இந்தியாவில் ஆயிரக்கணக்கான கோடிகளை கொட்டி நடத்தப்பட்ட டாப் 10 திருமணங்கள் என்னென்ன தெரியுமா?

இந்தியாவில் திருமண உறவு என்பது வெறும் நிகழ்வு என்பதையும் விட மிகவும் முக்கியத்துவம் வாய்ந்தது. இந்திய பெற்றோர்களின் மிகப்பெரிய கனவே தங்கள் குழந்தைகளின் திருமணத்தை ஆடம்பரமாக நடத்த வேண்டும் என்பதுதான். ஆனால் சில இந்திய தொழிலதிபர்களின் வாரிசுகளின் திருமணம் இந்தியாவையும் தாண்டி உலகையே திரும்பி பார்க்க வைத்தது.

இந்தியாவின் ஆடம்பர திருமணம் என்று வரும்போது அனைவருக்கும் முதலில் நினைவிற்கு வருவது முகேஷ் அம்பானி மகனான அனந்த் அம்பானியின் திருமணம்தான். ஆனால் கடந்த காலங்களில் இந்த திருமணத்தை விட சில பிரமாண்டமான திருமணங்கள் நடைபெற்றன. இந்த பதிவில் இந்திய வரலாற்றில் மிகவும் ஆடம்பரமாக நடைபெற்ற திருமணங்கள் என்னென்ன என்று தெரிந்து கொள்ளலாம்.

அனந்த் அம்பானி மற்றும் ராதிகா மெர்ச்சண்ட்

இந்தியாவின் நம்பர் ஒன் பணக்காரரான முகேஷ் அம்பானி இல்லத்தில் கடந்த வருடம் நடந்த திருமணம்தான் மிகவும் ஆடம்பரமான திருமணமாகும். முகேஷ் அம்பானி மற்றும் நீதா அம்பானியின் இளைய மகன் அனந்த் அம்பானி, ஜூலை 2024 இல் மும்பையில் ராதிகா மெர்ச்சண்டை மணந்தார். இந்த திருமணத்தின் கொண்டாட்டங்கள் பல மாதங்களுக்கு முன்பே குஜராத்தின் ஜாம்நகரில் தொடங்கின, இந்த மூன்று நாள் கொண்டாட்டம் உலகையே திரும்பி பார்க்க வைத்தது. உலகளாவிய பெருநிறுவனங்களின் தலைமை நிர்வாக அதிகாரிகள், பாலிவுட் நடிகர்கள், அரச குடும்ப உறுப்பினர்கள் மற்றும் அரசியல் தலைவர்கள் என இந்த நிகழ்வில் கலந்து கொண்ட விருந்தினர்களின் பட்டியல் நீண்டு கொண்டே செல்லும். முகேஷ் அம்பானி இந்த திருமணத்திற்காக கிட்டதட்ட 1260 கோடிக்கு மேல் செலவிடப்பட்டதாக கூறப்படுகிறது.

இஷா அம்பானி மற்றும் ஆனந்த் பிரமல் திருமணம்

இரண்டாவது இடத்திலிருப்பதும் முகேஷ் அம்பானி வீட்டு திருமணம்தான். இஷா அம்பானி மற்றும் ஆனந்த் பிரமலின் திருமணம் மிகவும் பிரமாண்டமாகவும், இந்தியாவின் மிகவும் விலையுயர்ந்த திருமணங்களில் ஒன்றாகவும் இருந்தது. இஷா அம்பானியின் திருமணச் செலவு சுமார் ₹700 கோடி. முதலில் உதய்பூரில் பெரிய விருந்துகளை நடத்தினர், பின்னர் மும்பையில் அவர்களின் ஆடம்பர மாளிகையான ஆன்டிலியாவில் திருமணத்தை நடத்தினர்.

சுஷாந்தோ ராய் மற்றும் சீமந்தோ ராய் திருமணம்

2004 பிப்ரவரயில் லக்னோவில் நடைபெற்ற சஹாரா குழுமத்தைச் சேர்ந்த சுஷாந்தோ ராய் மற்றும் சீமந்தோ ராய் ஆகியோரின் திருமணம் இந்தியாவின் மிகவும் ஆடம்பர திருமணங்களில் மூன்றாவது இடத்தில் உள்ளது. 20 ஆண்டுகளுக்கு முன்னரே இந்த திருமணத்துக்கு ₹552 கோடிக்கும் அதிகமாக செலவழிக்கப்பட்டது. இதில் கலந்து கொண்டவர்கள் 110 க்கும் மேற்பட்ட உணவுகளுடன் ஒரு அரச விருந்தை அனுபவித்தனர். பல பிரபல பாலிவுட் நட்சத்திரங்களும் பெரிய தொழிலதிபர்களும் இந்த பிரம்மாண்ட திருமணத்தில் கலந்து கொண்டனர்.

