இந்தியாவில் அதிகம் மது அருந்தும் டாப் 10 மாநிலங்கள் இதுதான்... தமிழ்நாடு எத்தனாவது இடத்தில் இருக்கு தெரியுமா?

Top 10 Indian States Who Drink the Most Alcohol: இந்தியாவில் தற்போது வேகமாக அதிகரித்து வரும் ஒரு பிரச்சினை மது அருந்துதல். ஒரு வகையில் இது நாட்டின் வருமானத்தை அதிகரித்தாலும் மக்களின் ஆரோக்கியத்தையும், மக்களின் குடும்ப நலனையும் பாதிக்கிறது. இந்தியாவின் குடிப்பழக்கம் அதன் புவியியல் அமைப்பு மற்றும் பிராந்தியத்திற்கு ஏற்ப மாறுபடுகிறது. இந்தியாவின் பன்முகத்தன்மை என்பது அதன் குடிப்பழக்கத்திலும் தொடர்கிறது.

உள்ளூர் கலாச்சாரம், பழங்குடி நடைமுறைகள் மற்றும் சமூக சகிப்புத்தன்மை ஆகியவை இந்தியாவில் மது அருந்துவதை பெரும் தாக்கத்தை ஏற்படுத்துகின்றன. இந்தியாவில் தேசிய அளவில் மது அருந்தும் சராசரி குறைவாக இருந்தாலும், சில மாநிலங்களில் விதிவிலக்காக அதிக அளவில் மது அருந்துதல் உள்ளது. NFHS (தேசிய குடும்ப சுகாதார கணக்கெடுப்பு-5) படி, ஆண்கள் மற்றும் பெண் நுகர்வோருடன் சேர்ந்து, இந்தியாவில் அதிக மது அருந்தும் டாப் 10 மாநிலங்கள் என்னென்ன என்று இந்த பதிவில் தெரிந்து கொள்ளலாம்.

அருணாச்சலப் பிரதேசம்

இந்த பட்டியலில் முதலிடத்தில் இருப்பது அருணாச்சலப் பிரதேசம். அருணாச்சலப் பிரதேச மக்கள் அதிக மது அருந்துகிறார்கள், இதில் ஆண்கள் மற்றும் பெண்கள் இருவருமே அடங்குவர். இங்கு 52% ஆண்களும், 24% பெண்களும் மது அருந்துகின்றனர். மது அருந்துவது அவர்களின் பழங்குடி கலாச்சாரத்தின் ஒரு முக்கிய அம்சமாகும். கூடுதலாக, அபோங், ஓபோ மற்றும் மதுவா போன்ற பாரம்பரிய பானங்கள் விழாக்கள், சடங்குகள் மற்றும் சமூக நிகழ்வுகளில் வழக்கமான உள்ளூர் மக்களிடையே மிகவும் பிரபலமாக உள்ளன. இந்த கிழக்கு மாநிலத்தில், ஒவ்வொரு பழங்குடியினருக்கும் அவர்களின் சொந்த மதுபானம் தயாரிக்கும் நுட்பம் உள்ளது.

தெலுங்கானா

மது அருந்துவதில் தெலுங்கானா இரண்டாவது இடத்தில் உள்ளது, குறிப்பாக ஆண்கள் இங்கு அதிகம் மது அருந்துகின்றனர். இங்கு 43% ஆண்கள் மது அருந்துகின்றனர் மற்றும் 6% பெண்கள் மது அருந்துகின்றனர். பண்டிகைகள் மற்றும் விருந்துகளின் போது மது அருந்துவது பொதுவானது, மேலும் உள்ளூர் மதுபானங்கள் மற்றும் பிராண்டட் பாட்டில்கள் எளிதாகக் கிடைப்பது உயர் குடி தரவரிசைக்கு முக்கிய காரணிகளில் ஒன்றாகும். கலாச்சார தாக்கங்கள் மற்றும் உள்ளூர் மரபுகள் காரணமாக, மாநிலத்தின் கிராமப்புற பகுதிகளில் அதிகமாக மக்கள் மது அருந்துகிறார்கள்.

சிக்கிம்

சிக்கிமில் 39% ஆண்கள் மது அருந்துகின்றனர் மற்றும் 16% பெண்கள் மது அருந்துகின்றனர். சிக்கிமின் மது கலாச்சாரம் சாங் (தினை பீர்) மற்றும் டோங்பா போன்ற பிரபலமான வீட்டில் தயாரிக்கப்பட்ட மதுபானங்களை சார்ந்து உள்ளது. இங்கு மத சடங்குகள், பண்டிகைகள் மற்றும் அன்றாட வாழ்வில் மது ஒரு முக்கிய அங்கமாக உள்ளது. ஆண்களும், பெண்களும் மது அருந்துவதற்கு பரவலான சமூக அங்கீகாரம் இங்கு நிலவுகிறது.

