சியையும் அவர் ஆதரித்துள்ளார்.