பிராமணி ரெட்டி மற்றும் ராஜீவ் ரெட்டி திருமணம்

இந்தியாவின் மிகப்பெரிய தொழிலதிபரான கலி ஜனார்தன் ரெட்டியின் மகள் பிராமணி ரெட்டி, நவம்பர் 2016 இல் ராஜீவ் ரெட்டியை மணந்தார். இந்த திருமணம் பெங்களூரு அரண்மனையில் நடந்தது. இந்த திருமணத்துக்கு கிட்டதட்ட ₹550 கோடி செலவு செய்யப்பட்டது. இந்த திருமணம் மிகவும் பிரமாண்டமாக நடைபெற்றது மற்றும் ஆடம்பரமான பொருட்கள் நிறைந்ததாக இருந்தது. இரு குடும்பத்தினரும் மிகப்பெரிய செல்வந்தராக இருந்ததால் அவர்களின் திருமணத்துக்கு தாராளமாக செலவு செய்தனர்.

ஸ்லோகா மேத்தா மற்றும் ஆகாஷ் அம்பானி திருமணம்

மார்ச் 2019 இல் நடந்த ஸ்லோகா மேத்தா மற்றும் ஆகாஷ் அம்பானியின் திருமணம் இந்தியாவின் மறக்க முடியாத மிகப்பெரிய அரச குடும்பத் திருமணங்களில் ஒன்றாகும். மும்பையில் உள்ள ஜியோ வேர்ல்ட் சென்டரில் இந்த திருமணம் நடந்தது. இந்த திருமணத்துக்கு 100 கோடிக்கும் மேல் செலவழிக்கப்பட்டது. நேர்த்தி மற்றும் ஆடம்பரம் நிறைந்த இந்த திருமணம், இந்தியா முழுவதும் அனைவரையும் பேச வைத்தது.

லலித் தன்வார் மற்றும் யோகிதா ஜௌனாபுரியா

2011 ஆம் ஆண்டில், லலித் தன்வார் மற்றும் யோகிதா ஜௌனாபுரியாவின் திருமணம் இந்தியாவின் மிக ஆடம்பரமான திருமணங்களில் ஒன்றாகும், இந்த திருமணத்துக்காக சுமார் ₹250 கோடி செலவிடப்பட்டது. டெல்லி NCR இல் ஆடம்பரமும், நேர்த்தியும் நிறைந்த இந்த கொண்டாட்டமான திருமணம் நடைபெற்றது. பிரபலமான விருந்தினர்கள் முதல் பிரமாண்டமான ஏற்பாடுகள் வரை, திருமணம் அரச திருமணம் போல நடைபெற்றது.

வினீதா அகர்வால் மற்றும் முகித் தேஜா திருமணம்

2011 ஆம் ஆண்டு நடைபெற்ற வினீதா அகர்வால் மற்றும் முகித் தேஜாவின் திருமணம் மிகவும் விலையுயர்ந்த இந்திய திருமணங்களில் ஒன்றாகும். இது பிரான்சில் உள்ள கேன்ஸில் நடந்தது, இந்த திருமணத்திற்காக கிட்டத்தட்ட ₹130 கோடி செலவில் நடத்தப்பட்டது. ஆடம்பரமான மண்டபத்திலிருந்து அற்புதமான வெளிநாட்டு இடம் வரை முழு திருமணமும் மிகவும் பிரமாண்டமாக நடைபெற்றது.

மல்லிகா ரெட்டி மற்றும் சித்தார்த் இந்துகுரி திருமணம்

மல்லிகா ரெட்டி மற்றும் சித்தார்த் இந்துகுரி திருமணம் 2011 ஆம் ஆண்டு நடைபெற்ற இந்தியாவின் மிகவும் ஆடம்பரமான திருமணங்களில் ஒன்றாகக் கருதப்படுகிறது. இந்த திருமணத்திற்கான செலவு ₹100 கோடிக்கும் மேல் இருந்தது. இந்த ஆடம்பர கல்யாணம் ஹைதராபாத்தில் நடந்தது, அரச அலங்காரங்கள், பிரபலமான விருந்தினர்கள் மற்றும் பாரம்பரிய நிகழ்வுகள் என இந்த திருமணம் மறக்க முடியாத ஒரு நிகழ்வாக இருந்தது.

பாயல் பன்சால் மற்றும் தீபக் கனோடியா திருமணம்

2012 ஆம் ஆண்டு, பாயல் பன்சாலும் தீபக் கனோடியாவும் உதய்பூரில் மிகப் பிரமாண்டமாக திருமணம் செய்து கொண்டனர். இந்த திருமணம் இந்தியாவின் பிரபலமான ஆடம்பரத் திருமணங்களில் ஒன்றாகும். இதன் செலவு ₹100 கோடிக்கும் அதிகமாக இருந்தது.

அடெல் சாஜன் மற்றும் சனா கான் திருமணம்

ஏப்ரல் 2017 இல், டானூப் குழுமத்தைச் சேர்ந்த செல்வந்தரான ரிஸ்வான் சஜனின் மகன் அடெல் சஜன், சனா கானை மிகவும் ஆடம்பரமாக திருமணம் செய்து கொண்டார்சென்ற . இத்தாலியில் இருந்து பிரான்சுக்கு ஒரு சொகுசு கப்பலில் அவர்களின் திருமணம் நடந்தது. இந்த திருமணத்திற்கு ₹90 கோடிக்கும் அதிகமாக செலவு செய்யப்பட்டது, இதுவும் இந்திய வரலாற்றில் மிகவும் விலையுயர்ந்த திருமணங்களில் ஒன்றாகும்.