உலகில் அதிகமாக சூதாடும் டாப் 10 நாடுகள் என்னென்ன தெரியுமா? இந்தியா எத்தனாவது இடத்தில் இருக்கு தெரியுமா?

சூதாட்டம் என்பது ஒருவரின் மிகவும் மோசமான பழக்கங்களில் ஒன்றாகும். கடந்த சில ஆண்டுகளில் உலகளவில் சூதாட்ட சந்தையும், சூதாடுப்பவர்களின் எண்ணிக்கை வேகமாக அதிகரித்து வருகிறது. உலகம் முழுவதும் பில்லியன் கணக்கான மக்கள் ஆண்டுதோறும் சூதாடுகிறார்கள். இந்த சூதாட்ட சந்தையின் வளர்ந்து வரும் போக்கிற்கு மக்களின் பேராசையும், டிஜிட்டல் சாதனங்களின் அதிக பயன்பாடும் முக்கிய காரணமாக இருக்கலாம்.

தினமும் நூற்றுக்கணக்கான ரம்மி ஆப்கள் பரவி வருகிறது மற்றும் சூதாடும் பழக்கம் இல்லாதவர்கள் கூட தற்போது சூதாட தொடங்குகிறார்கள் என்பதே கசப்பான உண்மை. சில நாடுகளில் சூதாடுவது அங்கீகரிக்கப்பட்டது மற்றும் இந்த நாடுகளில் சூதாட்டம் செழித்து வருகின்றன. World Casino Directory அறிக்கையின் படி உலகில் அதிகம் சூதாடும் நாடுகள் என்னென்ன மற்றும் இந்தியா இதில் எந்த இடத்தில் இருக்கிறது என்று இந்த பதிவில் தெரிந்து கொள்ளலாம்.

அமெரிக்கா

உலகின் மிகப்பெரிய சூதாட்ட நாடாக அமெரிக்கா, 2,190 கேசினோக்களைக் கொண்டுள்ளது. லாஸ் வேகாஸ் மற்றும் அட்லாண்டிக் சிட்டி போன்ற உலகப் புகழ்பெற்ற சூதாட்ட மையங்களையும் இந்த நாடு கொண்டுள்ளது. கூடுதலாக, வேகமாக வளர்ந்து வரும் ஆன்லைன் விளையாட்டு சூதாட்டமும் இங்கு சூதாடுபவர்களின் எண்ணிக்கையை தொடர்ந்து அதிகரிக்கிறது.

செர்பியா

செர்பியா உலகின் இரண்டாவது பெரிய சூதாட்ட நாடாக உள்ளது. இங்கு 522 சூதாட்ட விடுதிகள் உள்ளன. உள்நாட்டு சூதாட்ட வணிகங்கள் மற்றும் சூதாட்ட நடவடிக்கைகளை ஆதரிக்கும் கடுமையான சட்டங்கள் இங்கு அமலில் உள்ளன. ஏனெனில் 18 வயதுக்கு மேற்பட்ட எவரும் கேசினோ மற்றும் ஆன்லைன் சூதாட்ட விடுதிகளில் விளையாடலாம் என்ற விதிமுறை இங்கு உள்ளது.

இத்தாலி

இத்தாலியில் பழங்காலம் முதலே சூதாட்டம் என்பது அவர்களின் கலாச்சாரத்தின் ஒரு பகுதியாக இருந்து வருகிறது. தற்போது இத்தாலியில் 480 சூதாட்ட விடுதிகள் உள்ளன மற்றும் ஆண்டுக்கு $19 பில்லியனுக்கும் தொகை மக்களால் இங்கு சூதாட்டத்தில் இழக்கப்படுகிறது. இத்தாலியர்கள் இணையத்தைப் பயன்படுத்துவதை விட, நேரில் சென்று பந்தயம் கட்டுவதையே அதிகளவில் விரும்புகிறார்கள்.

ருமேனியா

ருமேனியாவின் சூதாட்ட துறையும் வேகமாக வளர்ந்து வருகிறது, சுற்றுலா ரிசார்ட் மற்றும் நகரத்தை தளமாகக் கொண்ட சூதாட்ட இடங்கள் உட்பட 445 கேசினோக்கள் இங்கு உள்ளன. நடந்துகொண்டிருக்கும் சட்ட தாராளமயமாக்கல் மற்றும் சுற்றுலா ஆகியவை கேசினோக்களில் விளையாடுபவர்களின் எண்ணிக்கையை அதிகரித்து வருகிறது.

