சூர்யா-ஜோ முதல் விக்கி-நயன் வரை: முகேஷ் அம்பானி வீட்டு திருமணத்தில் கலந்து கொண்ட தென்னிந்திய பிரபலங்கள்!

Anant Ambani-Radhika Merchant's Wedding: இந்தியாவின் முன்னணி தொழிலதிபர்களுள் ஒருவரும், இந்தியாவின் நம்பர் ஒன் கோடீஸ்வரருமான முகேஷ் அம்பானி மற்றும் நீத்தா அம்பானி அவர்களின் இளைய மகன் ஆனந்த் அம்பானியின் திருமணம் நேற்று, அதாவது ஜூலை 12 ஆம் தேதி கோலாகலமாக மும்பையில் உள்ள ரிலையன்ஸ் வோர்ல்ட் கன்வெஷன் சென்டரில் நடைபெற்றது.

முகேஷ் அம்பானி இந்த திருமணத்தை உலகமே வியந்து பார்க்கும் அளவில் மிகவும் பிரம்மாண்டமாக நடத்தியுள்ளார். சொல்லப்போனால் இந்த திருமண விழாவானது 6 மாதங்களுக்கு முன்பிருந்தே நடைபெற்று வருகிறது மற்றும் அனைவராலும் பேசப்பட்டும் வருகிறது.

முகேஷ் அம்பானி இந்த திருமணத்திற்கு இந்திய பிரபலங்களை மட்டுமின்றி, உலக பிரபலங்களுக்கும் அழைப்பு விடுத்திருந்தார். இந்த திருமண விழாவிற்கு உலகளவில் இருந்து பல பிரபலங்கள் கலந்து கொண்டு, திருமணத்தை சிறப்பானதாக மற்றும் அனைவரும் பேசும்படியாக்கினர். சொல்லப்போனால் நேற்று முதலாக சமூக வலைதளங்களில் அம்பானி வீட்டு திருமணம் தான் வைரலாக உள்ளது.

இந்த பிரம்மாண்டமான திருமண விழாவில் தென்னிந்தியாவில் இருந்தும் பல பிரபலங்கள் குடும்பத்தினருடன் கலந்து கொண்டனர். கீழே அம்பானி வீட்டு திருமண விழாவிற்கு கலந்து கொண்ட தென்னிந்திய பிரபலங்கள் மற்றும் அவர்களின் ஸ்டைல்கள் குறித்து காண்போம்.

ரஜினிகாந்த்

முகேஷ் அம்பானி வீட்டு திருமணத்திற்கு நடிகர் சூப்பர் ஸ்டார் ரஜினிகாந்த் தனது மனைவி லதா மற்றும் தனது இளைய மகள் சௌந்தர்யாவுடன் கலந்து கொண்டார். அதுமட்டுமின்றி ரஜினிகாந்த் மணமகன் ஆனந்த் அம்பானியுடன் சேர்ந்து நடனமும் ஆடியுள்ளார். இந்த நடன வீடியோ இணையத்தில் வைரலாகியும் உள்ளது.

ராம் சரண் மற்றும் உபாசனா

டோலிவுட் நடிகர் ராம்சரண் தனது மனைவி உபாசனாவுடன் ஜோடியாக ஆனந்த் அம்பானி மற்றும் ராதிகா மெர்ச்சன்ட் திருமணத்தில் கலந்து கொண்டார்.

அட்லீ மற்றும் ப்ரியா

இயக்குநர் அட்லீ தனது காதல் மனைவி ப்ரியாவுடன் முகேஷ் அம்பானி வீட்டு திருமணத்தில் கலந்து கொண்டார். அதுவும் இத்தம்பதிகள் பிங்க் ஷேடு ஆடைகளை அணிந்து க்யூட்டாக வந்திருந்தனர்.

ரித்தேஷ் தேஷ்முக் மற்றும் ஜெனிலியா

நடிகர் ரித்தேஷ் தேஷ்முக் தனது அன்பு மனைவியான நடிகை ஜெனிலியாவுடன் ஜோடியாக ஆனந்த் அம்பானி மற்றும் ராதிகா மெர்ச்சன்ட் திருமணத்தில் கலந்து கொண்டார். அதில் ரித்தேஷ் சந்தன நிற ஷெர்வானியையும், ஜெனிலியா அவருக்கு மேட்ச்சாக அழகான புடவையையும் அணிந்து வந்திருந்தார்.

விக்னேஷ் மற்றும் நயன்தாரா

இயக்குநர் விக்னேஷ் தனது மனைவியும் நடிகையுமான நயன்தாராவுடன் அம்பானி வீட்டு திருமணத்திற்கு வந்திருந்தார். அப்போது விக்னேஷ் பட்டு வேட்டியையும், சட்டையையும் அணிந்து வந்திருந்தார். நயன்தாரா கோல்டன் நிற புடவையை அணிந்து வந்திருந்தார்.

சூர்யா மற்றும் ஜோதிகா

நடிகர் சூர்யா மும்பையில் தனது குடும்பத்தினருடன் செட்டிலாகிவிட்டார். இவரும் தனது மனைவி ஜோதிகாவுடன் அம்பானி வீட்டு திருமணத்தில் கலந்து கொண்டார். அப்போது சூர்யா அழகாக பட்டு வேஷ்டி சட்டையை அணிந்திருந்தார். ஜோதிகா அழகாக பீச் கோல்டன் நிற காஞ்சிபுர பட்டுப்புடவையை அணிந்து, அதற்கு மேட்ச்சாக பச்சை நிற ஸ்டேட்மெண்ட் ஆபரணங்களை அணிந்து வந்திருந்தார்.

ஏ.ஆர்.ரகுமான்

ஆனந்த் அம்பானி-ராதிகா மெர்ச்சன்ட் திருமணத்திற்கு இசைப்புயல் ஏ.ஆர்.ரகுமான் அவர்கள் தனது மனையுடன் கலந்து கொண்டார். அப்போது ரகுமான் அவர்கள் நீல நிற ஷெர்வானி அணிந்திருந்தார்.