கோவா

இந்த பட்டியலில் கோவா இல்லாவிட்டால் அது தேசிய குற்றமாகிவிடும். இங்குள்ள சுற்றுலாத்துறையும், பரபரப்பான இரவு வாழ்க்கையும் மது அருந்துவதை பரவலாக்குகிறது. இங்கு 36% ஆண்களும், 6% சதவீத பெண்களும் மது அறிந்துகின்றனர். இங்கு மதுபானம் மலிவானது மற்றும் எளிதில் கிடைக்கிறது, இது உள்ளூர்வாசிகள் மற்றும் சுற்றுப்பயணிகள் சமூக குடிப்பழக்கத்தில் ஈடுபடுவதை எளிதாக்குகிறது. ஃபெனி, பீர் மற்றும் ஒயின் போன்ற உள்ளூர் மதுபானங்கள் இங்கு மிகவும் பிரபலமானவை.

மணிப்பூர்

தற்போது பற்றி எரிந்து கொண்டிருக்கும் மணிப்பூர் இந்த பட்டியலில் ஐந்தாவது இடத்தில் உள்ளது. இங்கு 37% ஆண்களும், 1% பெண்களும் மது அருந்துகிறார்கள். மணிப்பூரில் வீட்டில் தயாரிக்கப்பட்ட மதுபானம் ஒரு வளமான கலாச்சார பாரம்பரியத்தைக் கொண்டுள்ளது, இது மத மற்றும் சமூக விழாக்களில் பயன்படுத்தப்படுகிறது. அவ்வப்போது கட்டுப்பாடுகள் விதிக்கப்பட்டாலும், உள்ளூர் மதுபானங்களுக்கு எப்போதும் தேவை உள்ளது.

ஜார்க்கண்ட்

ஜார்க்கண்ட்-ல் 36% ஆண்களும், 6% பெண்களும் மது அருந்துகின்றனர். ஜார்க்கண்டின் பழங்குடி மக்கள், சமூக நிகழ்வுகள், திருவிழாக்கள் மற்றும் சடங்குகளில் உள்ளூரில் காய்ச்சி உட்கொள்ளும் பாரம்பரிய மது பழக்கவழக்கங்களுக்குப் பழக்கப்பட்டுள்ளனர். வீட்டில் தயாரிக்கப்பட்ட மதுபானங்களை பெண்களே விற்கிறார்கள். இங்கு மது கலாச்சாரம் மட்டுமல்ல பொருளாதாரம் சார்ந்ததாகவும் இருக்கிறது.

சத்தீஸ்கர்

சத்தீஸ்கரில் 34% ஆண்களும், 5% பெண்களும் மது அருந்துகிறார்கள், குறிப்பாக பழங்குடி மற்றும் கிராமப்புற சமூகங்களிடையே மது பொதுவானது. பாரம்பரிய மதுபானங்கள் கொண்டாட்டங்கள் மற்றும் சடங்குகளின் போது உட்கொள்ளப்படுகின்றன, மேலும் மது அருந்துவதற்கு சமூக அங்கீகாரமும் உள்ளது. மாநிலத்தின் குடிப்பழக்கம் அதன் பழங்குடி குழுக்களின் மரபுகளுடன் வலுவான தொடர்புகளைக் கொண்டுள்ளது.

திரிபுரா

திரிபுராவில் 33% ஆண்களும், 6% பெண்களும் மது அருந்துகிறார்கள். திரிபுராவின் பழங்குடி மக்கள், அரிசி பீர் மற்றும் பிற உள்ளூர் பானங்களை உற்பத்தி செய்வதில் நீண்ட வரலாற்றைக் கொண்டுள்ளனர், இவை சமூக விழாக்கள் மற்றும் சடங்குகளில் உட்கொள்ளப்படுகின்றன. இங்கு மது அருந்துவது அவர்களின் சமூகத்தின் ஒரு அங்கமாக உள்ளது.

இமாச்சல பிரதேஷ்

இமாச்சல பிரதேஷத்தில் 32% ஆண்களும், 1% பெண்களும் மது அருந்துவதை வழக்கமாக வைத்திருக்கிறார்கள். இமாச்சலப் பிரதேசத்தில், குறிப்பாக கிராமப்புற மற்றும் மலைப்பகுதிகளில், பண்டிகைகள் மற்றும் பொதுக் கூட்டங்களில் மது அருந்துவது வழக்கமாக உள்ளது. லுக்டி மற்றும் சாங் ஆகியவை பிரபலமான உள்ளூர் மதுபானங்களாக உள்ளது, மேலும் மது கலாச்சாரம் மாநிலத்தின் சமூக மரபுகளில் ஒருங்கிணைந்ததாக உள்ளது.

மேகாலயா

மேகாலயாவில் 32% ஆண்கள் மது அருந்துகின்றனர் மற்றும் 1% பெண்கள் மாடு அருந்துகின்றனர். மேகாலயாவின் பழங்குடி சமூகங்களில், மது அருந்துவதில் நீண்ட வரலாற்றைக் கொண்டுள்ளது. அபோங் மற்றும் பிற அரிசி பீர் வகைகள் விழாக்கள் மற்றும் கொண்டாட்டங்களில் மையப் புள்ளிகளாக உள்ளன.

தமிழ்நாடு

தமிழ்நாட்டில் 29% ஆண்களும், 1% பெண்களும் மது அருந்துகின்றனர். மது அருந்துவதற்கு தமிழ்நாட்டில் சமூக அங்கீகாரம் இல்லாவிட்டாலும் இங்கு மது அருந்துபவர்களின் எண்ணிக்கை தொடர்ந்து அதிகரித்து வருகிறது.