செக் குடியரசு

செக் குடியரசில் கிட்ட்த்தட்ட 363 கேசினோக்கள் உள்ளன, குறிப்பாக பிராகா போன்ற சுற்றுலா தலங்களிலும் எல்லைப் பகுதிகளுக்கு அருகிலும் அதிக சூதாட்ட விடுதிகள் உள்ளன. சாதகமான கேமிங் சட்டங்கள் மற்றும் சுற்றுலா சந்தைப்படுத்தல் காரணமாக இங்கு சூதாட்டம் இங்கு செழித்து வளர்கிறது.

பல்கேரியா

பல்கேரியாவில் கேசினோக்களின் வளர்ச்சி அதிகமாக இருக்க காரணம் உள்ளூர் மக்களின் ஆர்வம் மற்றும் சர்வதேச சுற்றுலாப் பயணிகளின் வளர்ச்சியுமாகும். பல்கேரியாவில் உள்ள 340 கேசினோக்களில் வணிகத்தை எளிதாக்கும் விதிமுறைகள் ஆதரிக்கப்படுகின்றன, அவை பல்கேரியாவை அந்த பிராந்தியத்தின் சூதாட்ட மையமாக மாற்றியுள்ளன.

ஸ்பெயின்

தாராளமான சூதாட்டச் சட்டங்களும் மற்றும் உள்ளூர் மக்களின் சூதாட்டத்தின் மீதான ஆர்வம் காரணமாக, ஸ்பெயினில் 324 சூதாட்ட விடுதிகள் உள்ளன. பேட்டிங் சென்டர்கள், லாட்டரிகள் மற்றும் சூதாட்ட விடுதிகள் இங்கு கலாச்சாரரீதியாகப் பிரபலமானவை.

இங்கிலாந்து

இங்கிலாந்தில் கிட்டதட்ட 278 சூதாட்ட விடுதிகள் உள்ளன. உலகிலேயே சிறந்த முறையில் நிர்வகிக்கப்படும் கேசினோ துறைகளை இந்த நாடு கொண்டுள்ளது. தற்போது ஆன்லைன் சூதாட்டம் இங்கு பிரபலமாகிவிட்டது, இப்போது அனைத்து சூதாட்டங்களிலும் பாதிக்கும் மேற்பட்டவை ஆன்லைனில் நடைபெறுகின்றன.

கனடா

கனடாவிலும் சூதாட்டத் துறை வேகமாக வளர்ந்து வருகிறது, வணிக மற்றும் பழங்குடி கேசினோக்கள் நாடு முழுவதும் பரவியுள்ளன, இங்கு கிட்டதட்ட 218 கேசினோக்கள் உள்ளன. கனடாவின் சூதாட்டத் துறை ஆண்டுக்கு $17 பில்லியன் மதிப்புடையது மற்றும் தொடர்ந்து வளர்ந்து வருகிறது, குறிப்பாக ஆன்லைன் கேமிங்கை நிர்வகிக்கும் சட்டங்கள் குறைவான கடுமையானதாகி வருவதால் மக்கள் நம்பிக்கையுடன் விளையாடி வருகிறார்கள்.

ஸ்லோவாக்கியா

204 கேசினோக்களுடன் ஸ்லோவாக்கியா இந்த பட்டியலில் பத்தாவது இடத்தில் உள்ளது. ஸ்லோவாக்கியா ஒரு வெற்றிகரமான சூதாட்ட சந்தையைக் கொண்டுள்ளது, இது தரமான கேமிங் பொழுதுபோக்குக்காக உள்ளூர் மக்களையும், சுற்றுலாப் பயணிகளையும் ஈர்க்கிறது.

இந்தியா எந்த இடத்தில் உள்ளது?

பில்லியன் கணக்கான மக்கள் தொகை கொண்ட இந்தியாவில் மொத்தம் 21 அதிகாரப்பூர்வ கேசினோக்களுடன் இந்தியா 51வது இடத்தில் உள்ளது. இருப்பினும், நாட்டில் அதிக மக்கள் ஆன்லைன் மூலம் சூதாடுகிறார்கள், மேலும் கேசினோ கேமிங் இங்கு கண்டிப்பாக கட்டுப்படுத்தப்படுகிறது, சட்டப்பூர்வ கேசினோக்கள் கோவா மற்றும் சிக்கிம் போன்ற சில மாநிலங்களில் மட்டுமே அனுமதிக்கப்பட்டுள்ளன. பெரும்பாலான சூதாட்ட நடவடிக்கைகள் தொடர்ந்து முறைசாரா அல்லது ஆன்லைன் தளங்களில் நடத்தப்படுகின்றன.